遺棄問題

見呢一輪真係好多人遺棄小動物
好似前兩日咁，因為我做野隔黎係獸醫黎，
咁同的客又比較熟
有日我見到一隻好似曾相識既狗比我個客帶黎睇醫生
跟住我就話估唔到真係會比人遺棄
之後個客問我識佢嫁?跟住我話早兩個禮拜有對夫婦帶佢黎睇醫生
隻狗狗好可憐，成日爛哂留血.但係比我個客執左之後佢已經好返好多
仲將會被人收養:070:
但係我唔明點解的人可以就咁掉的小動物落街
真係養左一兩個月都可以一的感情都無既咩?
好似狗狗咁，佢地比人撩下就會走過黎，都好大機會會有人再養
好似我屋企果的全部都係街執返黎.
但係兔兔呢的真係好難係街度見到話捉就捉囉..
的人無諗過佢地會點既咩?
即係我唔係話遺棄係岩，但係如果真係要掉
點解唔可以放去兔協門口，或者連龍掉
佢地以為放生代表對佢地好，有自由???
其實佢地基本既覓食能力都無...真係連呢的咁少既常識都唔知?
突然打呢篇野出黎,,係因為我朋友打比我
竟然係街執到隻倉鼠囉:063: 係乜都無
自己一隻係個花糟邊都行..佢果頭勁多貓
好彩我個朋友見到佢,

d  人都無d  責任感:052:

下.....隻倉鼠好音公wor....如果俾貓貓發現得早, 一定死無全屍:042:
好彩你朋友撿左佢回家..............................唉
睇化左, 嬲唔到咁多, 呢個世界咩諗發都有, 我地只可以做我地做到既野,
而掉佢地出街個D人渣, 等天收:041:

我成日都覺得，一D冇人性O既人係好難令佢地知錯架....

就好似如果有個人覺得自己唔沖涼冇問題咁，我地好難改變佢諗法....
D人唔當生命係生命，當佢地O既生命俾人輕視，佢地感同身受先可能會改....

我可以做O既只有照顧好自己隻兔兔

都好認同你既稔法;雖然每一次見到有人遺棄動物都會好激氣!但上面位兔友講得好岩;我地要做好本份~