急! 絕育後傷口少少滲血 (有核突相)

斐斐上星期五 (24/7) 絕育, 一直都 ok, 岩岩個星期五 (31/7) 去咗 dr betty 度覆診, 一切都ok, 藥都食晒了,
但今晚抱起佢, 見到有少少血, 仲結埋 "蕉", 但斐斐冇咩野, 草照食, 廁所照去, 繼續周圍攤, 冇話縮到一個波咁,
我地發現時診所已經收咗, 我地見唔係持續滲血 (冇多到), 又結咗 "蕉", 一切冇咩異樣, 諗住睇埋聽朝先決定睇唔睇醫生, 但又少少擔心, 我影咗相, 有冇兔友可以俾d意見我? 感謝!!!

結左焦就應該無咩事
持續滲血或發炎含濃就要注意下

波波上年絕, 都係有少少血水, 不過好快結焦

未試過咁既情況喎,,,

miffy 絕育時試過係縫針位到結左焦但滲血水，
第二日覆診就問betty，佢話結左焦就無問題，
滲血水可以用棉花輕力禁實，睇下有無改善。

請問你在斐斐絕育後，需要多少時間照顧牠？
小樹是女孩子，我正掙扎是否為牠絕育。因為我不打算養多過一隻兔，不想牠受皮肉之苦，但又怕牠年紀大時患上癌症．．．
Dr Betty好嗎？看來很多兔友都是找她為兔兔看病。

斐斐係咪lam個傷口呀?試下比返個頭罩佢~

今朝打咗去診所問, 佢話如果結焦就ok, 可能係因為覆完診, dr betty 話佢個傷口ok, 我地掉以輕心, 佢勁跳勁跑都由佢..... 護士話唔俾佢活動得勁, 甚至戴多一兩日頭罩就ok, 唔使睇!
(我同護士講緊, 斐斐突然喺我隔離出現, 我check 完傷口又唔記得關籠頂....)

唔該晒各位兔友的意見!!

原帖由 katkat 於 2009-8-3 10:31 AM 發表
請問你在斐斐絕育後，需要多少時間照顧牠？
小樹是女孩子，我正掙扎是否為牠絕育。因為我不打算養多過一隻兔，不想牠受皮肉之苦，但又怕牠年紀大時患上癌症．．．
Dr Betty好嗎？看來很多兔友都是找她為兔兔看病。

斐斐係星期五絕育的, 我就由星期五請假請到星期一照顧佢,
基本上係頭一兩日睇得緊d, 要 check 傷口, 因為唔太食草, 唔太飲水, 又要餵密 d 草粉, 我第一次餵, 手腳慢,
到第三日我就冇盯住佢, 只係得閒瞄下佢, 佢又正正常常又咩野,
但醫生話頭三日要用頭罩, 我想佢舒服d幫佢除咗, 就要睇實喇!

其實 ok 的, 之前好緊張, 阿囡第一次做手術, 但做完又冇咩, 唔難照顧, 係望多兩眼啫!
囡囡就絕育啦, 冇人知唔做的後果, 做咗起碼個心安樂d! 我唔覺斐斐受咩皮肉之苦, 因為食足成個星期止痛藥, 我完全 observe 唔到佢有痛的表現, 最多都係痕啫, 最多都係因為冇得出寵要受自閉之苦, dr betty 好的, 個傷口埋得好靚, 放心啦!

Thanks! 剛約了Dr Betty下周為小樹杜fur mites,順便問下絕育既野。

豆豆做絕育時都有虱, 果時好似你咁諗, 杜左虱先做絕育, 但醫生話無所謂
你睇fur mites時...betty 可能會問你睇唔睇鏡~ 其實係抆兔兔幾條毛毛去顯微鏡下面比你 d虱, 冇醫療用途, 但要收錢 ka... 到時你考慮有無哩個須要

原帖由 小米 於 2009-8-3 01:26 PM 發表
豆豆做絕育時都有虱, 果時好似你咁諗, 杜左虱先做絕育, 但醫生話無所謂
你睇fur mites時...betty 可能會問你睇唔睇鏡~ 其實係抆兔兔幾條毛毛去顯微鏡下面比你 d虱, 冇醫療用途, 但要收錢 ka... 到時你考慮有無哩個須 ...

我暫時放唔到假照顧小樹呀，同埋我只係養咗佢兩個月，想同佢「熟絡」的先帶佢去絕育呀。#^7_002^#
OK，我會留番的錢買草俾小樹，唔花錢睇蝨！#^5_002^#