新手養兔仔一問!!

大家好呀! 我0岩0岩帶0左隻兔仔返屋企２日架ja..
佢係侏儒兔0黎架! 得３個幾月大..
咁我買佢返去既時候個店員就叫我0係佢d 食水度撈d 止疴水俾佢飲
因為驚佢識應唔到新環境又可能周圍lam 到d 污糟野會肚疴
但今朝我起身發覺佢d 便便已經唔係正常便便咁圓形一粒粒喇!!
變0左細細粒不規則咁一pat pat..
咁係咪即係已經病0左喇?:050:
但我都冇放過佢出0黎.. 佢淨係lam 過我隻手同腳.. 關唔關事??
可以點做呀如果係??
仲有呢個店員話依家都要每日同佢梳毛..
但我尋日嘗試抱佢0係手都根本唔成功
佢係咁掙扎仲咬0左我幾下= =
可以點? 搞到我有d 驚驚地..
因為我都係第一次養兔仔ja..
同埋d 人話養佢第一個禮拜好易死..勁驚!!
所以真係好多問題.. 唔該哂你地呀!!

不要止疴水，你被人騙左錢了，只要普通熟水就OK
兔兔回家頭七日係適應期，通常都困在籠裡，看情況才放出來讓它認識環境
當然你放出來前要做好家居清潔啦

便便唔係圓形一pat pat，應該呵軟便，之前食過甚麼？
可能你比了唔適合的食物，亦可能太好營養才呵軟便，亦可能受驚才呵軟便

每日同佢梳毛係需要，不過你同佢未熟，佢唔會咁易比你抱，亦會咬你，抱得唔舒服亦會咬你，比d耐性建立信任

[ 本帖最後由 wm20472 於 2009-10-15 01:28 PM 編輯 ]

如果軟便好嚴重, 要帶佢睇醫生....
唔好再俾糧同d止疴水啦...
俾多d草
佢岩岩返屋企地方唔熟會好驚, 放佢係籠
唔好摸佢騷擾佢
等佢習慣下先

依度有醫生資料:
http://mini-house.info/thread-41-1-1.html

3日對兔兔黎講太短..兔兔對建立關係是十分慢熱的

有人話頭7日好易死,因為兔兔可能會比陌生人嚇到唔食唔訓(主人就是他的陌生人)

止痾水是垃圾..掉左佢吧啦

我諗3-6個月後你先會感受到佢對你既交流..例如十分主動地要求陪佢玩

仲有..我諗你兔兔食緊既糧同草都會唔合格

不妨講比大家知你餵咩牌子比佢..等大家可以比d意見你

唔一定係病，兔兔新去到一個環境，會有壓力，
壓力都會引致佢肚痾，不過都唔會維持好耐，頂多1-2日就會回復正常。

唔好再俾止痾水佢啦，呢個止痾水只係呃你買 ga 咋。
俾返普通熟水就好 (唔好俾礦泉水丫)。

頭個幾日佢唔習慣你&環境會驚，
唔好搞佢，侏儒兔毛短，毛唔掃一個星期都唔緊要，
你夾硬捉佢出黎梳，搞到佢驚左你就仲麻煩。

頭個一星期唔係易死，
易死係因為兔兔通常都唔夠3個月就俾人拎出去賣，
食唔夠媽咪既奶奶而免疫力過低，
容易染病。

另外就係因為寵物店 (特別係 龍蝦樂園、寵物便便、q-vet)本身既寵物已經染病，
之後又將d新兔兔放入去，又搞到d新兔兔染病。

叫得你買止痾水，我估都係黑店 ...
如果糧係食日本糧既，就停左佢唔好俾佢食，無益。
糧係早晚俾一匙就夠。

唔該哂你地呀!!
我買既野食都係店員叫我買架!
牧草:  KAYTEE timothy hay
兔糧: marukan 既premium rabbit food maintenance 同KAYTEE 既FORTI-DIET
佢話兔糧係早晩每樣各一個湯(更) (我用中國式既(更))
但我見兔兔又好似食唔哂..
到下一餐都唔知倒過佢再餵好定就咁添就算...
咁係咪真係好似樓上講咁一匙就夠??
同埋我有時可能會有一日半日唔0係度餵唔到佢..
咁我可唔可以之前咕餐擺定多d 等佢食埋下一日??
仲有我係咪即係最好依家唔好掂佢又唔好抱佢住??
sorry r 好多問題!! thanks r!!

中國式既(更)........太多喇........
一般都係外賣更架咋......

兔兔既主食係乾草 24小時提供
糧, 早晚餵左 ok
出門前, 確保佢有足夠既乾草食

咁我既糧同草有冇問題呀??
佢得3 個幾月我其實係咪要同佢轉返食alfalfa 草呀?

牧草:  一般會食MOMI 1st cut or OXBOW Timothy Hay, 七個月大前, 1成餵alfalfa Hay, 9成餵Timothy Hay

兔糧: 一般會食Oxbow Bunny Basics 15/23 (Alfalfa糧), 一歲大後轉oxbow bunny basics T (Timothy Hay), 唔可食太多 (一個外賣匙大細), 若兔兔糞唔靚或唔食草, 就要減少糧的份量

一日半日唔0係度餵唔到佢, 你可以買餵貓用的定時餵糧器, 我覺得唔好預早放多d, 因為會影響食草量, 草食得少, 影響糞量; 若食太多糧而唔食草, 咁可能引致腸停, 咁就大問題

另外要留意厠所清潔問題

牧草/兔糧: 6個月以下 一定要食alfalfa base既....有足夠既營養佢地先可健康咁成長。除非你見到佢柯軟便,你就可以溝d timothy hay,等佢柯返d正常既便便

仲有兔兔既主糧係草,除左草,你不用比太多其他野食。就算糧我都係當零食咁比佢地食...一日大概只有一,二茶匙。只要佢不是沒有不食草,就ok

仲有唔好比生果,好多人都比生果/菜比兔食。因為6個月以下腸胃仲係好敏感,仲未成熟,所以咁細個比菜會好易肚柯,亦都會影響佢地日後既腸胃,比較易有腸胃問題。生果對兔兔來說是甜品,佢地既腸胃不適合消化甜既野,食太多甜野好易會腸停同有腸胃問題。食一隻指甲咁多已經可以係等於我地人類食十幾包薯片咁勁,所以如果唔係大時大節都可以不用比
(同埋d 人話養佢第一個禮拜好易死)
係因為好多都唔識養,仲有兔兔本身身體內在就有一些細菌傳在,只要因為受驚,有壓力...就會令到佢地抵抗力下降,從而誘發本身潛在既細菌出黎。
仲有頭半年都係關鍵期,因為好多由寵物店野返黎既病好多都唔會在1,2個月內發生。所以比心機啦~
我暫時諗唔到仲有咩要講,你唔明再問啦..^.^

唔該哂你地呀!!

但我依家發覺佢好似淨係朝早先痾多d 軟便..
晏晝又好似正常返
咁佢即係有冇病??

有冇病唔可能單睇軟便決定
除左便便, 仲要留意佢日常飲食情況, 眼耳口鼻有冇異常分泌物等等

兔兔其實唔食糧都無乜所謂，
所以少一餐兩餐更加無問題，
最緊要既係草草夠。

食唔哂就下次再俾少d，同埋唔食哂就唔加新既。
兔兔唔識得自己節制，肚餓就會食，你俾埋下一日既佢，
佢只會一齊食哂，食少一餐兩餐都問題唔大。

幼兔主要食 alfafa 草為主， timothy 只係次要。

kaytee 呢隻草我個人覺得唔係太好，味道比較假、草綠得黎唔太自然同偏碎。

而家最好就唔好搞佢，打開個籠門任何自己出黎探險，
你對於而家既兔兔只係一隻大怪獸，唔知你乜頭乜路，
得閒既就坐係地下 (趴係到都得ga) 同佢講下野，等佢認下你把聲。

軟便你要睇清楚係盲腸便定係乜野。
如果軟便太多，你可以停哂佢所有零食同 alfafa 既糧，
只係俾佢食 timothy 草，通常半日就會正常返，
咁你又可以俾返 alfafa 草俾佢食。

你想知兔兔係咪長期有軟便，可以聞下佢個pat有無臭，
如果有就係長期有軟便，咁你就要留意下la~