我個fd隻兔可能有側頭症呀~~

又係果個唔係好聽我講既人,佢話佢隻兔兔有時會側住個頭望佢,
我初時唔係好為意,但係之後佢同我講隻兔兔成日原地轉,
我就話會唔會係側頭症,佢話唔知,冇幾耐又同我講話因為隻兔兔唔食草,
然後又話隻兔兔腸胃有事,我話你喺邊度聽返嚟,
佢跟住話佢個仔上網睇到,唉...我都冇咩氣同佢講,
之後到尋日,佢話唔得,要帶佢睇醫生,因為佢個頭已經正唔返,
我其實已經一早叫佢去睇,我話就算冇事,三幾百都係買個安心,
佢都要拖多幾日,好...到今日,我冇問佢,因為佢知我嬲,
但係個同事就話俾我聽佢帶咗兔兔睇,睇咗$250,但係要俾多元1000.佢唔想俾錢醫兔兔,仲想俾咗隻兔兔人,
我真係唔何以再同呢個人講野,我好恨佢,
我覺得佢真係好狗,唔負責任不等止,仲明知有病都俾人,
我真係覺得我好似累咗隻兔兔,唔係我成日俾D相佢睇,又話兔兔好得意,
佢就唔會屎忽痕,走去買兔兔,我真係好唔開心~~~~

[ 本帖最後由 陳皮妹 於 2009-12-16 04:02 AM 編輯 ]

你朋友真係好可惡
佢仔仔雖然細, 但知道兔兔有病都會求baba帶兔兔E病
但你朋友尋求既竟然係甩手既辦法
講一套, 做一套
佢第日仲可唔可以係仔仔面前抬起頭??

這種人太不負責任喇!!!點可以甘對待一個小生命嫁!!
不如甘啦 你就平心靜氣去同佢傾下點解決啦
你甘嬲 佢又吾敢問你 而佢又吾識或者會吾恰當甘處理件事
最後受害既就會係兔兔喇.....
如果萬一不幸地真係要棄兔 都可以教佢點做 同佢分析下件事...
最怕佢怕麻煩 是但放兔兔係郊區甘就慘慘喇!!!!
真係難委左你了 #^31^#

原帖由 珊迪小姐 於 2009-12-17 10:32 AM 發表
這種人太不負責任喇!!!點可以甘對待一個小生命嫁!!
不如甘啦 你就平心靜氣去同佢傾下點解決啦
你甘嬲 佢又吾敢問你 而佢又吾識或者會吾恰當甘處理件事
最後受害既就會係兔兔喇.....
如果萬一不幸地真係要棄兔 都 ...

講得好~ 你要記住你依家肯同佢講野, 全都係為咗隻兔兔,等你清楚知道兔兔無事又安全之後,再作下一步打算, 或者你可以同佢講,等兔兔病好之後, 你可以幫佢搵人領養兔兔, 之後你就唔好再同依D人講野都無所謂啦!

今日佢主動同我講兔兔既事,證實佢係有帶兔睇醫生既,
不過佢亦有同我講佢醫好隻兔之後會搵人要,
我想同佢講話唔好之際,佢已經話佢唔識養,點點點...
算啦,到時候如果佢自己真係搵唔到人養的話,
我唯有求下我老公俾我養住先,到時先算...#^62^#

唉… 真係無良心! 一見佢病就唔要佢!!! 但你個frd就忘記兔兔帶比佢開心的日子… #^3_002^#

希望兔兔早日康復同埋搵到個愛鍚佢gei主人啦!

有時候做兔仔真係好被動, 好命0既, 真係有一個好愛好愛佢0既主人,
唔好彩0既, 遇到唔好0既主人, 病唔帶睇醫生, 由佢吊住條命就算...
睇到都好心up....

worry about the poor rabbit =(
身為人阿媽作壞榜樣, 唉~

原帖由 tongtong 於 2009-12-18 01:23 PM 發表
有時候做兔仔真係好被動, 好命0既, 真係有一個好愛好愛佢0既主人,
唔好彩0既, 遇到唔好0既主人, 病唔帶睇醫生, 由佢吊住條命就算...
睇到都好心up....

AGREE, 係呢個討論區的兔兔已經好幸福, 同埋係兔協住緊既兔兔都已經好好彩,
做小動物太被動喇, 都係俾人類一係食一係玩一係掉, 好命苦,
我地可以做既只有幫得一隻得一隻:041:

真係好鬼煩喎佢,今日又講,仲叫我幫佢搵人養,
我已經半開玩笑咁話叫佢唔好做個不負責任既人,
我話呢個世上已經有好多棄兔,
佢話要搵個好人家,又話間唔中要俾佢睇下,
佢又話最多每個月都買糧俾佢食,好似好巴之閉咁,
最憎d人係咁~

通常呢D人得個講字
有人養左佢隻兔之後就會自動消失