打乞痴一問

大家好呀~
請問各位既兔兔會唔會經常打乞痴
最近momo成日打乞痴,有時仲有聲(第一次聽到嚇親, 仲以為佢講野)
特別係食完草同飲完水就會打...

除左凍親之外會有咩原因係咁呀?
如果凍親既話食同痾會唔會有唔同? (我隻兔兔其他方面冇問題)

大家睇完獸e有咩意思, 會唔會好難e架?

唔該曬:050:

打乞痴...可以係好多原因架wor~
鼻敏感啦~氣管敏感la~傷風la(即刻呼吸道感染la)~本身有體內有菌la~
or純粹係比d草碎整到等等~~

momo每次係打幾多個乞痴呀?1-2個?1x-2x個??
如果只係打1-2個,可能係佢比d草碎呀~水呀整到鼻仔je~
打幾十個就要留意下la~
你有無試過用紙巾幫佢印下鼻仔~睇下有無鼻水,有既話鼻水係咩色?

轉天氣既時候都可能會令兔兔打密左乞痴~
好似我total咁~之前就係轉天氣勁打乞痴,我以為佢凍親就去睇betty~
之後betty話total係有條好敏感既氣管~所以轉天氣就會打多左乞痴~
如果鼻仔係乾爽,唔駛太擔心~
可能有時會噴左少少鼻水,唔係黃色都唔駛太擔心~

如果你真係覺得佢打乞痴打得好密~
你唔放心的話~都可以去睇下vet~
check一check係咩事,當買個安心~
好似我之前咁...以前total細個都唔會打咁多乞痴,之前一轉冷就勁打~打到佢抖唔到氣咁濟~
我驚起上黎就去睇醫生~~後來發現係本身氣管敏感,咁就安心好多~

嗯嗯    唔該曬你呀  好詳細

momo 冇鼻水呀
佢一打就2,3個咁黎架啵...
一日1-2次啦
不過哩2日打多左..

我睇多佢一排都係咁就帶佢睇e生啦

2、3個姐，唔緊要...
如果真係有病，係一打可以係20幾30個 .....

你試下入草之前DUN走D草碎，可能係草碎作怪。