如果想bonding 2隻兔仔, 要注意d咩?

如果想bonding 2隻兔兔, 要注意d咩?
我家的蚊蚊只有4個月大, 係唔係唔適合bonding住?
其實, 大家係咩原因想bonding兔兔架?
依家我見蚊蚊成日一個玩, 佢以前o係pet shop有2個friend架, 我見佢果時好"痴"其他兔兔, 另外果2隻兔兔跳, 佢又跟住跳..
但返左我屋企之後, 好似沉靜好多,雖然我日日都同佢玩, 但覺得佢好似需要多個friend...

但你要諗下自己有冇能力照顧2隻兔兔..
同埋有病既話可能另一隻又會傳染到...你有冇咁多錢比佢地睇E生??
萬一2隻兔兔係bonding唔到的話...你以後都要分開黎養!!!兔兔未必要有多隻一齊先開心既..你鍚佢多D已經好開心嫁喇..
要bonding最好就係2隻都絕左育先~~

bonding 2隻兔兔，你要留意返佢地會唔會打交，
有時未必一開始就打交。
最好2隻兔兔都係已經desex，始終是但一隻未desex都會有佔地盤既意慾。
蚊蚊得4個月大，最好都係等佢desex左先bonding，
因為就算desex之前已經bond好，但都有機會desex後需要再bond。
但係 .... 未必每隻兔兔都一定bond得到，
所以 .... 一定要諗清楚，萬一真係 bond 唔到，需要分籠住，你自己同屋企人接唔接受得到。
例如清籠要清2個，放兔要放完一隻再放一隻 等等 ....

2隻兔兔一齊住，無事既話都無乜大分別，最多都係用品上面開支double左，
但如果其中一隻有病要睇醫生，咁就要2隻帶哂去睇 ...
就會變成醫生費double，一隻8百，兩隻就千6 ...
經濟能力你足以應付嗎 ?
家人會唔會支持 ?

我有2隻，只係希望佢地可以自由時間2隻一齊落地玩唔駛分開放，
將活動時間盡量拉長，
住就反而唔想佢地一齊，始終 .... 咕仔成日都all錯尿要放尿片，
但miffy見到尿片就即咬 ....

唔好因為見到佢"覺得"佢悶就搵多隻返黎，
我相信絕大部份兔友都會有呢個感覺，
特別係新兔友，就更加會有呢個感覺。
但真係要諗清楚，自己係咪真係承受得到bond唔到既後果，
我覺得，對於bonding，好既結果唔需要去諗，反而需要去諗清楚壞既結果。

bonding唔係你諗得咁簡單
1. 萬一佢地唔夾, 你要分籠養
2. 你而家呢隻兔 有機會因為新既兔兔黎而出現好多唔好既行為
e.g. 周圍小便 大便 更甚至 心情唔好!
3. bonding之前 兔兔最好絕左育 2隻計都起碼二千

* 你覺得兔兔悶.. 佢未必真係悶
你怕佢悶就多放佢出黎玩
仲有 你養左呢隻兔兔都唔係好耐 新手真係不適合一次養2隻
之後既花費咩都double咁計 最慘係睇vet 既$ 難以想像

決定之前諗清楚

我都明白,開依個標題就想大家比更多的意見,有時怕自己唔理性呀..

住的地方同vet o既費用我都應該可以應負到..

我只係希望可以給更多快樂蚊蚊

有時我地諗兔兔會開心
但係有時事實未必係咁~~

因為之前我試過領養左一隻番黎
新個隻蝦Hill仔蝦得好利害
搞到Hill仔成日都好驚
本來識去屎兜小便 點知因為新兔黎左四周小便大便

所以...諗清楚
養多隻兔兔係咪真係會開心 會鍾意 會接受

你好好養住e+隻兔兔先啦~!

我已經係一個壊例子~!

bonding左2年都冇辦法fd 到~!

出黎玩要分開~

兔兔有你要個好主人陪佢玩~就夠晒數.........

我有時經過pet shop,,
見到d兔仔好可愛,,,又想屋企個隻多個伴~
就會即刻心郁郁想買多隻~
但係我即刻會諗:如果真係買多一隻番黎,,又要分開佢地住,,,到時bond唔到又要分開放,,
咁最後就變左唔係多個伴,,,,,,可能因為成日要分開放出黎玩,,,
而家個隻就會覺得忽略左佢(因為而家我一番屋企就放綿綿出黎到訓覺先番籠)

搞搞下本來為佢好錫佢先買多隻,,最後反而令佢分薄哂~好可憐
加上我好怕新買番去個隻有病會傳染到比我綿綿~我會好心痛
所以最後我都決定以後只係一心一意照顧佢~~~#^9_003^#

bonding 最好兩隻絕左育先bond, 因發情期會互un
要有心理準備可能要bond 好耐先成功或bond 唔成分開養~

多謝各位的意見..

好喇..都係唔好多心喇我...
專心侍從蚊蛟喇..

今日同蚊蚊玩得好開心...
佢玩到攰晒..
我一安撫佢就訓著左lu...