5月4日
發現蚊蚊鼻仔黃黃地.. 當晚終於睇到醫生...
醫生見蚊蚊幾精神, 而且都有食草,以為可以唔比藥, 點知一check佢個鼻, 就話有膿, 應該係吹親...
都係我喇..早2晚都開左陣冷氣比佢.. 醫生話溫差大.. 會令兔兔病.. 只係20分鍾o既冷氣.. 令到蚊蚊辛苦喇... 真係蠢呀我.. 諗下都知唔應該咁做.. !!!!!!!
夜晚食第一次藥, 蚊蚊反抗得好犀厲..餵左成粒鍾..雖然餵到我出晒汗.. 不過我無開冷氣..唔敢喇...
5月5日
今朝蚊蚊食飽后, 又再餵藥, 今次佢乖好多.. 點知佢食完藥半個鐘.. 鼻仔又黃好多.. 我即刻打俾醫生.. 點知今日佢放假.. 唔可以睇蚊蚊.. 佢教我用生理鹽水洗下蚊蚊個鼻.. 唔好比d膿阻住佢呼吸...
洗左1次, 下午d膿又出現, 剛剛又洗1次, 見到蚊蚊個鼻仔咁樣真係心痛死我...
頭先, 餵第3次藥, 蚊蚊已經知道佢一定要食, 如果唔係我唔俾佢走, 佢一咬就咬左粒藥, 仲咬埋我隻手指..之後我把握時間再餵埋果2粒, 佢咬藥又咬我手指.. 第一次見蚊蚊咁大力咬野.. 手指都流血...唔知係咪嬲我.......SORRY呀, 蚊蚊....(
[ 本帖最後由 mandycpi 於 2010-5-9 10:47 AM 編輯 ] |
|