兔與貓相處問題

兔兔要從前男友家搬返自己家了
但家中有1隻6歲波C貓女
返到家, 兔兔不斷dup地
貓都對哩位新朋友小心翼翼
佢地隔籠對望, 中間有2個階磚距離
好明顯兔兔因此而不安, 然後大地dup地
有時貓會走近, 兔兔未見到都已經sense到, 又提高警覺!!
而家我用布姐掩籠既一半, 佢睇落去安心d
都肯柯肯食肯攤
警戒心比較強..
我決定哩幾日繼續隔籠觀察..

想問一下有冇人家中有兔又有貓?
請問可以和平相處嗎?

我兔兔唔驚貓,
而一開始睇實D貓, 佢一伸爪, 就渴住佢
開頭貓貓可能會望實隻兔
佢睇慣左
慢慢就唔理隻兔兔架啦

那請問當你兔兔初次見貓時反應如何?
而家我好擔心聽日返左工, HOME 無人都唔合點算!

可唔可以將哋個籠暫時分開遠啲??? 或者將兔兔喺你返工嘅時間搬入房呢???
因為兔兔去到一個新地方要時間適應, 如果喺未適應前仲要加埋佢怕嘅貓俾倒佢壓力, 好容易會影響到兔兔心情同食慾, 你嘗試先分開佢哋遠啲, 等佢哋大家慢慢知道對方嘅存在, 亦都等兔兔首先適應喺你家生活, 先再慢慢令佢接受貓貓啦~!!

建議你暫時唔好俾你隻兔見到/聞到/聽到你隻貓先
岩岩轉換新環境已經係個壓力, 貓係另一重壓力
佢係咁dum 地已經係警號

我暫時搬左入family間房, 因為我自己係無房既, 然後用個圍欄隔住, 貓貓入唔到去, 亦都通到風, 佢地可以離遠對望到..

琴晚tum返佢一晚, 佢就安心左好多, 有攤有鍚鍚,
趁佢攤既時候我就去訓, 我都聽到佢有起身食野,
今朝屋企人起身, 佢知道有人起身就dup地,
我就即刻起身摸下佢, 順便餵佢食早餐....
之後佢就無事啦=]

不過搬入房果時貓貓好奇又行近, 嚇到兔兔..
唉... 我真係好擔心好擔心, 我好怕兔兔會唔開心.....:050:
要佢由1個舒服既屋企轉到一個無咁舒服既屋企..
唉............... 唔知佢慣唔慣呢

我都有養貓同兔兔,頭一星期我隻貓成日伸手抓兔兔個兔籠,初時我間d大膠板遮住免籠四面,後來貓貓知找不到,只係日日都做兔兔body guard瞓係兔籠側邊望住佢,過多一星期,貓貓對免免己經無乜與趣,我先慢慢放兔兔出嚟同貓貓玩,當然要睇實佢哋la,貓貓一多手多腳,就即喝住佢,甘又過一星期,佢哋你追我逐玩了,都無事發生,依家佢哋知對方存在,大家河水不犯井水。你睇下d相:

thanks devil77呀, 睇完你張相我安心好多...
而家貓貓都無伸手入籠, 淨係聞, 兔兔都已經好鬼驚....
想問下頭1個星期當你屋企無人時, 你會點處理?

同埋呢, 你隻貓貓到home先定係隻兔兔先咖?
你會貓貓見到兔兔會唔會爬低晒個身黎行好似狩獵咁呀?

依家剛帶兔兔返嚟,最好唔好放佢出嚟玩住,等佢適應自己個籠先。
你唔放心無人响屋企,貓貓又偷偷哋走去聞免免嘅話,最好去d五金鋪間d透明膠版,你度好籠每面size,五金鋪會幫你整好,我個籠特大都係百幾元到.
你裝咗透明膠版,兔兔知貓貓無計傷害佢,佢就唔會dup地,貓貓亦知道無嘢玩,就會對佢無乜與趣.透明膠版仲有一個好處就係佢哋互相見到對方,慢慢熟習對方存在.
我養貓貓先,我隻貓嘅品種係出晒名嘅狩獵者,所以佢爬低扮狩獵嘅次數一定多過你隻貓,放心吧,波Ｃ貓係乖過我隻貓,佢哋會好快習慣嘅.

[ 本帖最後由 devil77 於 2010-7-15 05:25 PM 編輯 ]

THANKS AH!!
不過而家夏天, 膠板會唔會好焗?
咁你隻兔兔果時有冇0係個籠入面好不安呀??
例如DUP地?
我隻貓好奇聞一聞佢, 佢都已經好大反應, DUP地同埋快跑
有次我摸完貓貓再摸兔兔,
兔兔應該又係聞到我有貓味所以好大反應... :063: