豆腐花唔知點解會咁？

一路以來豆腐花都係用紙粒鋪廁所的，
一星期前，隔離鄰居的鼠鼠走了，就把用
淨的木糠給我，因鄰居的好意我都冇推到，
諗住拿給我給細妹用（細妹養鼠鼠的），
但豆腐花見到d木（康）好似瘋了一樣，
我將d木（康）放高唔俾它見到，問題出現了，
豆腐花竟然唔再在鋪了紙粒的廁所去大大小小，
四周圍去，用白醋來拖地除去尿味都唔得，
我知用木（康）對兔兔唔好，但我嘗試用少少放在
它的廁所上，豆腐花竟然自己走返入去個籠度去大小，
有冇兔友知道豆腐花發生咩事，竟然要用木（康）唔用紙粒？

我覺得可以mix返木康同紙粒入去個廁所度，讓豆腐花可以返去自己個籠內去大小.........如果都係怕豆腐花吸了木康，你可以加少少水入木康，令木康碎不能飄散出來........

[ 本帖最後由 Maggie 於 2010-9-2 05:13 PM 編輯 ]

其實會唔會可能係因為d木糠有鼠鼠陣味~
所以佢以為有人黎左佢地盤,
佢又搵極都搵唔到(你放高左)
所以佢就四周圍尿尿~

當你放左d味去佢廁所,
佢又用返自己陣味去蓋住d木糠,霸返個地盤呢?

咁我要點做才可以令豆腐花用返紙粒呢？
係唔係好似maggie兔友話將木康和紙粒mix
埋一齊呢？
我今日打電話問荃灣r記的sale，但佢地答我木康係
對人比較有影響，對兔兔影響不大，佢地咁答法是唔係
有問題呢？仲話兔兔係自由行的話，淨係去廁所先入籠
相對來說係唔會影響到兔兔的呼吸問題。

其實我覺得兔兔少行埋去就無咁易吸到~(即係同人一樣)
不過一行埋去就會有機會影響到,而且可能好細粒既粒子我地人唔覺,但兔兔會feel到~

會唔會你拎走左條木糠就無事呢?(i mean拎離開屋企)