請教一下兔糧食

我隻兔差唔多4歲了.
而家食緊kayee timothy草
同Versele-Laga Cuni Nature 兔糧
佢唔太鍾意食蔬菜..所以少食.

想問下呢隻草同兔糧o唔ok架?
各位係俾邊隻牌子既草同兔糧兔兔食架?

多謝指教.

呀B唔鍾意食菜...只鍾意食乾的食物 (她約2歲)
夏天比薄荷乾/蒲公英佢食, 間唔中比D零食仔佢(蘋果木, 木條, 草餅)

我比MOMI 1ST & OXBOW糧佢食 (食開APD,如果買唔到就OXBOW)

apd,oxbow的兔糧會好一點!momi有一隻草糧都ok!我家兔兔食緊!
而草apd,oxbow,momi,jo jo都係好選擇!

oxbow糧係最好架喇…我同靜妍轉糧之後都係食Oxbow

謝謝你地既回覆.
想問下oxbow主糧係咪淨係綠色一粒粒咁?

OXBOW D糧墨綠色, 幼身GE一粒粒咁

呀B岩岩轉食OXBOW果陣，我見佢食第一啖然後個樣好似咁--->囧，之後又走去飲水&食草...  #^13^#

其實kaytee冇代理
得水貨.so5太新鮮
我bb都系kaytee轉momi

ic...同埋想請教一下,d草係咪有分軟同硬架?
一般兔兔鍾意食咩草多?
或者咩牌子既草硬d / 軟d架?

牧草有分1st CUT (第一割)及2nd CUT (第二割).
1st CUT硬枝多花多，2nd CUT葉多.

一般兔兔都鍾意食軟ge草，但係呀b鐘意食硬草…

apd係最香，最好味及多葉 (都係最貴的)

oxbow價錢平d, 草質較穩定，枝葉平均.

最硬我諗係momi 1st cut，我同兔爸加草間唔中都"慘"親隻手...

我今日發現兔兔唔太鍾意食草咁..佢係個草波度扯左D草出黎但唔食..:056:
但如果我唔餵糧佢食,淨擺D草係度,佢可能太餓就見佢有食...
呀...點算...

"淨擺D草係度,佢可能太餓就見佢有食", 為左佢好. 唔好心軟喇~

另外兔兔一日食幾多餐糧, 每次份量多少?

原帖由 katy 於 2011-5-9 12:12 PM 發表
"淨擺D草係度,佢可能太餓就見佢有食", 為左佢好. 唔好心軟喇~

另外兔兔一日食幾多餐糧, 每次份量多少?

我而家溝左草..kaytee同momi 2nd cut,佢鍾意食momi 2nd cut,食多左.
佢一日2餐糧,一匙巾(同我地平時飲湯既匙巾差唔多),會唔會太多

食多左草係好開始黎~~~ #^79^#

呢個份量D糧都OK呀~ 呀B都差唔多(我就比10粒... 兔爸家人見呀B閃令令眼(呃飯食), 就比多D..) 雖然有時比多左, 但呀B唔會唔食草. 佢訓醒就再食草.

你家兔兔都好硬頸... 寧願餓住個肚仔都唔食草, 一係比多D活動佢, 等佢消耗下D能量 或者買D唔同味GE草當零食, 等佢開胃D#^51^#

除左糧,草有冇比其他食物?!

謝謝你既意見呀...

除左糧同草,好間唔中先會餵d蘋果乾佢食..
佢一聽到我打開櫃筒,知有蘋果乾就眼仔眼光咁望住我...
佢唔鍾意食蔬菜...有冇問題ga..

原帖由 arkayhk 於 2011-5-11 02:02 PM 發表
謝謝你既意見呀...

除左糧同草,好間唔中先會餵d蘋果乾佢食..
佢一聽到我打開櫃筒,知有蘋果乾就眼仔眼光咁望住我...
佢唔鍾意食蔬菜...有冇問題ga..

冇問題.. 因為我兔兔都係討厭菜菜子… =_=""
飲夠水, 食足夠草量就可以啦.. 間中買D不同GE乾草/或者乾果(我會食過甜唔甜先比, 太甜唔會比佢)比佢食下!