再次迎接兔b?

雖然仍然係傷心既心情中..
見到好多野都會掛住己經離開既兔兔..
不過望到個吉籠...不禁會諗下再次同兔地發展關係既可能.

大家覺得應該隔幾耐再同兔地搞關係好D呢..
太快..又怕感情未處理得到
太耐.....
唔知點講...平時有兔陪開...咩事都可以同佢地講..有佢地陪..
出門口/返屋企都會搵下佢地...
突然無左真係好唔慣...我需要佢地 > <:

唔知大家有咩意見呢?

其實冇話要幾耐既,都係視乎主人心理同生理上可以接受到新兔兔未
兔兔走左,一定好難過~
每日習慣返屋企第一時間搵兔兔,依家望住吉籠,好似有個空缺咁
如果你準備好既話,其實再養都係一件好事黎架
可以將你未完既愛,送比新兔兔,
給兔兔一個家,給兔兔一個好主人,
我相信兔兔係彩虹橋上都想見到主人開開心心~
P.S.主人,唔好太難過~:041:

係...真係有個空缺...心靈上都係....
尤其兔兔搵人拎野食既時間同幫佢執籠既時間..都覺得好空虛...
不過又怕咁快再養唔知會唔會好似代替咁...
好似兔兔被取代..又好似拎新兔兔做代替品咁...><

再養你要知道　　依隻係新兔兔　．．　唔同之後個隻　．．
唔可以做比較．．　　好多野都要重新黎過　　做１個新開始．．

我明白樓主心情;我都經歷過!我都在mo mo走
左半個月後接左kathy返來;佢係一隻被遺棄的兔
兔!但我同老公深明一兔還一兔;不作比較;
亦唔會當佢代替品;所以人兔都生活愉快!而已走的mo mo就活在心中;如果唔係對在生兔兔好唔公平!
所以如果樓主心情平伏左;有準備的再養係好的;

我諗只要樓主你覺得你準備好..
再養過一隻都唔係d咩問題..
我諗兔兔都唔會介意.只會唔想你再唔開心!
最緊要都係唔好比較.盡心去愛既兔兔
最好梗係去兔協領養啦!

我諗都唔會去比較佢地既..
宜家諗住等到8月頭, 因為有份短期工返到7月尾.
咁8月頭就可以有段時間日日係屋企
而且會多少少時間畀自己..

另外宜家間中都會上兔協個WEB睇下有無合眼緣既兔.
睇下呢D好似可以舒緩下掛住兔兔既感覺..
應該會一路留意兔協個領養WEBSITE到8月再睇下點..

新兔是冇可能代替去世的兔兔
但佢可以令你有一個心靈既依靠

原帖由 ccychoy 於 2011-5-24 07:04 PM 發表
新兔是冇可能代替去世的兔兔
但佢可以令你有一個心靈既依靠

嗯...心靈依靠真係好貼切