絕育後餵草粉問題

我隻仔仔尋日做完絕育，夜晚已經自己食草，醫生話要餵足一星期草粉，但佢反抗得好勁，強行用毛巾包到勁實先餵到大約10ml左右，我真係怕佢咁暴力反抗會整到傷口，都唔知點好。
另外，因為帶左頭罩要餵食盲腸便，又係死都唔肯食，打電話去醫院問話佢真係唔肯就由得佢，其實有冇問題？

p.s.頭罩我訓覺出街睇唔到佢先帶，醫生話要帶3-5日唔可以除，我咁樣有冇問題呢？
謝謝！！

最重要係看屎屎情況, 若可以呵返同以前一樣的屎就可以停草粉, 若唔係, 就一定要餵, 以免腸停, 我大細妹用咗3日時間

若你肯定佢100%唔攪傷口 (因為一攪出血就好大件事), 可以唔用頭罩, 我大細妹第2日已經唔用

佢而家痾便便同以前一樣大小啦，但份量唔算太多，我其實都有餵草粉，但食既份量真係得5-10ml左右，事關反抗程度極度恐怖。我係夜晚訓先帶頭罩，基本上成日除左落街買野食野之外，都係冇帶頭罩佢自己飲水食草。

唔係一定要帶啊!我阿仔只係係絕育後醫院帶番屋企個程帶住,返到屋企已馬上除左,之後一直都無帶過!最緊要係開頭睇住佢會唔會搞傷口,我睇左成個夜晚佢都無搞,所以放心唔用!我見佢帶住食唔到野又勁辛苦咁,好心痛!

因為我見佢舔到一兩次，所以我唔放心啦，唉，好心痛呀！

其實個傷口應該幾時會好？咁就唔怕除頭罩嘛！佢呢兩晚試過整甩過一次

大約一個星期到

若你看住佢時間咪唔帶

醫生話帶3-5日，咁如果要一星期先好咪要帶一星期囉？

最主要都係要睇兔兔會唔會舔傷口
如果你睇住佢既話都可以唔戴既

明白啦，唔該晒咁多位呀