兔兔突然唔肯食草..help

自從上批momi 1cut草幼身左之後, 我家兔兔開始唔肯食草了
以前1日食1.5個草球,而家2日都無1個>"<..
試過買其他牌子草比佢食, 佢都唔係點食
見住佢d cc由黃金蛋變到而家細細粒..真係擔心

唔知有無咩方法可以引兔兔再食草呢?

便便變細，無胃口，都係腸停初期徵狀
你可以試下鋪啲草係籠，餵下菜或草粉
兩日食唔到一個草球好大件事，建議你儘快帶佢去診所睇睇

但係兔兔咩都肯食..
淨係唔食草草,一係就揀d草花出嚟食
咁樣算唔算腸停先兆??

你兔兔係賓尼1日食1.5個草球都好似少左Ｄ喎，佢成左年未架？一日要俾佢身體既2倍既草佢食至夠喎∼
你有無試過買另一隻牌子既草俾佢食？可以買包最細既，如果佢肯食至買大包囉。
可能佢唔鐘意食原先果個牌子既草都唔定，或者果隻草既質素差左又唔定。
又或者天氣太熱，中午下午佢地都會無咁好胃口。

[ 本帖最後由 jinjin 於 2011-6-4 12:00 PM 編輯 ]

如果太熱, 佢地會無胃口, 仲有可能中暑. 如果便便太細同少, 要帶佢去看醫生.

雖然我係準備養兔~唔係幾識,,但係樓主你擔心,,不如同兔兔睇下醫生,可以安心D,對兔兔可以了解多D,,#^30^#

天氣熱兔兔都會唔食草架...摸摸耳仔係咪好熱，睇下駛唔駛同佢降溫

我會周不時貼隻耳仔去聽兔兔腸鳴聲，如果弱左，少左就準備餵草粉啦...

我之前都有試過~
果陣轉左草..因為冇曬t草....
但佢唔係唔肯食..
第二日差唔多成個草球冇食..
我以為佢發皮氣..冇理佢<---(我都知咁係唔好的
ps(個草球係100%滿的 )
之後第二朝一樣係咁..
我換d新草比佢..佢又即刻走去食.0.
我估係d草冇曬香味..佢先唔食..
不過我覺得樓主都係小心d好 ><!