PetKD 寵物網 (寵物領養、資訊廣告、用品買賣及寵奴互動平台)

標題: 兔兔糧草飲食需知 [打印本頁]

作者: 阿度 時間: 2008-7-9 01:01:45 PM 標題: 兔兔糧草飲食需知

因發現有小量會員及兔主人對於糧同草份量不太清楚,故開此post希望幫到各位

幼兔(約1個月-7個月)
應以苜蓿草為主,即Alfalfa Hay(一般稱為A草)
糧以最多每日早晚餵一次,每次一平匙為上限
而草就無限量供應
一般情況下這時候的兔兔都係以A草糧為主,但不一定所有兔兔都可以
例如食完肚痾等等,所以主人需要留意

步入成兔期(8個月-1歲)
這個時候,可以為兔兔減小苜蓿草份量~開始慢慢混入提摩西牧草,即Timothy Hay(一般稱為T草)
建議兔兔8-9個月大先開始轉糧同草的,因為希望兔兔能夠於幼年期吸收多點養份,只要在一歲前成功轉到就可
開始時兔兔多數都不會食T草,但不要太擔心~狠下心腸吧
記住一開始不要過急,以一份T草混九份A草~再慢慢增加T草份量直到完全食T草為止
轉糧做法一樣

成兔(1歲以上)
應以提摩西牧草為主,即Timothy Hay(一般稱為T草)
糧以最多每日早晚餵一次,每次一平匙為上限(這而是餵糧極限,請緊記)如能改為每日只餵一平匙較好
最佳做法係兔兔可以唔食糧,剩食草~所以糧係可以唔比~請各主人留意這點
如能做到唔食糧,緊記要比3種不同種類的新鮮蔬菜
而草就無限量供應

[ 本帖最後由阿度於 2008-7-11 01:21 AM 編輯 ]

作者: vice0926 時間: 2008-7-9 11:23:36 PM

我個人認為幼兔期都要食timothy hay~
等佢地早日可以適應到食t草..
大個唔會揀食~

作者: wesky 時間: 2008-7-9 11:25:42 PM

都要以 A 草為主~~ T 草為輔~~

作者: 冽! 時間: 2008-7-9 11:30:50 PM

宜家係主要A草,然後比少少T草佢食

作者: 阿度 時間: 2008-7-10 12:26:24 AM

所以寫係以a草為主~~但都可以食t草
問題唔大的~~

作者: Colleen 時間: 2008-7-10 08:52:59 PM

好多人都真係唔知兔兔細個要食a 草:056:

比d sales 呃左買d 日本唔知乜草

作者: seefun 時間: 2008-7-11 01:06:30 AM

要唔俾糧,就要每天供應最少3種不同種類的新鮮蔬菜,
否則只淨食Timothy草會得不到均衡的營養哦.

作者: 阿度 時間: 2008-7-11 01:20:39 AM

原帖由 seefun 於 2008-7-11 01:06 AM 發表
要唔俾糧,就要每天供應最少3種不同種類的新鮮蔬菜,
否則只淨食Timothy草會得不到均衡的營養哦.

而加了,多謝提點
因一心只希望各兔主唔好比過量主糧而打小這一項

作者: ‵小瑩　:])) 時間: 2008-7-11 01:25:54 AM

我一開頭已經錯左...而家返唔到轉頭..
芝麻唔食糧就會發火....-____-.....
佢起碼一日食我4匙糧...
我想減佢都減唔到....唉....
不過上次睇醫生佢又健健康康..
就咁算啦-v-"

作者: williamaaaa 時間: 2008-7-11 01:27:06 AM

我餵好少糧

作者: 迷路小貓咪 時間: 2008-7-11 04:09:55 AM

同兔店教我的不一樣耶

可加點東西已斷奶幼兔（一個半月至四個月）：
牧草（無限量供應）：以一半的苜蓿草+一半的提摩西或果園草，即苜蓿草:提摩西或果園草的量為 1:1。

若你想給兔兔多適應別種品種的牧草的話，可以用以下的比例給予，苜蓿草:提摩西或果園草:其他牧草，為2:1:1。

飼料：幼兔飼料的選擇重點為「粗纖維 15%以上愈高愈好」、「粗蛋白 12~15% 不要超過 15%」、「鈣質 1%以下」。餵食的時間在早、晚，一樣10分鐘以內就能吃完的量。或是幼兔體重的3~5%為其一天的「總食量」。舉例，如幼兔的體重是500公克，則一天可餵食的飼料為15~25公克，則一餐的用量為7.5~12.5公克。

幼兔因為還在發育，體重會變化，所以要每隔一週量一次，調整食量。

水：乾淨飲用水無限量供應，一至兩天要換一次水。

副食品：不建議給予，蔬果、零食、酵素丸等副食品，建議四個月以上再給予少量。

[ 本帖最後由迷路小貓咪於 2008-7-11 04:14 AM 編輯 ]

作者: kwaikwai 時間: 2008-7-11 10:14:58 PM

睇完d post.....其實我想請問下大家.....

之前其實didi 每餐一直都係開糧(一匙半)同菜既.....

上年睇完betty...佢已經叫我唔好再比糧啦...
但我見佢又咁餓咁....
就改左1匙糧同菜啦......

但今年再睇....
betty 已經再講一定唔可以再比糧....
我冇再比糧啦...
不過didi 好似食極都唔飽咁....
係咁抓籠叫我比我佢食.....
個樣好慘呀...... :050:

同埋呢...佢牙仔唔得所以食得好少好少好少草...
d便便呢.................細粒到唔細咁....
好擔心呢....................................... ><""

咁我好唔好再比返少少少糧佢呢....???
因為我好怕佢係咁抓籠....遲早整斷d指甲...
(有一隻好似已經怪怪地了...)

作者: 阿度 時間: 2008-7-12 12:15:59 AM

原帖由 kwaikwai 於 2008-7-11 10:14 PM 發表
睇完d post.....其實我想請問下大家.....

之前其實didi 每餐一直都係開糧(一匙半)同菜既.....

上年睇完betty...佢已經叫我唔好再比糧啦...
但我見佢又咁餓咁....
就改左1匙糧同菜啦......

但今年再睇.... ...

食慣左糧,開頭唔比糧佢係會唔點食架
你最緊要有草放係度,而呢隻草佢又係鍾意係
咁佢餓就會食架喇,開頭會食得小
但慢慢會快多返~不過記住,每日都要比菜呀

作者: kwaikwai 時間: 2008-7-12 12:00:55 PM

佢真係唔係肯....
放左草成個星期草架都可以唔駛加草....
佢寧願抓籠叫我比野佢食佢都唔肯草...
要撒d草粉落去又或者混d草粉糊佢先肯願意揀下黎食...

佢以前好鐘意食草嫁...
我已經買左3包草比佢試....
佢都係唔食...

真係唔知點好.... :024:

作者: 阿度 時間: 2008-7-12 01:53:24 PM

係咪d草唔香呀
你食邊隻~~

作者: kwaikwai 時間: 2008-7-13 01:22:47 AM

而家食緊apd 既mountain grass...
比起佢之前o個d已經香好多同軟身好多....

但其實7歲仔仔係唔係唔應該食mountain??
我睇到r記個網寫4歲以上唔應該再食d多鈣既草...
但mountain 又好似多鈣既...

有冇什麼好提議呢??
因為佢呢個月食既草仲少過佢以前1日食草既份量...

thxx

作者: lunguide 時間: 2008-7-13 01:34:19 AM

兔協及betty嗰度嘅護士教我六至七個月前每日可俾兩餐a草個仔食，每餐一手執的a草
其他時間t草
另外每日三膠湯匙的糧.
但我見「家有寶貝兔」又寫無限量a草，少量t草
其實我都好confuse.

作者: kwaikwai 時間: 2008-7-13 02:40:20 AM

betty 真係叫你比糧??
因為我同didi 去睇....佢極度反對食糧~
仲叫我即刻同佢停左佢....

唔同兔b同成兔唔同??

作者: lofuns 時間: 2008-7-13 07:53:14 AM

APD Gold (2nd cut Timothy) 多葉喎,Didi 食唔食架?
牙仔唔好，可以試下剪碎d葉，整d草粉加碎草的草球或者蔬菜草球俾佢會吸引d，
亦可以試下滴的新鮮菠蘿汁落d草度,用果香吸引佢食。
Didi打籠就多放佢出黎玩,你跑下，佢想羅野食就會跟住你跑，
運動多些會肚餓，可能食多些草。

作者: kwaikwai 時間: 2008-7-13 12:26:10 PM

我隻仔..我都唔知讚佢叻仔好定點~
我之前試過點橙汁餵佢食~
佢一開始都會食...食食下........
唔知做咩...佢竟然含住條草 (我一條條餵佢)...
"lum" 住d橙汁同我回吐出黎....... :027:
我見到之後再餵....佢一樣係咁做....

剪碎溝草餅仲勁....明明草已經痴住d草餅....
佢慢慢揀...食完d草餅~唔要草.....
如果分佢唔開...佢寧願唔食......... :008:

對住佢~真係又愛又恨....
下星期要睇醫生啦....
唔知剪唔剪牙仔好.....

請問gold 草香唔香??因為我覺得mountain 已經好香啦~~
但佢都唔係好肯食...

作者: lofuns 時間: 2008-7-13 10:21:53 PM

APD Gold Hay 都是Timothy, 味道就好似一般APD timothy草,不過Gold hay係2nd cut,會多葉同d葉嫩d. 想搵香d的草可選擇Oxbow 的Botanical Hay,係timothy草混入香草,都幾香同埋d草多數是葉。
Didi可能的牙唔好冇力呀,所以將d草cut碎d,揀起d枝.會好d,
Didi食的量又不多.Mountain Grass長期俾都問題不大的,最緊要佢肯食,俾Alfalfa葉都可以呀,食番草身體好d的牙好d再換草. 鼓勵佢郁多d,唔郁肚仔唔餓就更加揀野食la.

作者: kwaikwai 時間: 2008-7-15 01:28:49 AM

嗯嗯~~~
等我試下先~~

真係唔該晒你地~~~ :021:

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)