PetKD 寵物網 (寵物領養、資訊廣告、用品買賣及寵奴互動平台)

標題: 開心養兔變照顧病兔 [打印本頁]

作者: bonedog 時間: 2010-4-2 04:24:53 PM 標題: 開心養兔變照顧病兔

我有一個心願，就是希望兩個寶貝可以少些病痛，受少些苦。」由養兔到開寵物食品店的Dorothy，一直這樣為兩隻小兔的健康擔心。
Dorothy跟大部份養兔的主人一樣，最初都是因為覺得兔簡單易養，不會太麻煩而選擇養兔；結果養了之後才發現，原來兔才是最難養的動物。
她跟其兩隻寶貝的緣份，始終兩年前的二月二十六日。當日一心想養小動物的她，在寵物店看到可愛的小兔，覺得牠們得意可愛之餘，還以為跟養貓狗一樣簡單，於是就天真地點選了兩隻小兔：矇矇、薯薯，歡天喜地帶回家去了。結果，原來照顧兔兔帶來的經濟壓力委實不輕，而另一半的不諒解、養兔所需付出的精神及體力，也出乎Dorothy的意料之外。
由於生活中多了兩隻「活寶貝」，令Dorothy的生活上面起了變化。最初帶兔子回去養，自然要努力學習怎樣照顧牠們了，不過見牠們的傻氣樣子，感覺是相當開心的。但不幸地，薯薯因為過瘦、腸停，買回去短短三日，只有五個月大的小生命，竟就此撒手人寰。薯薯逝世，為彌補傷心，很快Dorothy就帶回另一隻小兔鬆鬆回家。可惜只是養了這雌兔僅十二日，鬆鬆就得了急病逝世。
短時間要面對兩次跟寵物的死別，傷心之餘，Dorothy無法像「志雲大師」般，面對生活變化時做到不驚不亂，而是開始對養兔產生恐懼，擔心無法把活下來的兔子矇矇養大。事實上，矇矇的健康狀況也不理想，天生有腸停及身體吸收營養能力差的問題。在薯薯逝世約一週後，矇矇就開始發病了。
為了不想僅存的兔子孤單，Dorothy忍著傷痛，再帶來新的小兔回家：豬肉鬆小弟弟。這也令Dorothy開始進入全天候照顧「長期病患兔」生涯之時，也漸漸令她對生命體會出現變化。 (待續)

http://www.smbleisure.com/?p=3865

作者: kwankiuleung 時間: 2010-4-2 08:28:41 PM

話自己養得甘辛苦不如唔好養,,#^81^#

作者: katy)) 時間: 2010-4-2 08:36:33 PM

小兔真的要很小心照顧，有些跟本未戒奶店員又幫牠們報大年齡，加上小兔可能係寵物店已染病…
不知待續會寫主人會點對兔兔，但希望她不要放棄兔仔！#^76^#

[ 本帖最後由 katy 於 2010-4-2 08:37 PM 編輯 ]

作者: pipi128 時間: 2010-4-2 08:49:49 PM

矇矇及矇矇媽加油呀!
我在fb上知道你們的努力, 所以大定一齊加油啦~~~~~

作者: stephanielwk)) 時間: 2010-4-2 09:21:56 PM

我係Dorothy個朋友!
佢好鍚阿矇同豬肉鬆架,佢吾係一個棄兔既人!
阿矇係長期痛患,依加連豬肉鬆都要定期剪牙仔(之前有腫瘡)!
但Dorothy從來冇諗過要放棄!

作者: 千千 時間: 2010-4-2 11:05:15 PM

甘點解唔係養一隻呢
又要養甘多"
一隻隻甘養好似好d

作者: stephanielwk)) 時間: 2010-4-2 11:26:09 PM 標題: 回復 6# 的帖子

兩隻同伴走左,阿矇好吾開心!
所以Dorothy先會買豬肉鬆返屋企!
豬肉鬆啱啱3月開始發現牙仔有問題,所以以後要定期剪牙!

作者: ssc314 時間: 2010-4-2 11:42:53 PM

佢仲係同一間店到買??
如果佢識睇兔兔既咪唔洗咁??

作者: dorothy 時間: 2010-4-3 02:07:13 AM

各位好, 我就係矇矇, 豬肉鬆的媽媽, 首先想告訴大家, 有呢編報導係好想借我的故事告訴大家 '養兔前要三思, 養兔後要堅持'

首先好多謝bonedog, pipi128, stephanie 對我們的支持!

kwankiuleung: 我承認養兔的路的確好辛苦, 我就係想告訴其他主人, 辛苦, 兔兔都是我們的責任, 是一生一世的; 更不要輕易放棄, 和不離不棄.

千千: 正如stephanie所講, 矇矇是一隻自小同同伴一起生活的兔兔, 一而再地帶兔兔回來是因為沒有同伴的矇矇好唔開心, 更失去生存意志, 才會再帶朋友給他.

ssc314: 兔兔都唔係係同一間店到買的, 至於唔識睇兔- 我承認兩年前的我的確什麼也不懂, 就正如很多其他兔兔主人一樣, 最初的我什麼都唔識, 以為養兔好簡單, 最初的時候, 我真係做錯好多事; 我也不是一個什麼好有愛心的人, 也有軟弱的時間, 但也都堅持到現在.

所以好希望講一個很真實的故事給大家一個借鏡

作者: dorothy 時間: 2010-4-4 01:35:17 AM

第二集會於大約下星期尾登出, 到時可再看看我們發生了什麼事

作者: happygirl2009 時間: 2010-4-4 02:54:46 AM

兔仔真係好難養:006:

作者: ssc314 時間: 2010-4-6 07:46:12 PM 標題: 回復 10# 的帖子

係呀???但點解咁多隻都病既???
唔知係未清楚晒成個故事定我理解有問題,= ="
唔係太明點解會冇啦啦有病
不過我支持你!!!!!!!!因為我感受過呢d苦痛(creami成日都多病痛咁)
見住隻兔兔就黎死但係好努力為左主人生存呢一刻真係好感覺(隻兔唔係我)
加油!!我等緊睇下一期

作者: MWSM 時間: 2010-4-6 08:51:43 PM

提示: 作者被禁止或刪除內容自動屏蔽

作者: Vinkivan 時間: 2010-4-6 09:10:46 PM

多謝你堅強地將你嘅故事同大家分享, 亦希望未養兔兔又諗住養嘅新手同埋啱啱開始養嘅新手, 可以從你嘅故事得到啟發, 明白兔兔生命嘅寶貴, 做主人嘅責任。

PS: 既然你已經勇於站出來回應大家, 不如下集由你自己POST出嚟俾大家, 好嗎???

作者: dorothy 時間: 2010-4-6 10:23:35 PM

ssc314: 我都唔知點解咁多隻都病, 曾經我問過好多兔友,問過醫生, 問過自己是否我唔識養/做得唔好, 所以佢地咁多病, 但最後所有人都告訴我, 我已做得好好了, 可能真係我太黑仔?
至於點解會冇啦啦有病, 醫生話應該係天生既, 矇肓腸既神經線壞了, 所以腸胃好差, 經常腸停,在4個月大時已有, 醫生告訴我咁細隻兔兔有咁嚴重既問題, 一定是天生的.而豬肉鬆就更加係天生,因為由細到大佢食草都超好, 但卻有嚴重的牙根發炎加膿瘡.......
多謝你既支持!!!!!!!!
的確, 矇係一隻生存意志好強的兔兔, 無論有幾病, 只要有一口氣, 佢仍會努力食草, 努力痾便便, 努力生存, 就算要每天吊皮下水, 每星期進出醫院, 佢都唔肯放棄

也很多謝MWSM及波子媽的鼓勵, 好啊, 第二期出了, 我會即時POST出來的.

作者: ssc314 時間: 2010-4-6 10:40:14 PM

加油dorothy!!!要面對咁多野真係唔容易
其實有隻病,,好多兔兔都會有(但我唔記得左係咩病)
如果係天生有病既兔兔,,都唔可以怪主人
不過你附出既比我地都多
起碼醫療費個到都好甘.............
呢d可能係上天俾你既考驗!!其實你有冇一刻諗過放棄?

作者: dorothy 時間: 2010-4-6 11:00:19 PM

有架, 呢個就係我會告訴大家我個故事的原因.
我不是一個好偉大, 好有愛心的人, 而且也有自私的一面, 是一個同好多人一樣的普通人.
也有過掙扎, 但最終都克服到, 所以大家也不要輕易放棄心愛的兔兔, 每個難題都總有解決方法, 只是我們願不願意想通.

作者: baby_fire 時間: 2010-4-6 11:07:20 PM

你好呀DOROTHY,感謝你既分享=]
你講出主人既心酸,我養BUBU初期都係皮膚病差唔多好返又到癬出現,
有時自己都好自私想訓多少少唔幫佢搽藥...
不過後黎我同佢既堅持,令到佢身體越來越健康,
你說得對,堅持,對唔單止養兔既人,仲有有寵物既人,都有責任要做! :062:

作者: Y_S_ 時間: 2010-4-6 11:38:54 PM

嗯 , 養兔兔原來真係冇當初想諗得咁簡單 ,
我係一個新手 , 養左我砵砵豬都係三個星期 , 都係係呢個網度搵到好多知識去照顧佢 ,
每一個父母最開心ge就係自己baby健健康康 ,

其實呢三個星期我都有一個好無形ge壓力 , 就係我澳門呢度冇咩寵物醫院係識醫兔仔 , 所以其實我成日都好擔心佢:050: , 唉~~~~~~~~~

作者: Maggie)) 時間: 2010-4-7 11:28:12 AM

原帖由 Y_S_ 於 2010-4-6 11:38 PM 發表
嗯 , 養兔兔原來真係冇當初想諗得咁簡單 ,
我係一個新手 , 養左我砵砵豬都係三個星期 , 都係係呢個網度搵到好多知識去照顧佢 ,
每一個父母最開心ge就係自己baby健健康康 ,

其實呢三個星期我都有一個好無形ge ...

例外話﹕其實我都想好問問，在澳門的你們是在那兒買兔及兔兔用品的﹖

作者: Maggie)) 時間: 2010-4-7 11:32:18 AM

re: dorothy,

多謝你的分享!你的堅持令你的兔兔能繼續生存,你的口吻、語氣完全不是那些不負責任的人，你要加油﹗世界上多幾個像你這樣的主人，所有保護動物既機構都可能無咁大既負擔了﹗

作者: Maggie)) 時間: 2010-4-7 11:36:58 AM 標題: 回復 2# 的帖子

點解你會咁講呢﹖

養所有東西都要辛苦的，咁想問一下，若你的parents覺得你病而唔養育你，你會點做﹖更何況，買了兔兔/飼養所有的動物 = 生了個寶寶一樣，當你選擇要的時候，就是對牠們/他們一生一世的承諾。別人不是要棄養﹗你好好想清楚吧﹗:051:

作者: Y_S_ 時間: 2010-4-7 01:24:48 PM 標題: 回復 20# 的帖子

我地呢度有一間(亦係我唯一知道的一間)寵物店係有兔兔賣 , 佢仲有賣埋蛇,變色龍 , 青蛙.................ge寵物賣 , 用品呢 , 我就上網訂多囉!!!

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)