PetKD 寵物網 (寵物領養、資訊廣告、用品買賣及寵奴互動平台)

標題: 買兔仔~!! [打印本頁]

作者: 千秋王子 時間: 2010-4-14 06:54:56 AM 標題: 買兔仔~!!

近排計劃緊養兔仔~~唔知大家有無誠實寵物店介紹比我!

作者: joycecmc 時間: 2010-4-14 08:08:08 AM

不如你去兔協個度領養la, 個度咩品種都有, 咩年齡都有, 而且又確保健康同絶埋育, 又有人教埋你點照顧兔兔,最重要係可以俾d棄兔再次有個"家"

作者: hkrchei2 時間: 2010-4-14 09:30:57 AM

再唔係spca 都得~~~ 我岩岩都係spca領養左一隻返屋企...#^27^# #^27^#

不過, 同意joycecmc講, 兔協有人教埋你點照顧兔兔; 未養過兔兔真係要做足功課...
準備好一切一切, 先好接兔兔返家~!!!

作者: Maggie)) 時間: 2010-4-14 11:33:37 AM

領養有萬個好處，買兔有好多個擔心.......所以可以領養既就去領養丫﹗:055:

作者: guggg 時間: 2010-4-14 11:51:55 AM

養兔其實都需要唔少時間同精神,仲有好多要注意既地方
領養前都要三思同埋做好準備^^
給兔兔一個安樂窩
#^58^#

作者: katy)) 時間: 2010-4-14 11:55:57 AM

支持以領養代替購買！

有很多棄養的兔兔等緊一個溫暖的家ga~~^^
希望你考慮下

作者: smallsuishan 時間: 2010-4-14 12:02:22 PM

養之前諗清楚
自己有冇能力照顧
屋企人反唔反對
有冇足夠既時間同$

作者: FATO_W 時間: 2010-4-14 01:23:08 PM

好難講點為之誠實
不過買左返黎點都要帶佢去body check
同埋多數寵物店既兔都有過瘦既問題
要用d時間令佢變返健康
希望你有依個準備啦

作者: 為食仔 時間: 2010-4-14 01:32:01 PM

可以先考慮去兔協領養或愛協....但如果真係唔合眼緣,可以去銅鑼灣總統商場地下d鋪頭買,個度d兔都ok,千祈唔好去旺角買....但係你養之前一定要諗清楚自己有冇時間同錢,錢唔係話幾百一千就ok,佢病起上黎用成幾千一萬都有可能~最後希望你可以揀到隻岩自己既兔兔~

作者: kikocheese 時間: 2010-4-14 01:51:06 PM

我都希望你諗下領養,一黎可以幫助一D俾人遺棄既兔兔,重新有一個家既感覺.......
如果你去到都係搵唔岩先考慮下8 號,個度D兔兔都好健康,我而家養緊既KOBI都係係個度黎,SOFAR養左4個幾月,但係都係睇過兩次VET,一次就係岩岩番黎做BODYCHECK,一次就係絕育,講真佢仲健康過我,我一個月都睇左2,3次醫生............

另外就係上面幾位兔友所講既問題,就係時間同金錢啦,你要諗下以下幾個問題,你覺得做到先再決定吧.....

1.你屋企人有無人對兔毛敏感OR唔鍾意兔兔???你要諗下兔兔就算幾短毛,都會有換先既一日,你自己可唔可以做到?
2.當兔兔病左,你要同佢睇醫生,個D費用平則幾百,貴則可以上千萬,你又負唔負擔得起???
3,你可唔可以照顧到佢終老???當然當兔兔老既時候,佢既病痛可能亦會多D
4.你會唔會有時間陪佢玩,放佢出黎至小4個鍾???兔兔都要活動,只係籠到佢會唔開心,加上多d出黎活動出黎玩,唔單止可以令兔兔開心,亦可以令佢有所活動,健康都好d......

雖然我講左咁多,但係希望你會明明,呢度咁多兔友都對佢既兔兔訐下左終身既承諾,照顧佢地直至終老,我亦都好希望你可以做到,我知你會係鍾意兔兔既人,但係都要認真考慮下兔兔既使費同時間,你會唔會做到.............
最後希望你會搵到你自己鍾意既兔兔啦...................

作者: anthony 時間: 2010-4-14 03:05:16 PM

千奇唔好買兔仔....如果你諗住就咁係MK買隻就算不如你去領養一黎D兔仔一定係健康二黎個D兔兔都已經識去廁所聽教聽話你買返黎好睬你買個隻係冇事一唔好睬買返黎幾日就釘左個陣就真係喊都冇謂我養過4隻兔死左2隻我係好明白死兔既痛苦希望你諗清楚我地係想D兔仔有個家但係唔希望有人貪得意就去買/領養

作者: Jessie)) 時間: 2010-4-14 03:12:51 PM

唔支持買兔仔!!! 近親繁殖好多病既~~
http://www.hkrabbit.org/adoptionList.php
俾個兔協網址你睇下, 有好多兔仔需要你帶佢返屋企=3=

作者: 千秋王子 時間: 2010-4-14 06:39:01 PM

領養nono!!因為屋企人好唔得閒邊有時間陪我去拎養....
自己想養兔兔係因為我班fd都有養一班朋友一齊玩v_v

作者: sheepman 時間: 2010-4-14 06:46:16 PM

哇你咩心態
唔領養幫兔兔都唔緊要
但你想養兔仔個原因竟然係因為你班fd都有養，然後可以一齊玩?
玩咩呀?生命黎架
拎一條生命作為同朋友之間ge玩意
我絕對唔會認同囉
你抱住咁樣ge態度我十萬九千個希望你唔好養
唔好害死d兔仔唔該!
你考慮清楚養兔有咩要準備同改變你個心態先囉

作者: smallsuishan 時間: 2010-4-14 06:56:33 PM

原帖由 千秋王子 於 2010-4-14 06:39 PM 發表
領養nono!!因為屋企人好唔得閒邊有時間陪我去拎養....
自己想養兔兔係因為我班fd都有養一班朋友一齊玩v_v

1. 如果去領養咁簡單既程序你都覺得麻煩
我擔心他日你拎左兔兔番去兔兔未必得到好的對待
你知道嗎..不是準時餵糧幫兔兔換廁所就等於盡責
除左物質上既野兔兔都好需要心理上既支持
你除左要花時間清潔籠之外仲要得閒放佢出黎活動同佢傾計同佢梳化
仲有 keep touch 兔兔病左你付出既時間俾平日多出至少一倍
你做唔做得到

2. 如果係咁我想問你屋企人批唔批准 or 接唔接受你養兔
有太多人一時衝動買左兔兔番去點知屋企人唔准兔兔就係咁俾人放棄!!!
兔兔同人一樣都係一條生命一條值得任何人尊重看重既生命

3. 請問你想養兔兔係為咩?
係為左同你班朋友有共同話題?
係為左好似同你班朋友一齊出去玩?
如果你抱住呢D心態唔該你放過兔兔!!!

如果今日你班朋友人人養狗你係咪又跟住去養狗
聽日你同第二班朋友熟人地養魚你又跟住養???

請你三思!!
你一時既決定會影響兔兔既一生

可能你覺得我語氣過份左
但係我想講係呢度每一個都係愛兔之人
兔兔既生命比一切來得重要!!!

作者: 光之天使)) 時間: 2010-4-14 07:06:45 PM

如果你連去領養都要屋企人陪你先上得去睇....
即係你仲好細個LA~
我相信你無能力去照顧/醫隻兔仔...
細個唔係唔比你養~~
除非你得到屋企人既支持~佢地肯幫你出錢/照顧隻兔~

否則,不要養了,未係時候

作者: 千秋王子 時間: 2010-4-14 09:16:42 PM

ps:玩的意思有很多- -
一齊養照顧咁解- -
不過我地係成班新手/__\好有愛心唔係3分鐘熱度!!!!!
真係有認真念過....只係我地新手想搵人教咁解ja~!!

作者: 千秋王子 時間: 2010-4-14 09:18:23 PM

我細未去到10碎咁lo~~只係中間16碎自己有指定收入唔係玩玩下的!!:052:

作者: FATO_W 時間: 2010-4-14 09:26:00 PM 標題: 回復 18# 的帖子

其實唔係好明你依句講咩...
你係16歲定未夠10歲?

你之前所講既野令大家覺得你好似係因為班朋友先想養兔
如果你真係有心養我地好樂意教你
不過想養之前諗下養兔有咩要做
買兔唔難不過將來要負既責任好大
兔兔第時病OR絕育都要$500-2000不等
你屋企人同你願意比依D錢嗎?
兔兔飲食居住都係錢
如果無屋企人支持而你自己無穩定收入可能係好難去兼顧
而且你要幫佢換廁所砂洗籠仲要陪佢玩
如果你做到以上既野咁你可以去養
希望你真係用心去愛兔兔同埋會照顧佢 ; )

作者: lingyan 時間: 2010-4-14 09:53:04 PM

都係諗清楚好D ...

你可以選擇去買，
不過可以話你知，大部份都係病兔，
如果買左返屋企係病兔你又唔帶佢去做BODY CHECK，
通常養左2日至一個星期就會死亡。

仲有既係，兔兔唔駛出街，
唔好將佢成為SHOW OFF既象徵。

作者: aina 時間: 2010-4-14 11:09:50 PM

你指你有指定收入係咩?!!!
16歲你既收入都唔會多得去邊....
收入來源係..零用錢?part-time錢??
咁如果萬一兔兔病了....雖要用的醫藥費係你總收入的3份1 OR 一半又或者差唔多成個月的收入, 你會掉左佢定選擇去醫佢???
你家人同意比你養嗎?有成家坐係到好認真咁傾嗎?
呢個係一條生命, 唔係一件玩具.....
兔兔話哂都有5年以上既命....你可以照顧佢終老嗎???
你會每日放佢出黎同佢玩嗎?佢咬你D野, 破壞你屋企D野, 你及你的家人會包容佢嗎?

請你先諗諗以上問題, 養任何一樣動物並唔係只要有錢就可以, 你要付出你的時間及你的心.....

[ 本帖最後由 aina 於 2010-4-14 11:27 PM 編輯 ]

作者: elvisli 時間: 2010-4-14 11:19:45 PM

不如樓主分享下認真諗過d乜..等大家睇下你是否應該養都好

兔兔始終是生命..做媽媽的應該為兔兔作好所有準備先帶兔兔回家較好

作者: Jessie)) 時間: 2010-4-14 11:58:53 PM

原帖由 千秋王子 於 2010-4-14 06:39 PM 發表
領養nono!!因為屋企人好唔得閒邊有時間陪我去拎養....
自己想養兔兔係因為我班fd都有養一班朋友一齊玩v_v

領養要人陪嫁咩?_?咁你姐係連成人身分證都冇?_?咁你問左你屋企人可唔可以養未?_?
氣管敏感/鼻敏感唔岩養小動物嫁wor, 一陣你d屋企人唔中意又話要掉就唔好啦,
同埋買兔仔好多病, 睇醫生睇到你窮wor, 你又咁細個, 出來搵$都唔搵得多,
到時屋企人會唔會包底呢? 呢樣又要問清楚, 睇親都千蚊啊

作者: 千秋王子 時間: 2010-4-15 06:12:24 PM

屋企人比呀- - 只係我睇到人地話兔仔係要好多隻嫁嗎.....
咁我唔通成班fd走去拎養??同埋睇過曬d兔兔無隻岩心水!!
大家話d兔兔多數都係病兔咁姐係賣兔仔的無個可信嗎??
重有錢跟本就唔問題.....!!!!

作者: anthony 時間: 2010-4-15 06:21:43 PM

原帖由 千秋王子 於 2010-4-15 06:12 PM 發表
屋企人比呀- - 只係我睇到人地話兔仔係要好多隻嫁嗎.....
咁我唔通成班fd走去拎養??同埋睇過曬d兔兔無隻岩心水!!
大家話d兔兔多數都係病兔咁姐係賣兔仔的無個可信嗎??
重有錢跟本就唔問題.....!!!!

好老實你一班fd咁養個個都係玩玩下你不如唔好養啦你當兔仔係四驅車定係爆旋陀螺?
錢唔係問題但係你整死左佢個陣已經唔係有冇錢既問題囉
我地係想要一個唔係玩玩下有心養唔會一唔興就拋棄佢既兔友
1,你有冇時間一日比佢出黎玩3~4個鍾,按摩梳毛1個鍾?
2兔仔病左要用幾千~萬既費用你比唔比得起?

作者: 千秋王子 時間: 2010-4-15 06:25:00 PM

重復$$真係唔成問題!!!
你睇番上邊真係有心養唔係玩玩下嫁!!老實咁講!!!:052: :052:

作者: 千秋王子 時間: 2010-4-15 06:26:20 PM

養兔前必須捫心自問的6個問題我有睇過做功課嫁我有!!!!
只唔肯定只係屋企人有敏感呢個ja~:055:

作者: wesky 時間: 2010-4-15 06:32:50 PM

有冇敏感呢個係好重要 @@

作者: 千秋王子 時間: 2010-4-15 06:33:27 PM

點先知??搵條兔兔毛比佢地kitp??

作者: smallsuishan 時間: 2010-4-15 06:38:56 PM

首先, 錢你話唔係問題
我同你講我隻兔兔腸慢左
上星期睇左七百幾蚊今日睇左六百幾蚊
下兩個星期再睇咁樣睇一睇冇左差唔多兩千蚊~
以你咁既年紀...你邊度黎咁多錢?
如果屋企人係支持你養..佢地知唔知兔兔睇醫生既價單?
因為好多屋企人以為兔兔睇醫生好平點知一睇先知要過千
最後屋企人都係唔肯帶兔兔睇醫生兔兔既命就係咁冇左

其次, 錢可能你有好多
但係時間精神心機呢??
腸停腸慢兔兔一日要吃兩次藥四至五支藥粉
每日花既時間可以話係四小時以上
唔係餵左佢吃藥佢就會好快..
你要花時間陪佢照顧佢
你做得到嗎??

再者,你話「只係我睇到人地話兔仔係要好多隻嫁嗎.....」
係咪意思人地唔養你都唔會養...
如果我GET錯意思請你解釋

「咁我唔通成班fd走去拎養??」
兔協有好多兔兔
如果你地真係有心養一人領養一隻我地會好開心

可以咁講市面上特別係旺角所賣既兔兔全部都係有病
買番黎一定要帶佢睇醫生
好彩醫得到唔好彩睇完兔兔都係會死

最後, 點解大家都係咁出POST叫你考慮清楚
因為你既語氣同態度令我地覺得你養兔係因為人有我有既心態
如果你唔係既你無需要解釋俾我地聽
你自問你係真心對兔兔既就可以了

「停一停諗一諗」
兔同人都係一樣有生命

作者: 千秋王子 時間: 2010-4-15 06:48:51 PM

我一開始都係問大家邊到有靚兔買- -
d人就開始插我有無心養....:050:
同埋自己最僧人問你有無錢!!
點知問問下變左係到嘈交:046:
e家只係想知邊到d兔兔買番黎係最多病痛!!
同埋隻兔兔返左黎我一定會拎佢去睇e生身體有無事的!!
可以的介紹埋e生比我thZ!!唔想在嘈落去啦!!

作者: anthony 時間: 2010-4-15 06:57:41 PM

原帖由 smallsuishan 於 2010-4-15 06:38 PM 發表
首先, 錢你話唔係問題
我同你講我隻兔兔腸慢左
上星期睇左七百幾蚊今日睇左六百幾蚊
下兩個星期再睇咁樣睇一睇冇左差唔多兩千蚊~
以你咁既年紀...你邊度黎咁多錢?
如果屋企人係支持你養..佢地知唔知兔兔睇醫 ...

好支持你咁講我都死左2次兔我都心痛唔想d人再整死兔"
如果你話邊到d兔靚我可以同你講你買隻病兔你真係付出既話病兔都變返靚兔

作者: wesky 時間: 2010-4-15 07:02:57 PM

一個籠幾十隻既, 最好唔好買
唔好係旺角買就ok~ 有時就算有錢都未必醫得好~

只要你自己認為你自己有能力養就好, 你係要對你自己同隻兔負責~
大家都係擔心有d 人玩玩下咁買左隻兔返去養, 累左隻兔

作者: 千秋王子 時間: 2010-4-15 07:03:19 PM

但係我都唔想養d真係無得e ge兔仔如兔瘟!!!

作者: 千秋王子 時間: 2010-4-15 07:10:56 PM

我見到pets cafe呢到好似幾好同埋6號兔果到都ok咁:055:

作者: Cody)) 時間: 2010-4-15 07:46:35 PM 標題: 回復 35# 的帖子

Pexx caxx唔好, 佢最近先整死咗個客既兔仔同埋令暫託既兔仔有咗, 生咗BB雖然話會負責, 但係我地懷疑佢地專登咁做, 等人幫佢生D兔BB拎去賣搵錢. 正一黑店黎. 係個度既兔仔全部都好可憐, 無人理, 無梳毛, 無剪甲, 全身毛餅, 話要有人買或領養先會幫佢地做美容, 死都要同佢地濕洗, 兔仔根本係唔駛濕洗, 乾洗都唔需要啦! 個老闆(中年男人)根本唔識養兔, 又無愛心, 有病唔會理, 隻隻好似係度等死咁, 真係好可憐. 最可笑係"寵物美容"既地方好污穢不堪, 嗅氣沖天, 都唔明點解D人會上當比自己兔兔比佢地虐待. 年中都唔知有幾多兔仔死係個度, 真係希望佢快D倒閉, 唔好再去害D可憐既兔兔.:076:

作者: small_tra 時間: 2010-4-15 07:51:40 PM

以前都有幾間好~~!但係e+老實講...真係買唔落~!

如果係要買....你選擇比較精神~眼冇眼屎~nose唔好濕or黃色既物體~
patpat冇痾難屎~!.

去睇過旺角紅蘿蔔望落幾好~!未必咁肯定架......

我個仔都係果到買~~!佢由買返黎到e+都未試過大病~!

你去行多鋪留意下d兔兔你會留意到兔兔好多病.....!

仲有買野唔好聽d sales講丫~!佢地會叫你買好多冇用o既野~!

買o既野~你要睇多d 個兔網~~!

你學識先去買野~~先去買兔兔啦~!

我係支持領養架....見到你係要用(買)兔兔~點都要幫下你~
我唔想害到隻兔兔~!

只係你好肯定同自己講你一定101%要養到佢終老~
唔好到時......開post話冇$...唔想養..or屋企人敏感唔要隻兔兔~!

[ 本帖最後由 small_tra 於 2010-4-15 07:53 PM 編輯 ]

作者: FATO_W 時間: 2010-4-15 07:52:34 PM

你買兔個陣可以留意下佢眼仔精唔精靈
有無痴住眼CC
同埋睇下鼻仔側邊有無黃如果有就係有傷風流鼻水
可能係上呼吸道感染
個D你就唔好買
盡量簡D活潑同精神既兔
買左返黎記住帶佢去BODY CHECK咁就OK

作者: 千秋王子 時間: 2010-4-15 08:34:24 PM

BODY CHECk大家有無心水的e生介紹比禾呢??

作者: small_tra 時間: 2010-4-15 08:56:26 PM

9龍城~dr betty~!

作者: elvisli 時間: 2010-4-15 10:23:36 PM

講得覺得pet cafe好似幾好代表你乜都未知...

坦白講.你依然比我感覺是人有我有,人玩我玩

希望你唔好比我睇死

[ 本帖最後由 elvisli 於 2010-4-15 11:43 PM 編輯 ]

作者: smallsuishan 時間: 2010-4-15 10:49:13 PM

原帖由 small_tra 於 2010-4-15 08:56 PM 發表
9龍城~dr betty~!

Betty放緊產假

作者: anthony 時間: 2010-4-15 11:40:44 PM

原帖由 elvisli 於 2010-4-15 10:23 PM 發表
講得覺得pet cafe好似幾好代為你乜都未知...

坦白講.你依然比我感覺是人有我有,人玩我玩

希望你唔好比我睇死

我同你一樣但係都祝佢成功因為真係萬事起頭難

作者: 喵女)) 時間: 2010-4-16 12:35:46 AM

我都有氣管同鼻敏感..我兔兔黎左先有,我都努力死頂~
如果你有的話~都希望你唔好咁易放棄兔兔..

同埋..我同好多兔友一樣..你俾我GE感覺,係玩玩下..一心打算搵靚兔- -真正GE靚兔有血統的900--2000不等,你話你有睇過兔協D兔兔唔岩心水,眼綠E樣野我明白,但我想問你.到底你有冇上過去睇定係上網睇?網上唔係日日更新的,仲有,到底係你覺得因為唔夠18歲煩定覺得唔岩心水先決定唔領養?
請回答
我睇下你點做=]

P.S Mocha爸:人有我有,人玩我玩"E句中哂..

作者: Futagoza_Kaniza 時間: 2010-4-16 12:54:06 AM

原帖由 smallsuishan 於 2010-4-15 10:49 PM 發表

Betty放緊產假

返左工啦.

作者: 燒雞。﹏。)) 時間: 2010-4-16 01:00:14 AM

我都係覺得領養會比買好...因為兔協有好多兔兔已經比主人遺棄過一次,希望有人願意再比溫暖嘅家比佢,愛佢!!
今日我喺元朗8號個度買草草個陣,見到有兩隻bb兔,應該得一個月大..隻賓尼兔鼻仔已經黃色同埋有鼻水打乞嚏了T_T

作者: mandycpi 時間: 2010-4-16 01:02:15 AM

原帖由 千秋王子 於 2010-4-15 07:03 PM 發表
但係我都唔想養d真係無得e ge兔仔如兔瘟!!!

你咁講...令人有點反感呀....
其實如果兔兔真係有病..你想領養..兔協都唔輕易交比你...
而且..唔保證一定無病.... touch wood 講句..如果有事..你打算點呀?

作者: mandycpi 時間: 2010-4-16 01:14:11 AM

...."買回來的兔兔"唔保證一定無病.... touch wood 講句..如果有事..你打算點呀?

作者: Jessie)) 時間: 2010-4-16 01:25:33 AM

原帖由 千秋王子 於 2010-4-14 06:39 PM 發表
領養nono!!因為屋企人好唔得閒邊有時間陪我去拎養....
自己想養兔兔係因為我班fd都有養一班朋友一齊玩v_v

你又不能介意人地插你, 你講得上面果句, 你都唔打算會有人認同你喇掛,
你呢句意思= 朋友有LV所以我要買LV
你想養兔仔係你自己既事, 你可以話你諗左好耐係你自己覺得你有能力養兔仔, 就係咁簡單

原帖由 千秋王子 於 2010-4-15 06:12 PM 發表
屋企人比呀- - 只係我睇到人地話兔仔係要好多隻嫁嗎.....
咁我唔通成班fd走去拎養??同埋睇過曬d兔兔無隻岩心水!!
大家話d兔兔多數都係病兔咁姐係賣兔仔的無個可信嗎??
重有錢跟本就唔問題.....!!!!

人地話兔仔係要好多隻嫁嗎 <-----人地吹水,
如果你地一班人養, 帶d兔仔走來走去一齊玩的話, 咁其中一隻有病就保證成班兔仔奶野,
如果你地想把你們的兔兔放埋一起玩, 一定要做哂絕育手術先, 如果唔係玩一次生一次
重有錢跟本就唔問題<-----除左富2代係冇錢既煩惱之外, 一個未成年少女從事正常行業都唔會搵到足夠既$
take care動物, 咁你而家咁講大家咪明哂, 你又好難怪人地覺得你冇$

唔係話賣兔既冇個好人, 一個兔場幾廿隻兔, 一隻有病就足夠野哂比全村兔,
人地求財既緊係有病冇病都想搵人買, 兔協員工教我一個方法去選健康的兔兔,
聘請一位相熟的獸醫跟你一起去選兔兔, 他可以即場驗證兔兔有沒有病
所以我姑媽成日同我講: 錢可以解決到既問題就唔係問題^^

作者: Maggie)) 時間: 2010-4-16 11:52:53 AM

你想買d咩兔﹖有血統的其實唔只係800-2000……我見過至貴的係$7800(九月份在i love果度見到)，當時我睇到都嚇親﹗

第二，你想要健康的兔好easy,去兔協果度領養係100%健康﹗

第三，兔兔是獨居的動物,雖說可以群居的,但獨居比較好﹗

第四，如果你們一班朋友去兔協領養，我相信，我們所有的兔友都會為你們的行為而感到高興的，因為見到你們是有熱誠的﹗

第五，你們若真係想去買兔兔，並不建議你們去mk度買，同埋

第六，希望你們去書店內睇好多過兩、三本有關養兔的書籍，才好諗去買兔﹗﹗﹗

第七，同上的回覆，你話錢唔係問題，如果你真係咁有錢，月入過幾十萬(學生又好，返工又好)，你想買隻健康的兔，根本是不太有可能的﹗就算是有獸醫同你一齊去揀，都有好可能會內裏先天有病，要詳細check過先知的﹗相信只能買完回來發病了及帶牠到獸醫睇過先知﹗

你講到自己咁有錢的說﹕錢可以解決到既問題就唔係問題
兔兔有病咪帶佢睇醫生lor，一次都係$250-$8000左右即，你豪得起﹗
($8000果次係朋友的兔兔生了眼瘡做手術的費用)

作者: katy)) 時間: 2010-4-16 12:09:01 PM

原帖由 燒雞。﹏。 於 2010-4-16 01:00 AM 發表
我都係覺得領養會比買好...因為兔協有好多兔兔已經比主人遺棄過一次,希望有人願意再比溫暖嘅家比佢,愛佢!!
今日我喺元朗8號個度買草草個陣,見到有兩隻bb兔,應該得一個月大..隻賓尼兔鼻仔已經黃色同埋有 ...

係唔係白色獅子兔… 我覺得佢好可憐#^56^#
我問過店員，佢話天生就爛左…… 仲話個鼻有黑色野係D ALFAFA痴到。講真，如果佢個鼻唔濕，D A草又點會漿住哂係個鼻度呢?

講返正題…忠言係會逆耳ga la，但係呢d都係各位兔友經驗之談！亦都比定個心理準備你，你而家見兔兔健康並不代表永遠都係，人都會傷風啦，唔好抱住"又要馬兒好，又要馬兒不吃草"的心態。多看兔兔寶典對你和將來的兔兔有莫大益處^^

作者: gado1104 時間: 2010-4-16 03:20:46 PM

我隻兔兔星期日係旺角龍X樂園買，第三日已經見有問題，第四日就已經見兔兔有氣促情形同有爛便便，約
今日睇醫生。點知今朝早重大件事，Ｄ便便已經變糊狀。去到大圍睇醫生，醫生話非常嚴重，要留院，重有得5成機會救得返，但係留院就一日要千幾至二千元。話有機會可能幾日就出院，但又話要有心理準備，有可能就算入院1至2日都會拜拜。

如果係你，你會點選擇？你話錢跟本就唔問題，但我覺得你唔會睇囉，生命誠可貴，小朋友等大個小小，思想成熟D再諗喇！！！

[ 本帖最後由 gado1104 於 2010-4-16 03:31 PM 編輯 ]

作者: Maggie)) 時間: 2010-4-16 04:10:39 PM

原帖由 gado1104 於 2010-4-16 03:20 PM 發表
我隻兔兔星期日係旺角龍X樂園買，第三日已經見有問題，第四日就已經見兔兔有氣促情形同有爛便便，約
今日睇醫生。點知今朝早重大件事，Ｄ便便已經變糊狀。去到大圍睇醫生，醫生話非常嚴重，要留院，重有得5成機會救 ...

O GOOD LUCK!希望你的兔兔會健康返﹗:038:

作者: Maggie)) 時間: 2010-4-16 04:13:39 PM

樓主……你睇完咁多人講既話，如果你都係堅持覺得自己所持既理由是對，然而你覺得我地同你講既心底話是錯的……相信大家無說話可以同你講、亦都好難同你講到我們養兔多年，對兔兔既心得既意見了﹗

咁希望，你唔係買完見佢病就棄養既人la﹗你記得要睇多d兔兔既書，唔好因為知識唔夠而養死佢地呀﹗

作者: 千秋王子 時間: 2010-4-16 06:19:27 PM

呢個post樓主不會在作任何回應!!!!!:031: :031:

作者: smallsuishan 時間: 2010-4-16 06:55:36 PM

大家俾完咁多意見你 ..
你一句咁樣我諗我地都冇咩想回應

我只想講

停一停諗一諗
希望兔兔幸福健康...

作者: sheepman 時間: 2010-4-16 08:38:30 PM

#56
hill媽我地算啦
我希望唔會有兔兔俾樓主害到囉
俾意見佢佢又唔受，唉

作者: kikocheese 時間: 2010-4-17 02:10:54 PM

本身我見到呢個post,都唔係咁想再去回應,不過真係頂唔順啦........
你一開始問咁多問題,大家都好努力回答你,只係想你日後會好好對待你既兔兔,但係當回完你,俾左d忠告既說話你之後,你竟然係咁一句唔會再作任何回應,咁你即係想點???
兔兔都係生命,好希望你會唔理佢地係病定係老,你都會一樣照顧兔兔一世

仲有一個問題想問問你,如果有一日,你既朋友既兔兔老左佢地唔要佢地,咁你又會點呢???
你要怪人去話你,個個都係好心提你,想你諗清楚自己既能力,而唔係去想話你無錢,我覺得你唔使強調囉,有錢唔係大哂的,唔好覺得有錢就可以照顧到兔兔,兔兔仲好need你既愛心,希望你會明白

最後一句,你令我既感覺係--->小朋友即係小朋友,諗野唔理後果,想做就要做

但係我可以同你講,呢度我知有d兔友都係小朋友,但係佢地諗野成熟過你,就算家人反對,佢地都好努力去說服屋企人,呢個係一個好好既行為,亦好勇敢,樣樣都係以兔兔為出發點,希望你都會做得到............

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)