PetKD 寵物網 (寵物領養、資訊廣告、用品買賣及寵奴互動平台)

標題: 救命，十萬個急 [打印本頁]

作者: ElkeLau 時間: 2012-4-12 03:30:30 AM 標題: 救命，十萬個急

本帖最後由 ElkeLau 於 2012-4-12 03:41 AM 編輯

我應該帶兔兔回寵物店嗎？前晚發現自己頸上耳下位置有粒硬粒以為熱氣無理但到尋晚又多咗兩粒又腫又痛所以今曰睇醫生，係淋巴發炎，經一輪問題都唔知原因，之後醫生問有無養寵物，醫生話兔仔有兔熱症的話會經直接接觸傳比人，而幾日後人會淋巴腫大。就因為咁我唔知點做好，各位請提供意見，感激！

作者: all_loving_it 時間: 2012-4-12 04:48:18 AM

同兔兔去睇醫生比較好

作者: all_loving_it 時間: 2012-4-12 05:32:54 AM

兔熱症係由土拉倫氏杆菌引起的感染, 對兔兔來說係種病毒, 無法自己康復, 你快D同兔兔去睇醫生比拎返去寵物店好同合適

如果真係兔熱症會這種病菌可以感染動物和人類。美國每年經報告的人類兔熱症病例約有200宗。美國的大多數兔熱症是由於攜菌蝨子叮咬及接觸染病兔子所致。如果兔熱病菌被故意釋放，例如在生物恐怖主義事件中，則病菌最有可能被釋放到人們呼吸的空氣中。

預防措施
■ 如果出現症狀，應儘快諮詢醫療機構。如果認為自己遭到故意的兔熱症攻擊，請立即與執法人員聯絡。■ 如果曾與兔熱症接觸過，可以使用抗生素療法來預防感染（預防療法）。兔熱症目前沒有普遍使用的疫苗兔熱症如何傳播？有何症狀？

■ 與染病動物接觸、食用被污染的食物或水或吸入被污染的灰塵或飛沫，均會感染兔熱症。兔熱症不能在人類之間相互傳染。視接觸方式而定，兔熱病有以下幾種發病形式：

● 肺部感染（肺炎） - 這是透過攜菌灰塵或浮質而吸入病菌後最常見的形式。
● 頸部淋巴腺腫大及咽喉發炎 - 這是攝入攜菌食物或水之後最常見的形式。
● 淋巴腺腫大，且伴有或不伴有皮膚潰瘍 - 在接觸攜菌物質或被攜菌蒼蠅或蝨子叮咬後會出現這種症狀。

■ 所有形式的兔熱病均伴有類似流感的症狀，例如發燒、寒戰、頭痛、身體疼痛和虛弱，這些症狀通常在與病菌接觸後三至五日內出現。兔熱症患者可能出現胸部疼痛、呼吸困難及呼吸衰竭。

作者: Dylan 時間: 2012-4-12 10:14:26 AM

本帖最後由 Dylan 於 2012-4-12 10:45 AM 編輯

你快 d 抱兔兔去睇 e son 啦
寵物店幫你唔到你地嫁, 佢地一向都只係叫你買 d 唔知係咩既藥水比兔兔食, 一來又醫唔好兔兔二來又令兔兔延醫, 錢浪費咗都事少, 禁樣對你同兔兔健康都唔好啦

兔热病又称(土拉菌病Tularaemia)或鹿蝇热，是一种由扁虱或苍蝇传播的啮齿动物的自然疫源性急性传染病。临床表现主要有发热，淋巴结肿大，皮肤溃疡，眼结膜充血、溃疡，呼吸道和消化道炎症及毒血症等。土拉菌可以被用作生物战中的致病病菌，感染者会出现高烧、浑身疼痛、腺体肿大和咽食困难等症状。利用抗生素可以很容易治疗这种疾病。

作者: 貓仔兔 時間: 2012-4-12 10:27:45 AM

本帖最後由貓仔兔於 2012-4-12 10:33 AM 編輯

帶兔body check啦...至於個醫生又唔係獸醫又無睇過兔兔，都唔知你隻兔係咪有病啦，佢只係講其中一個可能性，其實人都會病，邊度搵到原因架...好似聽落奇怪左啲....

作者: ElkeLau 時間: 2012-4-12 12:50:39 PM

其實屋企人叫我地攞返去寵物店，因為我地住三層嗰D村屋，一樓係亞哥住，二樓我哋，三樓細路、家姐，而一樓有小朋友，3歲和7歲，佢地成曰都會上嚟睇兔兔，我好大壓力唔知點好！如果先打去寵物店應該點講好呀?

作者: 貓仔兔 時間: 2012-4-12 03:54:41 PM

ElkeLau 發表於 2012-4-12 12:50 PM
其實屋企人叫我地攞返去寵物店，因為我地住三層嗰D村屋，一樓係亞哥住，二樓我哋，三樓細路、家姐，而一樓 ...

咁....係咪即是想唔要隻兔?咁好似好無辜....你又點知自己係熱兔症呢?其實我想講,當有病菌入侵人/兔身體,淋巴都係會腫,因為係打緊d菌呀...所以我唔係好明點解你個醫生會咁講,從你文字中,佢只係講出一種可能性....但係....一日未帶兔去睇醫生,未種菌,你都唔知係咪關兔事,係咪?而且,即使係真係熱兔症都係有得醫,醫番好兔兔咪得囉....點解你家人要你帶番去寵物店呢?其實係咪佢地唔同意你養兔呀?
希望你最後帶佢睇醫生,一係還佢清白/一係醫番好佢...

作者: yanyi:) 時間: 2012-4-12 04:40:24 PM

無論有咩病都唔會遺棄兔兔…
哩個應該係你帶佢番屋企之前既承諾，
你自己去睇醫生，咁邊個帶兔兔睇？
佢都未睇醫生點解要判佢死罪？
帶番寵物店有咩作用？
唔要佢？佢幫你醫？換過隻？
兔兔係寵物店受到咩待遇大家都心知肚明，
俾人拎番去換既兔兔既命運更加唔洗講…
屋企有小朋友唔係借口，
你都識講屋企有三層，
你鎖門唔俾佢地入黎唔得？
再唔係放兔兔入你房唔俾小朋友入唔得？
有好多野唔係做唔到，
係睇你有冇心去做，
如果你個心係想唔要佢既，
我求你唔好換過隻番黎養
病會辛苦人人都知，
兔兔都有感情唔係玩具你有冇從佢角度出發過？
語氣重唔好意思，但請三思

作者: 花芝媽 時間: 2012-4-12 04:43:08 PM

本帖最後由花芝媽於 2012-4-12 04:43 PM 編輯

第一眼睇落去  只係覺得你想快D放棄左隻兔仔就算.......

你隻兔新買既?? 定養左幾耐...  有冇帶過佢睇醫生做身體檢查

帶兔仔睇醫生先啦.........  唔係一定係關兔仔事
扁虱或苍蝇传播的啮齿动物的自然疫源性急性传染病

暫時唔好比小朋友/其他人上去玩...
跟住的兔仔去睇一次醫生........          如果真係唔關兔仔事  你又唔要佢..  佢會好慘=  =+

養寵物一生一世嫁....... 所以養寵物得到屋企人支持就係最好...
生左個仔  唔通頭腦有問題又唔要佢咩..........

自己身體有淋巴發炎  有好多原因...    @@  身體差個D咁...

作者: wesky 時間: 2012-4-12 04:59:22 PM

有些人確實不能養兔

1. 先搞清楚係咪兔仔引起你的淋巴發炎, 你可以去睇多一位醫生, 確定到底係咩引起
3. 另一方面, 帶兔兔去睇獸醫, 檢查是否有病, 會否引起你的症狀
3. 暫時減少接觸兔兔, 睇下你的症狀有冇好轉, 問下可否將兔籠放係你亞哥果層

如果最後確實左係由兔仔引起, 而兔兔又唔係有病, 只係你身體不適宜接觸兔兔, 可以考慮由你哥哥或家姐養, 如你家人最終都無法接受, 才考慮替兔兔找主人。勉強留兔兔係屋企, 對任何一方都無好處, 包括對家庭及兔兔本身。

作者: 奶茶媽 時間: 2012-4-12 05:03:36 PM

你不如比其他兔友領養啦
你當蝕左少少錢
比兔兔一個光明ge未來
照你ge文字睇黎
佢跟住你, 最終只會死
你就算唔帶佢返pet shop送死
佢遲d有咩頭暈身熱
你都係會由得佢
問題係兔仔有事, 嚴重ge幾日就可以冇命

如果係咁ge話, 你幫佢搵過個主人啦
起碼佢唔洗咁快死

我知我語氣重, 但係請你諗下, 你係咪真係想做一個兇手

作者: ccychoy 時間: 2012-4-12 05:44:07 PM

就算pet shop俾你換過隻
本身果隻有甚麼結果大家都知.你5系以為pet shop會帶去see醫生吧?扔左隻兔就差5多
你想想自己活生生被人扔落堆填區既感覺如何?
就算你換過隻.將來有病又點?幾年後拎番去pet shop換?俾兔協?定掉左隻兔?
我都幾肯定你5適合養兔搵過個主人啦.無謂繼續殘害生命.

作者: happyyuki 時間: 2012-4-12 06:57:33 PM

唔好拎返PET SHOP, 死路一條!

帶兔兔去獸醫到CHECK* 佢會俾專業既議建你*

作者: sharonlai 時間: 2012-4-12 07:31:43 PM

佢地係生命黎，你一開始養得佢就預左要照顧佢到終老
宜家仲要未知究竟係咪兔兔有事，就算兔兔有病你要做既係同佢睇醫生，醫好佢
今次咁你就話唔要佢扔返佢去寵物店，咁如果無今次既事，日後兔兔病左你願意同佢睇醫生嗎？願意照顧佢嗎？
你扔佢返寵物店等同拎佢去死，你以為寵物店會點處理？
講真老實講句，我覺得就算你今次同佢睇醫生，兔兔跟住你都唔係最好既決定
學兔友講，不如比個機會兔兔有一個真係對佢不離不棄既新主人
等你真係ready做一個有責任感既主人既時候，你先去再考慮養任何寵物

作者: 小黑與我 時間: 2012-4-12 07:47:46 PM

講黎講去，都係想帶兔兔返寵物店啫
你check都未check清楚，就判佢死刑？！

作者: ElkeLau 時間: 2012-4-12 07:50:08 PM

各位我從來無諗過想放棄我嘅寶貝Creamy,而就算攞返去寵物店都唔會換第二隻，仲會所有食、住都比埋寵物店。我要講明D係我住响男友家，已幾年了，所以稱呼佢家人都比較親切！由第一日Creamy返屋企，佢亞媽就講兔仔好多菌，所以我同男友已經响露台度晒位整玻璃屋比兔兔，好希望大家明白我怕嘅係可能最後的決定權問題。我當然唔想失去兔兔，我見完佢之後同男友商量好先買的，可以講如果要失去Creamy，我以後都唔會再養兔！希望大家明白我難處！

作者: all_loving_it 時間: 2012-4-12 08:10:56 PM

ElkeLau 發表於 2012-4-12 12:50 PM
其實屋企人叫我地攞返去寵物店，因為我地住三層嗰D村屋，一樓係亞哥住，二樓我哋，三樓細路、家姐，而一樓 ...

即使你5想再養依只兔兔, 你要做既野係必需同佢去睇醫生, 確定有無事, 有病同佢醫好去, 再去同兔兔搵主人, 而5係一句屋企人要我拎返去寵物店就可以就敢5管佢既生死, 有事無事就求其送走佢, 你當初有本事要將兔兔帶返屋企, 同樣今日有必要要去做返你既責任同本份

兔兔黎到你屋企都5係一日半日, 你係住村屋, 村屋有好多蚊蟲, 即使兔兔有兔熱病亦好有可能係你養之後患上, 你係咪有責任去同佢醫返好

無論你所講咩屋企人令你好大壓力, 都無咩意義, 對兔兔黎講亦無幫助, 至於你話唔知點同寵物店講, 依到應該無兔友有經驗, 因為兔兔有事, 大家會想辦法醫好佢, 唔會任意將佢送走了事

作者: all_loving_it 時間: 2012-4-12 08:21:43 PM

ElkeLau 發表於 2012-4-12 07:50 PM
各位我從來無諗過想放棄我嘅寶貝Creamy,而就算攞返去寵物店都唔會換第二隻，仲會所有食、住都比埋寵物店。 ...

請問你同兔兔睇醫生未?

作者: all_loving_it 時間: 2012-4-12 08:23:35 PM

ElkeLau 發表於 2012-4-12 07:50 PM
各位我從來無諗過想放棄我嘅寶貝Creamy,而就算攞返去寵物店都唔會換第二隻，仲會所有食、住都比埋寵物店。 ...

如果你仲5同兔兔睇醫生, 佢真係有事, 會因為延醫而死, 到時你5洗拎返寵物店都令佢走左

作者: ElkeLau 時間: 2012-4-12 08:30:29 PM

多謝各位！我首先帶寶貝body check先，請問邊間check最好？感謝大家意見，我會堅持養好Creamy,thank you

作者: yanyi:) 時間: 2012-4-12 08:35:58 PM

九龍城dr ma.23823300

作者: 深紅蒼月 時間: 2012-4-12 09:02:19 PM

首先要帶Creamy看醫生而至於你怕Creamy有病會傳給你男朋友家人都沒証明牠有病你就先判佢有罪如果家人反對你應該是找人領養而不是退回給寵物店寵物店會不會收已成問題如果他信Creamy有病你是老闆會放回去跟其他兔兔一起感染嗎就算肯收我估會放在一邊等..........結果.......為何你不肯給Creamy一個機會我給莉莎娜咬到手指時醫生說兔兔咬人會傳染破傷風 (瘋狗症<===不過醫生有說瘋狗症毒性很強兔兔中了過不了1天) 而且兔兔口水很多細菌醫生當然會說最壞情況等你清楚明白所以應該帶Creamy看醫生(如果Creamy真的中了熱兔病你都不用估自己是不是) 之後再找人領養先是放她一條生路

作者: 貓仔兔 時間: 2012-4-12 09:30:36 PM

ElkeLau 發表於 2012-4-12 07:50 PM
各位我從來無諗過想放棄我嘅寶貝Creamy,而就算攞返去寵物店都唔會換第二隻，仲會所有食、住都比埋寵物店。 ...

咁既然屋企人對兔有偏見，你同你男朋友就要灌輸正確知識俾佢地，等佢地接納兔兔，其實你買之前就應該先得到佢地全部人同意，咁先可以避免呢種情況出現同確保兔兔有個安樂窩，而家你同佢去做左body check先算啦....始終你住係人地度，都真係無咩話事權，但係希望兔兔無事，佢地無左藉口叫你送走佢啦!祝兔兔好運!

另外，放兔兔喺露台用玻璃屋養，佢會好易俾太陽日西到而中暑，會死兔架!你同你男友諗口下計啦!如果真係趕兔走，你睇下你可唔可以養係你媽咪嗰度啦!

作者: yanyi:) 時間: 2012-4-12 09:30:54 PM

深紅蒼月發表於 2012-4-12 09:02 PM
首先要帶Creamy看醫生而至於你怕Creamy有病會傳給你男朋友家人都沒証明牠有病你就先判佢有罪如果家人 ...

其實就算醫生咁同我講我都會唔理佢xd
要我放棄俾個囡錫我寧願keep住我病

作者: ElkeLau 時間: 2012-4-12 09:51:34 PM

但其實我個寶貝好活躍通屋跑尋曰仲咬沙發潻，應該無事嘅！知唔知屯門有冇專睇兔兔？兔兔會有防疫針打嗎?body check係驗血定點架？多謝大家令我清晰返個思維。玻璃屋係封頂嘅再加抽氣，會防太陽照射。

作者: ElkeLau 時間: 2012-4-12 10:00:13 PM

yanyi:) 發表於 2012-4-12 09:30 PM
其實就算醫生咁同我講我都會唔理佢xd
要我放棄俾個囡錫我寧願keep住我病 ...

請問你兔兔用嗰塊係咩嚟嫁？

作者: sharonlai 時間: 2012-4-12 10:09:58 PM

你book左body check, 再時醫生就會同佢詳細check
當然你唔放心可以同醫生講定唔知會唔會有兔熱
屯門都可以睇維多利dr Gerry, 不過dr Gerry 會元朗屯門兩邊走
你要打去問下姑娘約時間

作者: threefour 時間: 2012-4-12 10:11:13 PM

ElkeLau 發表於 2012-4-12 09:51 PM
但其實我個寶貝好活躍通屋跑尋曰仲咬沙發潻，應該無事嘅！知唔知屯門有冇專睇兔兔？兔兔會有防疫針打嗎?bod ...

你要加油呀，唔好咁易放棄呢！兔兔很需要你的！要做個付責任的主人

作者: all_loving_it 時間: 2012-4-12 10:25:16 PM

本帖最後由 all_loving_it 於 2012-4-12 10:26 PM 編輯

yanyi 發表於 2012-4-12 09:30 PM
其實就算醫生咁同我講我都會唔理佢xd
要我放棄俾個囡錫我寧願keep住我病 ...

認同, 我都係敢話.........

以前我都係好似樓主同埋男朋友屋企人住, 佢阿媽對兔兔經常4圍便便好反感, 仲一度要我將兔兔送走, 因為男友阿媽講得多, 我男友都有叫我5 要兔兔既意思......

我既解決方式係我搬出去住..........

作者: yanyi:) 時間: 2012-4-12 10:27:01 PM

ElkeLau 發表於 2012-4-12 10:00 PM
請問你兔兔用嗰塊係咩嚟嫁？

哦~消暑散熱鋁板一塊~

作者: all_loving_it 時間: 2012-4-12 10:36:17 PM

ElkeLau 發表於 2012-4-12 09:51 PM
但其實我個寶貝好活躍通屋跑尋曰仲咬沙發潻，應該無事嘅！知唔知屯門有冇專睇兔兔？兔兔會有防疫針打嗎?bod ...

1) 香港無同兔兔打防疫針
2) 一般普通body check價錢無包埋驗血, 但可以另行要求醫生做埋驗血方面
3) 放係天台, 天熱要全日開冷氣, 因為即使無太陽照射, 溫度都5會有太大分別, 一樣係熱, 會令兔兔中暑
4) 天冷既時候, 同樣要空氣調節, 天氣凍對兔兔來說一定要保暖

作者: all_loving_it 時間: 2012-4-12 10:45:32 PM

threefour 發表於 2012-4-12 10:11 PM
你要加油呀，唔好咁易放棄呢！兔兔很需要你的！要做個付責任的主人

送你5個讚

作者: Dylan 時間: 2012-4-13 10:40:05 AM

ElkeLau 發表於 2012-4-12 07:50 PM
各位我從來無諗過想放棄我嘅寶貝Creamy,而就算攞返去寵物店都唔會換第二隻，仲會所有食、住都比埋寵物店。 ...

你要考慮日照問題, 兔兔係夜行動物, 就算起冷氣房入面都唔可以直接曨太陽
佢地雙眼會受唔住陽光照射, 久而久之會病變形成白內瘴而失明
我個朋友大屋搬細屋, 所以將兔兔放起陽台後來兔兔就白內瘴肓咗咧, 好無孤

你養得佢就要考慮多方面既問題, 要好好照顧同保護佢

作者: pillow.ma 時間: 2012-4-13 02:22:12 PM

咁請問....你同男友一齊住
相信都有幫手照顧兔兔, 接觸兔兔
請問你男友有冇相同既症狀?

如果你係懷疑兔兔有病轉染你令你唔舒服既
我覺得帶佢睇醫生係正確過帶佢去寵物店囉.....

作者: 貓仔兔 時間: 2012-4-13 06:22:57 PM

除左之外，仲有玻璃嘅折射，都會令兔兔好唔舒服，而且只係得抽氣扇係唔夠通風，你可以想像你係厠所，成身著住件fur而出面有成30幾度你會有幾熱同焗，兔兔24度以上就要歎冷氣架喇...而且你住邨屋嗰啲，溫度會更高架!不如你諗下放入你房度得唔得，咁開冷氣都無咁貴吖(夜晚一齊歎吖嘛)!

作者: all_loving_it 時間: 2012-4-13 10:36:53 PM

pillow.ma 發表於 2012-4-13 02:22 PM
咁請問....你同男友一齊住
相信都有幫手照顧兔兔, 接觸兔兔
請問你男友有冇相同既症狀?

你頭像只兔兔好有王子feel

好得意

作者: ElkeLau 時間: 2012-4-15 01:50:50 AM

多謝各位，咁都係唔好放Creamy 出露台。今日打去兔協約剪甲，佢話兔兔未夠七個月唔好帶出街，會嚇死兔兔，咁點剪甲同body check呀?

作者: anson 時間: 2012-5-2 09:58:16 AM

會嚇死佢,有無攪錯,我一買佢返來就去馬醫生到body check, 況且你而家懷疑佢有病,仲等就真係會死,你仲可以打電話約剪指甲,而唔係約醫生???

作者: 貓仔兔 時間: 2012-5-2 09:51:39 PM

本帖最後由貓仔兔於 2012-5-2 09:56 PM 編輯

已經拖左一個月，其實病嗰個可能只係樓主，唔係兔兔呢!如果真係兔兔病，隻兔真係慘呀!
同埋七個月係可以帶出街，不過要做好消暑工作同埋唔出太耐，但係如果兔兔未做body check就提議同兔兔做番次!

作者: all_loving_it 時間: 2012-5-2 11:24:19 PM

ElkeLau 發表於 2012-4-15 01:50 AM
多謝各位，咁都係唔好放Creamy 出露台。今日打去兔協約剪甲，佢話兔兔未夠七個月唔好帶出街，會 ...

好老實講, 我5知你同兔協點溝通, 但7個月既兔兔5會因為帶出街就嚇死佢, 你只要做足措施就5會有問題, 好多時, 幼兔都會有病, 佢5舒服一樣要出街睇醫生, 兔兔5會因為去睇醫生就嚇死, 只會因為無睇醫生就真係病死囉, 而且你之前懷疑兔兔有問題, 你到底有無同兔兔去睇醫生架?

作者: KathyChan 時間: 2012-5-3 01:07:40 PM

我幾隻兔一返黎2個月我已經帶佢地BODY CHECK!!
的士去的士返. 熱既放冰種冇問題架WO!!!

E幾日咁熱你放佢係邊?
有冇開冷氣比佢?

作者: KathyChan 時間: 2012-5-3 01:08:25 PM

all_loving_it 發表於 2012-5-2 11:24 PM
好老實講, 我5知你同兔協點溝通, 但7個月既兔兔5會因為帶出街就嚇死佢, 你只要做足措施就5會有問題, 好多 ...

佢明顯冇帶佢BODY CHECK !!! ="=

作者: Dylan 時間: 2012-5-3 02:07:55 PM

ElkeLau 發表於 2012-4-15 01:50 AM
多謝各位，咁都係唔好放Creamy 出露台。今日打去兔協約剪甲，佢話兔兔未夠七個月唔好帶出街，會 ...

我個女７個月已經去獸醫道做絕育，都無嚇死
其實你係真唔係已經無要佢喇

作者: 貓仔兔 時間: 2012-5-3 05:14:59 PM

Dylan 發表於 2012-5-3 02:07 PM
我個女７個月已經去獸醫道做絕育，都無嚇死
其實你係真唔係已經無要佢喇 ...

真係唔知，希望唔會啦，睇多次原來個留言係15/4出架，而家兔兔情況真係得佢知......

作者: Dylan 時間: 2012-5-3 05:29:11 PM

貓仔兔發表於 2012-5-3 05:14 PM
真係唔知，希望唔會啦，睇多次原來個留言係15/4出架，而家兔兔情況真係得佢知...... ...

如果有就點都入黎睇睇

作者: all_loving_it 時間: 2012-5-3 06:13:02 PM

KathyChan 發表於 2012-5-3 01:08 PM
佢明顯冇帶佢BODY CHECK !!! ="=

唉......依為人兄之前已經有意想5要只兔兔, 5知只兔兔而家係咩命運

作者: KathyChan 時間: 2012-5-4 04:01:36 PM

all_loving_it 發表於 2012-5-3 06:13 PM
唉......依為人兄之前已經有意想5要只兔兔, 5知只兔兔而家係咩命運

好可憐既兔兔........

作者: all_loving_it 時間: 2012-5-4 05:46:09 PM

KathyChan 發表於 2012-5-4 04:01 PM
好可憐既兔兔........

如果真係比人棄養或5得到合適既照顧只兔兔確實係好慘

作者: mizumi 時間: 2012-5-4 05:56:14 PM

all_loving_it 發表於 2012-5-4 05:46 PM
如果真係比人棄養或5得到合適既照顧只兔兔確實係好慘

算啦,可能兔兔已經唔知去咗邊啦, 陰功! 佢可能驚上黎又比其他負責任, 真正愛護自己寶貝既兔友圍攻, 所以潛咗水啦~~

作者: 貓仔兔 時間: 2012-5-4 09:17:23 PM

mizumi 發表於 2012-5-4 05:56 PM
算啦,可能兔兔已經唔知去咗邊啦, 陰功! 佢可能驚上黎又比其他負責任, 真正愛護自己寶貝既兔友圍攻, 所以 ...

應該係咁喇!可能會化身另一個人呢!希望兔兔得到應該有嘅照顧啦....

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)