PetKD 寵物網 (寵物領養、資訊廣告、用品買賣及寵奴互動平台)

標題: 兔兔好似唔多鍾意我~ [打印本頁]

作者: fluffy 時間: 2012-10-24 05:36:00 AM 標題: 兔兔好似唔多鍾意我~

本帖最後由 fluffy 於 2012-10-24 05:37 AM 編輯

在三個星期之前, 我曾經多番思量, 排除萬難, 傾盡自己的一切錢財... 去買&帶我這心愛的兔兔回家~

我不明白如何養兔所以我不斷的四出探討, 亦在不同的 forum 爬文/出 post 請教養兔之道...
本以為我和兔兔可以好 happy 的一起生活, 好好共處... 然而一切卻事與願違

因為經過三個星期的相處後發覺兔兔不太喜歡我, 不但對我不揪不睬還經常咬我
是我不夠耐心嗎? 還是我在哪一處出了錯而惹怒他呢?

為此, 我內心受到了嚴重的打擊... 感覺尤如給好友背叛一樣的痛苦~

我很愛我的兔兔, 但情况何以如此?
兔兔仍然對我存有戒心嗎?  仍然不認同我是他的伙伴嗎?

作者: syt174698 時間: 2012-10-24 07:52:11 AM

兔兔性格不一樣，你只養了三星期，仲要比多D耐性同愛心，經常同兔兔傾計，摸下頭仔，日子長左，對你戒心亦會少左。我家三只兔兔，其中兩只養了三年，有時見到佢哋攤抖，諗住同佢哋玩，誰不知即刻逃跑，但之後又會望住你，呢樣嘢好奇怪。樓主，你唔使擔心，兔兔始終會感受到你既愛
。

作者: hh0 時間: 2012-10-24 09:25:11 AM

或者你未了解你兔兔既性格，可能佢覺得被騷擾，唔係被愛。咩情況下咬你？狠狠咬同雞啄咬都唔同，你養左好短時間，唔使咁灰心，多D了解兔兔喜愛什麽，例如愛被摸頭仔，你可以隔住籠摸佢頭仔，唔好伸手入籠或強行抱，兔兔對你無戒心自然就唔怕你，到認得你仲會走近籠邊等你俾糧俾草，到時你就心都甜曬啦，唔好氣餒呀。

作者: 奶茶媽 時間: 2012-10-24 10:28:09 AM

係咪你成日抱佢呀
大部份兔都唔鐘意比人抱架

作者: siudao0831 時間: 2012-10-24 10:31:59 AM

你好，我都係新手養兔仔嘅~ 我兔兔係响兔協領養，大概係我屋企住左一個多月啦~ 初時覺得佢好乖，好快學識去廁所，只係有時會頑皮，咬籠，咬圍欄。但佢好唔鐘意人抱，最近加上係換毛季節，我見佢成日"lam"自己，好怕好怕佢食毛毛落肚仔，就好想勤啲同佢梳毛。

我知道我一直都抱唔到佢，每次我伸手想抱佢，佢一感覺到我指頭掂到佢肚仔，佢就一支箭走咗去。我試過夾硬抱佢，只係換嚟比佢咬到我手損腳瘀。最後，我打電話比兔協嘅義工，佢哋比我補堂再學抱學梳毛學指甲。星期日，我就同兔兔去上堂，返到去，我好比心機去學，佢都好合作，比我試，本以為之後都可以好好照顧佢。

點知當晚返到屋企，我同佢講: "你今日好叻，可以比我抱你，不如我地依家再試下?" 點知換來佢轉頭一口咬落我手，又咕我><"

平時佢一有咩唔滿意，佢已經又咬又咕又撲，每次佢反抗，我都會按佢係地同佢講唔好，同佢講咁做係唔啱。但點知係兔協上完堂返屋企之後，佢變本加厲咗。我好嬲，我放大喉嚨鬧咗佢兩日，又無再好似之前咁摸佢同錫佢頭仔......

其實，我依家真係好唔開心，好想喊，我唔知道佢係唔係已經唔鐘意我。我唔想做一個寵壞小朋友嘅主人，但我依家真係唔識做..... 希望各位可以指教，Thanks~

作者: Suzanne 時間: 2012-10-24 11:16:12 AM

我自己隻兔兔都係兔協領養,快一個半月。真係隻隻兔兔o既性格、脾氣都不一樣, 但始終係自己小朋友, 無論佢地脾氣幾差同難捉摸都好, 請繼續忍耐和堅持下去。這種事情真的需要時間。以我家的兔兔來說, 個個都讚佢超乖,超級友善及好相處。但兔仔始終有其天性, 再好相處的兔多都有咬人和扭計的時候。

我初初養佢時都好心急,又見到佢好得意,成日都想抱佢。真係唔誇張, 我兩隻手臂好多傷口, 流血試過, 瘀到發黑都試過。可能真係我地人類太一廂情願吧.... 我甚至覺得佢只當我係一個food supplier. 直至後來, 佢受傷整親,我帶佢出去睇醫生, 估唔到佢全程扭我抱抱, 雙眼係咁望住我。我當時明白到,佢已把我當成一個信任對象。我真的好感動。

我也觀察到, 原來抱兔兔姿勢也是關鍵。如果你抱佢的姿勢錯誤,令佢地覺得唔舒服,佢地都會咬人。同埋, 夜晚係佢地活躍時候,佢地好想自己玩, 如果你抱佢,佢咪嬲囉…

一個月都未夠,時間尚短,千萬不要說這些沮喪的說話,加油!!!

P.S:我個朋友大概一年前執左隻兔兔養,一年過去, 隻兔兔依然成日咕佢,咬佢地一家人,我個朋友依然好錫佢。有一樣事情好明顯,雖然兔兔咬家人, 但對外人態度更加不同。我想...大概每隻兔仔的表達方式都不一樣吧...

作者: siudao0831 時間: 2012-10-24 11:38:13 AM

To: Suzanne，你兔兔都係兔協領養嗎? 佢叫咩名呀? 我兔兔係協會時叫Kitty，依家叫小豆啊~ ^^

作者: VeraC 時間: 2012-10-24 11:40:52 AM

我都係新手，養左2個月左右.
我之前都同樓主一樣，為左兔兔睇左好多資料，準備左好多野.希望兔兔可以好 happy 的一起生活, 好好共處.
但事實係佢唔多show我，一摸就走，雖然無咬我，但係佢不揪不睬ge態度真係令我

不過我都接受左，唔係話我放棄同佢好好共處，而係我接受左兔兔性格可能就係咁，
佢唔係貓唔係狗，係兔仔，兔書都有講佢地係慢熱，好cool咁，
所以請樓主比多d時間，耐性，兔兔會知你係對佢好架!!

就好似早幾日我坐兔兔隔離佢lam我隻腳，真係心都融埋

(兔書講姐係向我示好，我信架!!佢開始鐘意我!!)

我而家都抱唔到兔兔架，不過我又無所謂，慢慢黎啦~比d時間大家!!
共勉之

作者: Suzanne 時間: 2012-10-24 11:48:29 AM

siudao0831 發表於 2012-10-24 11:38 AM
To: Suzanne，你兔兔都係兔協領養嗎? 佢叫咩名呀? 我兔兔係協會時叫Kitty，依家叫小豆啊~ ^^ ...

我隻兔兔叫Della啊!!! 而家都係叫Della, 佢而家認得自己個名啦~~

作者: siudao0831 時間: 2012-10-24 12:13:04 PM

Suzanne 發表於 2012-10-24 11:48 AM
我隻兔兔叫Della啊!!! 而家都係叫Della, 佢而家認得自己個名啦~~

Della? 賓尼兔Della嗎? 原來你係佢新主人，好開心識到你啊~ Della佢真係好乖，好鐘意比人摸頭仔ga~

作者: Suzanne 時間: 2012-10-24 12:20:27 PM

siudao0831 發表於 2012-10-24 12:13 PM
Della? 賓尼兔Della嗎? 原來你係佢新主人，好開心識到你啊~ Della佢真係好乖，好鐘意比人摸頭仔ga~ ...

Great to meet you here too!!!!!!!佢真係好乖,偶爾任性。我地一摸佢個頭,佢就會趴底, 之後要我地一連串按摩… 佢而家唔多會咬我啦....

作者: siutung 時間: 2012-10-24 12:32:32 PM

Suzanne 發表於 2012-10-24 12:20 PM
Great to meet you here too!!!!!!!佢真係好乖,偶爾任性。我地一摸佢個頭,佢就會趴底, 之後要我地一連串 ...

I SEE HER TOO

作者: siudao0831 時間: 2012-10-24 12:42:50 PM

Suzanne 發表於 2012-10-24 12:20 PM
Great to meet you here too!!!!!!!佢真係好乖,偶爾任性。我地一摸佢個頭,佢就會趴底, 之後要我地一連串 ...

如果小豆可以咁乖，唔咬我就好啦~ 嗚，好啦~ 經過你鼓勵後，我返屋企同小豆和好如初啦~ 新手主人嘅我真係有好多問題，識到你傾下真係好開心~

作者: lovin_gloria 時間: 2012-10-24 12:44:10 PM

我家wego都係差不多...養左佢幾個月, 對我唔係好理會, 一摸佢就走(除非佢扒o係度休息緊), 不過我都抱住個心態係兔兔比較慢熱, 同埋我都同自己唔緊要, 俾多d耐性同愛心, 終有一日佢會感受到我既愛

作者: WingBe 時間: 2012-10-24 12:50:15 PM

lovin_gloria 發表於 2012-10-24 12:44 PM
我家wego都係差不多...養左佢幾個月, 對我唔係好理會, 一摸佢就走(除非佢扒o係度休息緊), 不過我都抱住個心 ...

B仔既態度同WEGO都系1樣

唔系休息緊都唔會畀我摸//
有時佢走尼撩我..抱佢OR摸佢都會走
唔知佢想點

見佢D便便好多毛..想幫佢梳毛又唔俾

作者: siudao0831 時間: 2012-10-24 12:56:14 PM

WingBe 發表於 2012-10-24 12:50 PM
B仔既態度同WEGO都系1樣
唔系休息緊都唔會畀我摸//
有時佢走尼撩我..抱佢OR摸佢都會走

你好~ 想請問平時你會用咩方法幫兔仔梳毛? 我兔兔唔比我抱，我只可以梳到佢背背啲毛~

作者: Suzanne 時間: 2012-10-24 03:10:36 PM

siudao0831 發表於 2012-10-24 12:42 PM
如果小豆可以咁乖，唔咬我就好啦~ 嗚，好啦~ 經過你鼓勵後，我返屋企同小豆和好如初啦~ 新手主人嘅我真係 ...

係囉....新手壓力幾大下! 呼~~~~~~~~~~~~~

講起兔兔梳毛問題, 真係要兩個人。我成身都傷

作者: siudao0831 時間: 2012-10-24 04:01:50 PM

Suzanne 發表於 2012-10-24 03:10 PM
係囉....新手壓力幾大下! 呼~~~~~~~~~~~~~

講起兔兔梳毛問題, 真係要兩個人。我成身都傷 ...

你都好啊，可以二人合力，我得一個人jar~ 依家重要每個月帶佢返兔協剪甲同梳肚仔毛

作者: Suzanne 時間: 2012-10-24 04:52:32 PM

siudao0831 發表於 2012-10-24 04:01 PM
你都好啊，可以二人合力，我得一個人jar~ 依家重要每個月帶佢返兔協剪甲同梳肚仔毛 ...

我晚晚都會幫佢梳毛毛, 梳背好順利,梳腳底同肚肚就.....

但我而家都可以一個人應付到, 慢慢學,佢都慢慢習慣。(雖然佢次次都逃亡……)

作者: WingBe 時間: 2012-10-24 05:19:31 PM

Suzanne 發表於 2012-10-24 04:52 PM
我晚晚都會幫佢梳毛毛, 梳背好順利,梳腳底同肚肚就.....

但我而家都可以一個人應付到, 慢慢學, ...

勁a...
可以分享心得嗎

我都系單拖幫佢...每次只有等佢趴低梳背毛
肚仔同腳仔我系掂不得的

作者: siudao0831 時間: 2012-10-24 05:45:53 PM

WingBe 發表於 2012-10-24 05:19 PM
勁a...
可以分享心得嗎

Me too

Della Mama 請指教啊~ 我兔兔好野蠻ga~ 夾硬嚟佢會惡到好似老虎仔咁~ 我都唔知佢係唔係女仔嚟ga~

作者: 卡卡KaKa`; 時間: 2012-10-24 06:34:36 PM

本帖最後由卡卡KaKa`; 於 2012-10-24 06:40 PM 編輯

我養左卡卡半年.初初黎個陣我爸摸佢都成日咕咕.E幾個月開始先吾咕我爸'
同埋佢初初黎完全吾鐘意出黎...黎左3個月到,一放即出..同埋玩左陣就好安心系指定位置扒系到休息.HAHA

仲有,佢肯出黎之後成日上我張床懶尿...比我地話個幾次(2個月到)之後都冇..而家玩夠識得返入籠.

作者: 花芝媽 時間: 2012-10-24 07:05:43 PM

3個月時間太少了
我快2年佢米又係好驚我見到我就好似見鬼甘退後但佢唔會沖埋黎咬我

作者: WingBe 時間: 2012-10-24 09:15:38 PM

卡卡KaKa`; 發表於 2012-10-24 06:34 PM
我養左卡卡半年.初初黎個陣我爸摸佢都成日咕咕.E幾個月開始先吾咕我爸'
同埋佢初初黎完全吾鐘意出黎...黎左 ...

除左上床同咕之外//我b仔都做齊哂..

就系唔鍾意so我

作者: WingBe 時間: 2012-10-24 09:15:39 PM

卡卡KaKa`; 發表於 2012-10-24 06:34 PM
我養左卡卡半年.初初黎個陣我爸摸佢都成日咕咕.E幾個月開始先吾咕我爸'
同埋佢初初黎完全吾鐘意出黎...黎左 ...

除左上床同咕之外//我b仔都做齊哂..

就系唔鍾意so我

作者: Suzanne 時間: 2012-10-24 11:04:32 PM

我都係初哥咋.... 我凈係知要夾實佢, 同埋一定要make sure當反轉佢時,佢個背要有好的承托力, 佢先有安全感。

作者: ccychoy 時間: 2012-10-25 05:10:26 PM

傾盡自己的一切錢財?甘大吉利是病左點...
我兔兔初初亦一有機會就咬我腳指.但過左幾個月之後熟左就好嗲.仲可以俾我抱兔兔訓
你摸多d兔兔等兔兔知你好.

作者: yancyan520 時間: 2012-10-26 03:38:25 PM

其實兔兔都好有靈性架,佢比貓狗天性就係向野外,所以比人抱呢個動作對於佢地黎講係個好危險,覺得好似俾敵人捉左咁,兔兔爭扎,逃命...我個八妹養左佢差唔多年幾兩年,佢對我都係好抗拒,不過比起岩岩到步o個時都好大分別,同埋開始慢慢了解佢既性格同脾氣,真係唔簡單架!就好似等如屋企多個小朋友,要照顧要了解同諒解
兔兔主人!加油丫!兔兔的一輩子已經向你手上

作者: 小賢者R 時間: 2012-10-26 07:27:33 PM

想起當初,,執到隻被遺棄既兔仔..日日都咬我 -,- 經過一個月既相處,,先慢慢抱到上手~

作者: all_loving_it 時間: 2012-10-27 03:01:40 AM

傾儘一切所有?  咁兔兔有咩事你點安排?  睇醫生吾少$

我知你系學生, 但你有無去搵份PART TIME?  你夠16歲, 好多PART TIME都請, 只要你肯做, 吾怕辛苦就一定搵到

養得佢, 就要預備好一切......

你系咪吾夠耐心?
系, 3個星期對你黎講可能好耐, 但對兔兔黎講只系好短時間, 短到未完全習慣新既環境

你去到一間新學校, 識左新同學3個星期, 你會吾會就完全好相信所有同學?  當個同學系你知己死黨?

每只兔兔性格吾同, 你只兔兔都已經好好, 我曾經有只兔兔最長用左年半先可以打動佢, 佢吾只系咬人同不揪不睬咁簡單, 系你諗到諗吾到既野都發生, 唯一可以做系以無限耐心, 真心, 愛心對待佢地, 依樣野系本份

作者: Bube 時間: 2012-10-29 11:36:08 PM

唔好氣餒呀~
感情可以慢慢培養架嘛
先了解下佢既生活習性
唔好夾硬抱佢
可以先響餵食時摸摸佢佢肯比你摸你就一邊摸一邊讚佢乖~
平時多d 同佢講野 (溫柔d)
又或者你唔著既舊衫可以放入籠比佢習慣一下你既味道~
我新買既寶貝兔我都係咁樣做

一切都要耐性同時間~
加油呀

作者: 卡卡KaKa`; 時間: 2012-10-31 03:04:29 AM

WingBe 發表於 2012-10-24 09:15 PM
除左上床同咕之外//我b仔都做齊哂..

就系唔鍾意so我

卡卡有得食邊個都so..

作者: WingBe 時間: 2012-10-31 12:19:08 PM

食完走ga la…
卡卡無甘做咩

作者: 卡卡KaKa`; 時間: 2012-11-27 11:54:08 PM

本帖最後由卡卡KaKa`; 於 2012-11-27 11:56 PM 編輯

我同我屋企人返黎,卡卡第一時間都貼系籠轉黎轉去.問拎食AH,叫我地放佢出黎玩咁

卡卡食完會出黎玩HAHA,有時就扒系到比我地玩.

作者: AliceWong 時間: 2012-11-28 08:57:33 AM

我養左4-5個月，我昨日只不過佢放草入去，都比佢咬到出血！被咬的都未出聲，佢就係禁咕我，好似講到係我錯禁

作者: sukipuppy 時間: 2012-11-28 11:39:45 AM 標題: RE: 兔兔好似唔多鍾意我~

你要加油呀，有多D耐性同佢相處，我都係養左咕吱一年，男仔黎講佢都曳嫁，會咕唔識嘅人，人地大力少少對佢佢會發老脾，多數係醫生同剪甲姐姐，佢發我脾氣時唔咬我，不過會用背脊對住我，又不停抓地下黎發洩

佢都唔比抱不過好鐘意比人摸，我開頭個半年因為返工都少同佢相處，只係餵完草同糧摸下就去訓了，有d忽略左佢所以唔會好close，但係我之後多左叫佢，一邊叫佢一邊用手餵佢食糧，佢依家一聽到個名就會應，多d摸佢同溫柔同佢講下野，佢會開始信任你，你同兔兔都做得到嫁

作者: sukipuppy 時間: 2012-11-28 11:40:16 AM

仲有佢真係咬你，細力定咬到流血都要立即同佢講好痛呀，唔可以咬人嫁！雖然佢唔識聽你講，但佢識職你語氣，上次咕吱興奮到咬左我一下，我咁同佢講佢眼定定停左企係到，好似聽緊我教訓佢咁

作者: WingBe 時間: 2012-11-28 06:49:52 PM

sukipuppy 發表於 2012-11-28 11:40 AM
仲有佢真係咬你，細力定咬到流血都要立即同佢講好痛呀，唔可以咬人嫁！雖然佢唔識聽你講，但佢識職你語氣 ...

哈哈..痛唔痛我都扮哂野系到嗌.....

跟住b仔走過尼睇下我咩事時..我又搞佢...跟住佢就會走去5so我....hahaha

作者: sukipuppy 時間: 2012-11-29 01:57:32 PM

WingBe 發表於 2012-11-28 06:49 PM
哈哈..痛唔痛我都扮哂野系到嗌.....

跟住b仔走過尼睇下我咩事時..我又搞佢...跟住佢就會走去5so我....ha ...

Hahaha又搞佢，佢唔咬多你一啖都比面喇

作者: DomDomPig 時間: 2012-11-30 01:21:42 PM

AliceWong 發表於 2012-11-28 08:57 AM
我養左4-5個月，我昨日只不過佢放草入去，都比佢咬到出血！被咬的都未出聲，佢就係禁咕我，好似講到係我錯 ...

我老公同你既情況一樣
你加草果時模模佢頭仔, 另一隻手加草, 比佢知你係加草姐, 唔係攪佢地盤, 睇睇會唔會好D

作者: DomDomPig 時間: 2012-11-30 01:23:24 PM

sukipuppy 發表於 2012-11-28 11:39 AM
你要加油呀，有多D耐性同佢相處，我都係養左咕吱一年，男仔黎講佢都曳嫁，會咕唔識嘅人，人地大力少少對佢 ...

同意

真係要好似教仔咁教兔仔, 做野要訓話, 乖乖時耍模下佢鍚下佢, 我地鍚兔兔, 兔兔真係知架

作者: blythepicca 時間: 2012-12-3 09:35:26 PM

加油呀!兔兔好慢熱架,比多d時間佢丫~你的愛佢一定感受到架

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)