PetKD 寵物網 (寵物領養、資訊廣告、用品買賣及寵奴互動平台)

標題: 肥肥日記=] [打印本頁]

作者: kazas 時間: 2013-1-8 01:18:25 AM 標題: 肥肥日記=]

肥肥回家已有個零月了，由初初我自己唔太敢摸佢(因為佢反應好大好驚)，唔敢周圍走放係籠到養，直至醫生話肥肥品種需要較大活動空間。及後改為買圍難去間隔一飯廳空間俾佢，最初仲會周圍角度大少便，每次柯完用兔協教既方法清潔番。到佢慢慢唔係飯廳大少便就開始想盡辦法越過圍難去客廳果邊，肥肥雖然未足５個月大，但非常聰明，懂得咬住一個９０Ｘ１００既圍難從而令兩個圍難扣住既接位鬆脫成個越獄，到你打算痴實圍難，佢又跳上籠頂再由SOFA行過去，到你移開個籠，佢終於使用絕招，佢根本係可以直接跳過圍難。到最後無辦法，只能將買回家三天既圍難收起，自此沒有再使用過。由於客廳果邊有電視音響等較多電線，一直唔敢比佢過去，亦擔心佢會好似回家第一天咁係SOFA上小便。但由於佢越來越大，總有一天要面對，所以只好將音響等移開，電視線收短等等，就索性將客廳俾佢攻陷埋。
一直都觀察肥肥係攻陷後幾天內有沒有在客廳大少便，但經過一星期觀察，肥肥唔只沒有係客廳，什至飯廳廚房全屋都沒有大小便，佢現在只會回籠大小便。（主人房客房就唔知點解即使門打開肥肥都唔會入內，可能膽小掛？所以仲未知佢會唔會係房係床上大小便。）雖然肥肥仲未肯俾我好乖咁抱住，腳仔仲會伸下伸下想逃走。但可能係佢未係好信任我，畢竟都只有個零月，但呢段時間望住佢，見佢全屋走黎走去，來去自如，又識享受有時又會望下海諗下野。但我知佢開始接受緊我，因為佢好痴我，我坐低佢就會走埋我度，我去廚房或廁所（總之離開佢視線範圍）佢就會跳落SOFA跟住我尾行，可能佢知我唔鐘意佢入去啦，佢跟到我去主人房門口就會停低坐一陣就回頭出番廳，呢一切一切對我黎講已經覺得佢好乖好抵錫。起碼肥肥唔會咬我，唔會發我脾氣，唔會周圍大小二便，我已經感到好安慰。

本人從未養過兔仔，只有養過狗，但狗狗３年前離世後太傷心已沒有再養寵物。加上從事金融行業工作忙碌，朋友相處時間較少完全沒有想過會養寵物。但唔知係唔係一切就係有緣份呢，某一天經過一條平常不會經過既路，見到一間新開張既店鋪，再沒有想過要買寵物既情況下見到一間兔子專賣店內有一隻灰色的狗，入去索問店員才知係兔子。望住櫃裡既肥肥考慮左好耐，唔係價錢唔係環境一切既問題，而係不段問自己，會唔會又好似上次咁因為與家人照顧不周導致一個生命不能享有應有既壽命（從前的狗狗５年也看同一獸醫，最後急症暈倒，狗狗的家庭醫生說是中暑，隔天沒好轉，帶狗狗轉至急診醫生時，該醫生直言是嚴重肺積水，已沒救，而且狗狗有嚴重心臟病，且是患很久很久了，該醫生不段責罵我們沒盡好主人責任。數小時後狗狗在家人懷中吐血的情景依然沒辦法忘記，那份沉重的內疚感，我只能講動物不懂說話，即使是獸野的話也不能全相信同一位）係店外反覆打左好多電話搵好多有養兔既朋友意見，又問自己如果買左肥肥，咪會違背左領養定寵物既原則？加上而家自己一個人住會唔會無時間照顧佢？但最後自己一個人諗左好耐，諗肥肥已經身處寵物店，呢個係不變既事實，我唔買佢都會有其他人買佢，但其他人會唔會好努力去照顧佢？呢Ｄ無人有GUARANTEE。但如果要買肥肥回家，就要問自己：［我能否永遠記得由帶回家那天開始我就永遠係佢既全部。］最後許下呢個承諾就帶左佢回家喇。

由最初自己咩都唔識，呢路去果路去呢度睇果度睇不段吸收多D EXP，到同肥肥相處左個零月，有時見到肥肥咬住玩具行黎行去，坐近我，LAM我，真係唔知佢係一隻兔定一隻狗，姑且當佢一隻狗與兔既混合吧，但畢竟佢會係我好愛錫好愛錫既囡囡。多謝咁多位兔友互相分享知識及經驗，因為呢一切幫左我同肥肥好多好多。多謝你地呀

直至最近幾天終於發現佢一直想越獄既原意原來就係。。。。。。。。。。。。。想坐係SOFA睇電視。。。

今天又是這個位置，足足大半小時沒動，這次是觀看我玩足球遊戲。

原來我一路都誤會左肥肥，原來佢只係想坐SOFA

請各位唔好再將動物當作一份禮物，
我們與牠們的情，就由你許下承諾那天開始。牠們亦會許下承諾用最長的壽命，無間段的陪伴你。（在你們開始或結束這份情的時候，請再三回想問一問自己，你真的重情嗎？）

附件: 20130107_023216.jpg (2013-1-8 12:11:03 AM, 1.75 MB) / 下載次數 80
https://petkd.com/forum.php?mod=attachment&aid=MjYwNTl8NjY2Y2RjNWN8MTcxNTgwODMwMnwwfDA%3D

附件: 20130105_073829.jpg (2013-1-8 01:09:41 AM, 1.66 MB) / 下載次數 81
https://petkd.com/forum.php?mod=attachment&aid=MjYwNjJ8ZmNjYmIzODd8MTcxNTgwODMwMnwwfDA%3D

附件: 20130105_044846.jpg (2013-1-8 01:16:35 AM, 1.65 MB) / 下載次數 77
https://petkd.com/forum.php?mod=attachment&aid=MjYwNjN8MzJlYTk5YmR8MTcxNTgwODMwMnwwfDA%3D

附件: 20130106_222543.jpg (2013-1-8 01:17:32 AM, 411.38 KB) / 下載次數 68
https://petkd.com/forum.php?mod=attachment&aid=MjYwNjR8YzE2OTdiMWR8MTcxNTgwODMwMnwwfDA%3D

作者: wesky 時間: 2013-1-8 01:48:18 AM

真係好 sweet!!識陪主人睇電視，又識主動lam主人，真係羡慕死人！

作者: kazas 時間: 2013-1-8 01:53:31 AM

wesky 發表於 2013-1-8 01:48 AM
真係好 sweet!!識陪主人睇電視，又識主動lam主人，真係羡慕死人！

ＵＭ。。。有時可能係我陪佢睇緊。。HAHAHA

作者: kazas 時間: 2013-1-8 02:04:19 AM

wesky 發表於 2013-1-8 01:48 AM
真係好 sweet!!識陪主人睇電視，又識主動lam主人，真係羡慕死人！

肥肥番左黎一個月，我最近連續８日咳醒，今天看醫生話有氣管敏感，
話我對兔毛敏感，開左三日藥。想請教一下版主，我點都唔會放棄肥肥，我皮膚無事，係氣管敏感，狂咳
有時會咳到停唔到，連咳一小時以上。（可能最近換毛呀肥肥，會唔會關事？）
如果我有敏感既情況下，點樣可以比較有效舒緩到症狀？（我現在每天吸一次塵，幫肥肥梳毛我帶上口罩的）
改為兩次吸塵或請別人代勞梳毛會否有效舒緩？請指教

作者: yinyin19940 時間: 2013-1-8 04:42:35 AM

小妹都有鼻敏感同皮膚敏感,
其實無辦法如果可以就保持空氣流通喇!
買IKEA碌毛毛個d番屋企就算衣物同梳發有都方便痴

開吸塵機又唔怕嚇親佢

作者: MonicaWong 時間: 2013-1-8 11:21:20 AM

緣份就始注定你同肥肥終身! 佢好幸福啊~

我個兩隻小魔怪係你買肥肥嘅旺角分店買，我因為成日去買野所以都有同sales姐姐講開肥肥，可能有人係tko個間幫手，所以佢知邊個買左肥肥。

我老公都係玩音響打機嘅人，所以電視櫃底有好多電線，初時搵條大毛巾遮住個櫃底，但佢地超聰明，轉頭就破解左 !!!

最後搵到倉鼠圍欄，fit晒，又用佢個籠頂住d虛位，攪到成屋唔同晒，之前仲笑人有左bb後全屋就係abc墊，而家??? 不過佢地帶俾我兩個好多樂趣!

你試下買個空氣清新機，過濾飃係空氣嘅毛毛，你去睇下oregon，放係你同肥肥相處嘅地方，情況應該可改善。

我都係新手，早排上兔協網站同佢個blog，先睇到好多被遺棄個案，真係好慘，睇完眼淚流。我都係出黎做野先養寵物，起碼負擔得起醫藥費，之前我回覆個某人發問，因為大家都擔心兔仔狀況，但佢遲遲都未帶佢睇，淨係問邊到買草粉及餵木瓜丸，我火都黎咪忍唔住回覆鬧佢，呢度每個人都返工返學，時間係就出黎，我見好多獸醫都開到好夜，呢個唔係藉口，仲有因為驚佢係學生，無足夠錢帶佢睇醫生。

我上星期又去金魚街，有位媽媽跟佢小朋友經過寵物店，當然細路仔見到倉鼠就叫得意，阿媽好求其答買啦，咁又隨時做成另一單悲劇。

病我地未必可以控制到，只會盡力醫好佢，但至少俾到健康開心嘅屋企俾佢地。

我都好感謝這個網站，提供左好多知識，好多兔兔主人都好好。

作者: Insomniahk 時間: 2013-1-8 11:32:02 AM

請問兔協教的清潔方法係點樣做？

作者: Insomniahk 時間: 2013-1-8 11:36:13 AM

MonicaWong 發表於 2013-1-8 11:21 AM
緣份就始注定你同肥肥終身! 佢好幸福啊~

我個兩隻小魔怪係你買肥肥嘅旺角分店買，我因為成日去買野所以都 ...

都係少啲鬧人好‥‥‥

作者: MonicaWong 時間: 2013-1-8 12:22:41 PM

Kazas, 我都想知兔協清潔方法~ tks.

Insomniahk, 我學緊百忍成金架啦~

作者: WingBe 時間: 2013-1-8 02:48:47 PM

換毛真系好大影響.....

幫親兔兔梳毛..都搞到個鼻好痕....

作者: BonnieLee 時間: 2013-1-8 02:53:00 PM

既善慕又感動

作者: DomDomPig 時間: 2013-1-8 05:57:11 PM

實在太感動啦

肥肥好有靈性呀, 我好鐘意佢呀, 佢可能覺得SOFA係佢身體既一部份, 巳經融為一體啦

作者: ching` 時間: 2013-1-8 06:08:05 PM

兔兔好巨型 XD
識睇電視好叻 XDDD

作者: Vivi丁媽 時間: 2013-1-8 07:02:20 PM

試下蜂膠，好work!但要睇含量比較產品，紐西蘭出產既都好好，不過c品牌成份用自己出既標籤，睇落好高，但成份好低！一樣價錢可以買其他品牌既高成份蜂膠架啦！！係紐西蘭就仲平！要自己比較下！

作者: kazas 時間: 2013-1-8 07:58:00 PM

yinyin19940 發表於 2013-1-8 04:42 AM
小妹都有鼻敏感同皮膚敏感,
其實無辦法如果可以就保持空氣流通喇!
買IKEA碌毛毛個d番屋企就算衣物同梳發 ...

HI YINYIN,想問下係咩碌?唔係好明

作者: kazas 時間: 2013-1-8 08:02:34 PM

MonicaWong 發表於 2013-1-8 11:21 AM
緣份就始注定你同肥肥終身! 佢好幸福啊~

我個兩隻小魔怪係你買肥肥嘅旺角分店買，我因為成日去買野所以都 ...

係呀,你連我係邊間分店都知?HAHA....
我有睇過空氣清新機,但好多都只係FOR 百零尺既空間,如果廳大好難做到,要放幾部....

好多時好多人購買寵物都係向好果面諗,完全忽視左寵物本身會唔會有機會患上咩疾病,
會唔會對自己同家庭形成壓力...
亂購買寵物同第三世界國家人民無節制地生育一樣...
難道真係無計劃地生左小朋友出黎,而佢有病形成負擔後就將佢遺產??
好多人都無認真考慮呢一點...只係將責任交左俾家人

作者: kazas 時間: 2013-1-8 08:09:36 PM

Insomniahk 發表於 2013-1-8 11:32 AM
請問兔協教的清潔方法係點樣做？

其實都係係兔兔柯完尿既位置用清水擦乾淨
跟住用食用白醋抹乾淨。但我唔會就係抹一次，因為我油木地板，我會係肥肥柯完尿後抹乾淨後，用清水重覆抹幾次，抹乾後再用白醋抹，白醋乾左後再用清水再抹乾淨，再重覆動作２－３次。
之後會有好大陣酸味，我會再噴小小空氣清新。就係咁樣，
頭頭果時抹完佢都會照去，跟住試下抹既範圍大Ｄ，唔好就係抹有尿既位置。
（有時兔仔會企係身聞兩聞Ｄ牆同門先會再柯咖嘛，我唔知有無關係呀，但我見抹開就連佢聞果Ｄ位都抹埋，
但為免太多白醋次激到佢，就重覆抹完又再用清水，抹完又再用清水咁樣）
一路重覆大約一星期左右佢就無再周圍柯了。

作者: kazas 時間: 2013-1-8 08:10:18 PM

MonicaWong 發表於 2013-1-8 12:22 PM
Kazas, 我都想知兔協清潔方法~ tks.

Insomniahk, 我學緊百忍成金架啦~

作者: kazas 時間: 2013-1-8 08:12:06 PM

Vivi丁媽發表於 2013-1-8 07:02 PM
試下蜂膠，好work!但要睇含量比較產品，紐西蘭出產既都好好，不過c品牌成份用自己出既標籤，睇落好高，但成 ...

ＨＩ，想問蜂膠可在那裡購買？超級市場有賣嗎？
沖水飲？對氣管敏感有幫助？萬分感激

作者: YaiBCreamy 時間: 2013-1-8 10:57:43 PM

本帖最後由 YaiBCreamy 於 2013-1-8 11:45 PM 編輯

感動！肥肥有你陪伴會得到幸福。
見得太多主人棄兔，尤其生完BB就把兔棄掉！我上一年生了BB，BB一歲了，人兔相處融洽！
真的很開心有人這樣愛兔。

你說得對，獸醫真的不能只看一個，不過我認為最重要是獸醫同兔兔夾唔夾。我家兩隻兔兔，一隻從未病過，一隻一個月總要起碼睇一次醫生，兔兔快六歲了，HK會看兔的獸醫我都幾乎看過，我覺得兔兔會感受到哪一位獸醫最用心醫治它，而我家兔兔最歡喜Dr Betty, 可惜她已返回澳洲；這一年轉看其他醫生，但兔兔似乎只喜歡DR. MA! 我也很喜歡他！

兔兔哪喜歡人困住他？我家的兔有自已的房，如果我在家他們也可四處走！（反而我家BB沒房睡！）
兔也喜歡人陪，我自從做了Full time mum後，兔兔病情算穩定了，也很嗲我同BB！

小小心得：
你可以買IKEA Bastis去毛膠紙，好平好好用！
自BB出生後，我買了Philips 空氣清新機，$3xxx，除左外形Stylish，亦真的吸到唔少毛同塵！

作者: kwan104kwan 時間: 2013-1-8 11:57:56 PM

肥肥咁鐘意張sofa，可能係因為同佢最match！！

吸塵機好似唔係幾好！傳說話：都會噴番唔少塵出黎！

空氣清新機，我就用開A...way！

有得睇示範，用完唔想要又有得退！

我覺得佢幫我吸左好多毛！

不過都係睇清楚，慢慢揀下先好買！

作者: kazas 時間: 2013-1-9 09:29:11 PM

YaiBCreamy 發表於 2013-1-8 10:57 PM
感動！肥肥有你陪伴會得到幸福。
見得太多主人棄兔，尤其生完BB就把兔棄掉！我上一年生了BB，BB一歲了，人 ...

我睇過好多清新機都只係FOR 百零尺既空間....
你果個係邊度買同埋FOR幾大空間?
開果時需要山窗定打開都OK??
我明天去IKEA買先...

唔該哂你

作者: MonicaWong 時間: 2013-1-10 12:52:25 AM

如果你想要d強力空氣過濾，以前有隻牌子叫rainbow, 而家有另一個牌子叫pro aqua, 成萬幾蚊，因為佢除左係空氣過濾，又可以當吸塵機and打床褥，我朋友又係有嚴重鼻敏感同養狗，佢買左，有改善，佢有免費上門示範，你可以上網search.下。我又睇過示範，係好，但對我黎講太貴。

作者: kazas 時間: 2013-1-10 01:17:03 AM

MonicaWong 發表於 2013-1-10 12:52 AM
如果你想要d強力空氣過濾，以前有隻牌子叫rainbow, 而家有另一個牌子叫pro aqua, 成萬幾蚊，因為佢除左係空 ...

萬幾蚊係一個月月費定成套買左番黎?@@

作者: MonicaWong 時間: 2013-1-10 09:17:55 AM

kazas 發表於 2013-1-10 01:17 AM
萬幾蚊係一個月月費定成套買左番黎?@@

成套，10年保養，你去約上屋企做示範先，睇係效果對你接唔接受。

作者: Insomniahk 時間: 2013-1-10 09:21:17 AM

kazas 發表於 2013-1-8 08:10 PM
其實都係係兔兔柯完尿既位置用清水擦乾淨
跟住用食用白醋抹乾淨。但我唔會就係抹一次，因為我油木地板， ...

等我地都學吓咁抺先！多謝！

作者: YaiBCreamy 時間: 2013-1-10 09:24:22 AM

本帖最後由 YaiBCreamy 於 2013-1-10 10:13 AM 編輯

我未生BB前，一星期吸塵拖地一次，結果屋企間唔中有兔毛滾滾情況。
幾個月前BB開始爬，我開始每日吸塵+拖地+用空氣清新機＋用IKEA個除毛紙，兼每日抹影音設備同枱呀鋼琴咁，再定期清下暗角位，屋企既塵同毛少左起碼九成。
所以我覺得根本只用空氣清新機係冇用，最重要係定期清毛同塵。我用既空氣清新機同吸塵機都唔係貴野，吸塵機都係PHILIPS，千幾，但兩部機都有HEPA過濾網，呢個filter可以過到好細微既粒子。
空氣流通都可以吹走D塵同毛，但最近好凍就唔好開咁大，同埋我見你有窗台，你要小心兔飛落街，有必要就安裝貓網。

我用緊清新機係呢隻：http://www.philips.com.hk/c/air-purifier/16832/cat/zh/
BB既FB媽媽Group有人推荐IQ air，HK好多醫院都用，HA都用，可以用於大既空間同過濾病菌，但就貴同Bulky.

另外提你小心兔咬電線，兔BB最喜咬野。我其中一隻兔試過咬我部Macbook既cable, 好在我冇插電，唔係實電死兔，但我一插電，條cable出火花，幾乎燒屋！仲要俾六百幾買條新cable！你可以去黃金買包住電線既膠，一條spiral既管咁樣，我所有兔仔可接觸到既電線同Speaker cable都用果隻膠包住，唔係一係漏電燒屋，一係電死四圍爬既BB。

作者: YaiBCreamy 時間: 2013-1-10 05:43:54 PM

本帖最後由 YaiBCreamy 於 2013-1-10 05:52 PM 編輯

題外話：
我不知Rainbow 同 pro aqua既清潔力係唔係真係咁強，可能係都唔定，但對我嚟講，呢兩間公司似傳銷公司多點。我老公都經常俾rainbow既sales打電話嚟sell部機，佢地有佢電話原來係因為，sales會不停鼓勵customers出賣自己朋友既電話，尤其佢地會籍免費上門示範而不停煩你，即使你唔買佢架＄2xxxx既機，佢點都要你係Phone book俾其他人電話佢。呢點你要留意。我個人不喜這種賣野方式。而且佢又知你地址又知你個名同電話，都幾危險。
其實部機有HEPA filter，基本上已經夠。Cheap機都做到啦。

作者: yinyin19940 時間: 2013-1-14 12:12:42 AM

kazas 發表於 2013-1-8 07:58 PM
HI YINYIN,想問下係咩碌?唔係好明

黏紙式黏毛器,
3M呢個牌子都有,不過貴好多

作者: DomDomPig 時間: 2013-1-16 01:41:20 PM

今日FACEBOOK 入面, I LOVE RABBIT 有E張相, 叫佢做 "大頭", 佢係未 "肥肥" 黎架

附件: 555413_391469960946743_657884948_n.jpg (2013-1-16 01:40:06 PM, 37.88 KB) / 下載次數 25
https://petkd.com/forum.php?mod=attachment&aid=MjYxMzJ8NTljMDNhZjh8MTcxNTgwODMwMnwwfDA%3D

作者: kazas 時間: 2013-2-5 11:49:19 PM

DomDomPig 發表於 2013-1-16 01:41 PM
今日FACEBOOK 入面, I LOVE RABBIT 有E張相, 叫佢做 "大頭", 佢係未 "肥肥" 黎架 ...

好可愛WOR....@@
不過唔係肥肥黎，肥肥係全身炭灰色....

作者: DomDomPig 時間: 2013-2-6 01:10:30 PM

kazas 發表於 2013-2-5 11:49 PM
好可愛WOR....@@
不過唔係肥肥黎，肥肥係全身炭灰色....

我真係好鐘意你隻肥肥, 好開心佢又蒲頭了

作者: fish128 時間: 2013-2-13 10:35:59 PM

肥肥好可愛,好乖喔,攬住佢一定好舒服.

作者: DomDomPig 時間: 2013-2-14 02:23:02 AM

fish128 發表於 2013-2-13 10:35 PM
肥肥好可愛,好乖喔,攬住佢一定好舒服.

我都係咁話，我都想攬下肥肥呀

作者: Yuki78 時間: 2013-2-21 10:58:34 PM

本帖最後由 Yuki78 於 2013-2-21 11:07 PM 編輯

kazas 發表於 2013-1-8 08:09 PM
其實都係係兔兔柯完尿既位置用清水擦乾淨
跟住用食用白醋抹乾淨。但我唔會就係抹一次，因為我油木地板， ...

我都試過這方法，但每次放他出來時都仍在那小便，而珍珠便便亦是行到邊屙到邊！但在籠內他是懂在廁格大小便。

作者: kazas 時間: 2013-2-22 04:51:19 PM

Yuki78 發表於 2013-2-21 10:58 PM
我都試過這方法，但每次放他出來時都仍在那小便，而珍珠便便亦是行到邊屙到邊！但在籠內他是懂在廁格大小 ...

你養左幾耐？＠＠
有幾多隻兔仔，同埋每日放佢出黎幾耐？

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)