PetKD 寵物網 (寵物領養、資訊廣告、用品買賣及寵奴互動平台)

標題: 2隻兔仔~ [打印本頁]

作者: yammeso2002 時間: 2013-3-4 12:16:45 AM 標題: 2隻兔仔~

今日我屋企般黎左隻男仔兔，佢係我丫妹既叫金仔~
因為佢新黎新兔肉B-)所以就介紹俾我丫b同我隻波子識喇~

我隻狗都冇嘜野既，但可能因為係兔公既原故，波子好似唔係幾好佢咁~

金仔就開始周圍走(佢前一手主人叫我地俾佢係屋企行下)~唔知係咪聞到我隻女既味，佢又好不自覺咁行去我房(波子住我房)，但佢一接近個籠，波子就出拳打佢~佢都唔識驚，仲還擊:’(

我就做和事佬而俾波子咬:’(好彩波子都有黎錫個傷口，表示自己做錯:-)

有冇爸媽可以教下我~點樣先可以令到佢兩個唔好一叫面就打交呢??help me~o_O

作者: wesky 時間: 2013-3-4 08:41:10 AM

寶典有有關Bonding 嘅資料，另外可以搜索下舊帖，有好多相關討論

Bonding 必須係中性嘅環境中進行，係任何一方地盤進行有好大機會會打交

作者: yammeso2002 時間: 2013-3-4 01:09:22 PM

哦~唔怪得啦，我宜家都唔俾金仔入我房了，我怕佢地又打交

作者: raywong521 時間: 2013-3-4 02:14:02 PM

樓主可以睇返之前既舊文,Bonding唔係三言兩語攪掂,係一件好有耐性既事~

夾到之後,就好fd架喇,不過未夾到之前就唔好勉強,唔好比佢地有機會打交,兔兔都好記仇

作者: hh0 時間: 2013-3-4 04:08:28 PM

你同妹妹一人養一隻，即係一屋有2隻兔兔？
絕育後先諗bonding啦，依家最好分開出來玩

作者: smallsuishan 時間: 2013-3-7 08:47:39 AM

照我理解你應該一隻係仔一隻係女
你應該先帶佢地絕育之後先再諗BONDING
因為兔兔懷孕既機會差不多百份之百中!!!

作者: yammeso2002 時間: 2013-3-10 02:24:27 PM

smallsuishan 發表於 2013-3-7 08:47 AM
照我理解你應該一隻係仔一隻係女
你應該先帶佢地絕育之後先再諗BONDING
因為兔兔懷孕既機會差不多百份之百 ...

我有打算俾佢地生，不過等遲下先，所以我宜家都唔會比佢地同時間出籠~廢事係我未準備好既情況下有左啦~

作者: Bube 時間: 2013-3-10 10:16:44 PM

yammeso2002 發表於 2013-3-10 02:24 PM
我有打算俾佢地生，不過等遲下先，所以我宜家都唔會比佢地同時間出籠~廢事係我未準備好既情況下有左啦~ ...

如果想佢地生
你先諗定兔b出生後有一段時間要照顧
比如媽媽唔餵奶 BB清潔之類
你就要負起媽媽既責任架喇
還有兔媽媽產前產後既照顧呢
(我以過來人身份可以同你講
呢個責任很大還有要犧牲作息時間去照顧兔媽/ 兔B
因為兔媽通常響半夜~ 清晨會餵奶你到時候要check 兔b有冇食飽飽)

真係要三思呀

作者: smallsuishan 時間: 2013-3-11 08:49:31 AM

坦白講..

你有打算俾佢地生
你知唔知兔媽生小朋友對佢身體有幾傷
你又知唔知兔兔一胎可以生幾多仔呢?
兔兔病絕育膳食呢d費用你又知唔知有幾多?

咁多隻兔兔.. 佢地夾就話可以一齊住
如果唔夾...你要一隻兔一個籠你有冇咁多空間?
如果唔夾.. 放兔兔出黎又要分開放你有冇咁多時間呢?

希望你係決定俾佢地生之前好好諗清楚
只希望你用心諗清潔........因為養兔兔係一世既承諾

作者: yammeso2002 時間: 2013-3-12 12:42:59 AM

我想講，我冇諗住俾佢地生就代表我有方法解決到佢地生後所帶來問題，我唔希望見到d人因為覺得自己好有道德就用一大篇野去話人點點點，唔好點點點，係未搞清楚人地諗法時，可唔可以唔好用自己所謂既正確資訊去話人地呢?我知道養兔需要資金，需要耐性，所以我咪有打算俾佢地生，但大前提係要係我計劃之內~
俾意見係可以，用自己既知識教人地都可以，但唔好諗住用自己既諗法去改變人地既諗法囉~
咁樣我覺得會對依個詩討論區有幫助!

作者: yammeso2002 時間: 2013-3-12 12:43:20 AM

我想講，我諗住俾佢地生就代表我有方法解決到佢地生後所帶來問題，我唔希望見到d人因為覺得自己好有道德就用一大篇野去話人點點點，唔好點點點，係未搞清楚人地諗法時，可唔可以唔好用自己所謂既正確資訊去話人地呢?我知道養兔需要資金，需要耐性，所以我咪有打算俾佢地生，但大前提係要係我計劃之內~
俾意見係可以，用自己既知識教人地都可以，但唔好諗住用自己既諗法去改變人地既諗法囉~
咁樣我覺得會對依個詩討論區有幫助!

作者: Bube 時間: 2013-3-12 02:22:42 AM

唔好咁激動住
一仔一女想佢地接受對方
你試下將佢地個籠拍埋一齊擺
不過係中間要留返少少位
因為怕佢地咬親對方個鼻
一排之後  佢地習慣左有對方存在
你可以響你"監視"下
試下比佢地一齊玩
一男一女比同性好夾好多
不過到時男仔一定會向女仔狂噴尿

作者: wesky 時間: 2013-3-12 09:26:37 AM

yammeso2002 發表於 2013-3-12 12:43 AM
我想講，我諗住俾佢地生就代表我有方法解決到佢地生後所帶來問題，我唔希望見到d人因為覺得自己好有道德就 ...

生兔BB 的確需要周詳的考慮，兔友列出需要考慮的事項，希望你想清楚，而不是一時心血來潮（有好多咁嘅人造成遺棄，呢個係事實），或許語氣較緊張，最終決定永遠都係你度。

你有金錢有時間，有能力照顧佢地一世 6-10年，生病時你願意帶佢地睇醫生，俾到佢地好的生活，每日有足夠籠外活動時間，願意減少娛樂時間來照顧佢地，你就繼續〜你只需要對自己及你掌握的生命負責。

作者: MonicaWong 時間: 2013-3-12 04:33:56 PM

樓主，請你冷靜換一個角度去諗諗，其他呢度好多有經驗0既兔爸兔媽，佢地幫到好多新手解決到唔少問題，而且好輕易search都搵到答案。

講返我經驗同感受，兩公婆，12月底開始養兩隻兔b，一子一女，我地係新手，我有養過貓13年，叫有經驗照顧寵物，醫生講乜我都叫知道。我地兩公婆都要返工，暫未有小朋友。

係呢兩個多月裡邊，為左照顧兔兔忙碌左好多，少左去玩，一放工就返屋企，未養佢地前我會回娘家過夜，而家唔敢，因為唔放心，每日返屋企就做清潔阿姐，日掃夜掃，清理廁所，檢查佢地大小便便，隔日拖地，隔一星期大洗兩個籠。因試過唔小心俾佢地咬斷電線，所以又要圍住所有野。
放出黎玩時，都要留意住佢地一舉一動，始終屋企都有其他野 (我就分開放出黎玩，醫生話等多兩個月後先得做絶育手術，而我又唔打算俾佢生)。心機精力都要付出好多 !

其實好多人都只是看 "目前"，"目前"你有家人幫你照顧，有時間有金錢可以應付，覺得照顧佢地一世無問題，但今日唔知聽日事，你會拍拖、返工、結婚生仔，如果到時無時間，2隻生幾隻後，你係咪仲可以有時間地照顧到兔兔 ?

另外，我好怕見到拍拖0既後生性侶去養寵物，分左手撫養權歸邊個 ? 最後咪又係歸兔協或愛協，當然你又無話結左婚會離婚，但應該無分手咁易 ?!

我會建議先好好照顧而家0既兔兔，爬多d文，睇多d關於兔兔醫學常識 ( 我到今日有做)，等所有野上左手先再好好考慮，但暫時最好分開籠分開放。

係呢度每一個兔爸兔媽都好愛兔兔，有經驗的當然唔想見到一班玩票性質0既主人隨便養兔或繁殖，如果你有能力又可以負責任養多幾隻兔兔，我懇請你收養被遺棄的一群兔兔。

如果你有時間可以上兔協個blog睇下一d被遺棄兔兔的故事，仲有波波姐0既故事。

請原諒的的多咀 + 八掛 ~

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)