PetKD 寵物網 (寵物領養、資訊廣告、用品買賣及寵奴互動平台)

標題: 天氣轉變 - 花生病了:( [打印本頁]

作者: 花芝媽 時間: 2013-3-27 01:29:39 AM 標題: 天氣轉變 - 花生病了:(

好耐無發貼估唔到發貼係因為花生病左

前幾日忽然好熱點知前日又開始又涼又凍
可能因為忽冷忽熱搞到花生26號下午5點開始忽然開始唔食野  又唔飲水  耳仔又涼  靜係掛住訓好攰好攰咁
27號半夜2點落街買左D菜  整左幾塊迫佢食
草粉岩岩好過左期1個月 .... 只好搞爛D菜加D水頂住先同按摩肚仔
見佢好眼訓比佢訓......    到左27號早上10點就馬上去搵DR.MA

DR.MA話好多兔仔因為天氣轉變搞到絕食  一日有成5~6隻黎睇醫生    所以大家要小心D
做好保暖    人都易感冒  何況兔仔呢

DR.MA話花生因為天氣轉  可能就少飲水搞到腸入面水份少  身體入面D便便乾身左
搞到身體唔舒服  所以搞到埋少食野
E加吸收返多D水份就OK ~~~~~~    身體其他地方都好好

如果屋企無草粉 ... DR.MA話係可以搞爛D菜+水比兔仔頂住先
食草做主既動物龍貓呀兔仔呀  天足鼠個類    如果無草粉可以用依個方法頂住一晚先    好過睇醫生前乜都無食過

埋單 878元       入面有細草粉一包 150元       屋企有就唔洗比多150 @@
DR話  藥大部分兔仔都會愛食  都會開甜D既藥比花生
但好可惜我花生靜係肯食止痛其他都要塞佢食  搞到下巴好污穢

連香蕉平果草粉一索到就那埋塊面

作者: wesky 時間: 2013-3-27 01:55:39 AM

天氣轉真係要小心啲, 希望花生早日康復

如果兔兔肯食菜, 就直接俾菜佢食, 有時兔兔連攪爛既菜都唔食就要針筒餵 (無草粉的話)
當然屋企有草粉就最好啦, 餵草粉之餘, 肯食埋菜就最好
因腸停兔兔會脫水, 食菜既可以補充水份 (腸要有水先郁得到) 又可以吸收纖維, 推動腸蠕動~

作者: 花芝媽 時間: 2013-3-27 02:19:32 AM

本帖最後由花芝媽於 2013-3-27 02:20 AM 編輯

wesky 發表於 2013-3-27 01:55 AM
天氣轉真係要小心啲, 希望花生早日康復

如果兔兔肯食菜, 就直接俾菜佢食, 有時兔兔連攪爛既菜都唔食就要針 ...

要塞佢食 ..

食幾塊就停口搞到我個晚都係用菜+水頂住先

聽日再比菜佢食

作者: all_loving_it 時間: 2013-3-27 06:12:15 AM

花芝媽發表於 2013-3-27 02:19 AM
要塞佢食 .. 食幾塊就停口搞到我個晚都係用菜+水頂住先

聽日再比菜佢食 ...

花生而家情況點呀? 有無好d?

飲食正常返未?

平日兔兔唔舒服無胃口, 我除左餵草粉之外, 都會用菜+水+草碎攪成糊狀比佢食

而藥有d佢地好抗拒食, 好似侏老板同有只小天好硬頸, 會將個口合到實一實, 就算強行餵到都會唔吞, 會係咀角到流返晒出黎

, 所以, 我都會佢地最鐘意食既蔬菜同香草渣汁, 再攪埋d藥用針筒餵佢地食, 佢地就會肯食

天氣唔好, 兔兔飲食會有影響, 飲水量可能唔夠, 就會引起後面一連串既問題, 所以, 都要留意下兔兔既飲水量係咪足夠

不過, 草粉都一定要有包睇門口, 反正都過左期, 都係要買, 有兔友既朋友兔兔最近走左, 我都同佢買左4包大, 都係蘋果香蕉味, 佢收好平, $100一包,

大包診所賣緊$280

話時話你唔係比開草粉糧佢地食咩?

作者: Suzanne 時間: 2013-3-27 10:26:14 AM

祝花生早日康復!!!!

話說我女女上上個星期都因為天氣轉而感冒,
馬醫生見佢半年內感冒兩次,所以話好心幫佢轉一隻藥力比較強的抗生素。
點知....

女女食左一次, 0.9ML ONLY,就見到佢勁暈,完全失去活動能力,幾乎唔食o野, 搞到腸停咁制!!

我第二日早上,我拿拿臨帶女女又去見馬醫生,
馬醫生開左一個星期治療腸胃o既藥俾女女。
佢話先搞掂個腸胃,一星期後再覆診,再開藥治感冒。

馬醫生話20隻兔仔會有一個對隻藥反應敏感,
誰知我家女女就係那20分之1........

一星期後,
再睇馬醫生,佢話女女奇蹟地自己感冒好返....
雖然0.9ML爭少少攞佢命,
不過, 就醫好左佢o既感冒。

作者: WingBe 時間: 2013-3-27 12:19:54 PM

哇！甘我要叫b仔飲多啲水啦

作者: idyidy 時間: 2013-3-27 12:21:00 PM

希望花生早日康復啦....

作者: raywong521 時間: 2013-3-27 04:37:47 PM

而家d天氣真係好麻煩,一日好熱,一日好凍,好難預計到邊日熱,邊日凍..........而家我就日頭開門窗,夜晚就要閂返細d,始終夜晚d風寒d,圍欄近門窗當風果面,都會用毛巾遮一遮,就算返風都唔會吹到正......

希望花生早日康復~

各位兔爸,兔媽,都要小心著涼呢~

作者: 靜妍媽 時間: 2013-3-27 04:37:51 PM

花芝媽~~你要加油好好照顧佢呀~~
靜賢仔最近都成日捕雞仔，不過我見佢有食野....
BTW，如果你下次會帶花生去覆診，可唔可以幫我搭單買包草粉呀?
靜賢仔果包食哂喇~~T^T
THANK YOU!!

作者: DomDomPig 時間: 2013-3-28 12:38:15 AM

祝花生早日康復

作者: Bube 時間: 2013-3-28 12:38:44 AM

花生芝麻))))))))))))))))))))

我係妹妹媽咪呀
原來呢個係你~
嘻~

作者: 小穎穎 時間: 2013-3-29 12:28:18 PM

我有個朋友隻兔兔都係咁既情況，
近來天氣轉變大，
我都有點不舒服，何況兔兔（汗）。
我朋友隻兔兔都係前日晚上開始絕食，而且仲要發呆。
琴日先介紹完佢去睇毛國界。

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)