PetKD 寵物網 (寵物領養、資訊廣告、用品買賣及寵奴互動平台)

標題: 性情大變 - 唔開心定發情？ [打印本頁]

作者: 啫喱仔 時間: 2013-7-5 07:30:55 PM 標題: 性情大變 - 唔開心定發情？

兔仔四五個月大，突然變得好惡，以前伸手入佢籠到幫佢清籠冇問題，又識去廁所。但呢兩日唔同咗，反轉個草盒(扣係個籠到都反到)搞到成地都係草，伸手入佢籠到想幫佢整番會"fu fu' 聲，仲出兔拳阻止我。係籠既門口位VV，便便得番6-7成係廁所......

係唔開心定發情？

作者: sweet0122 時間: 2013-7-5 07:30:56 PM

我囡囡都係咁
初初我都好愕然，明明之前好乖嘛，某日開始成日搗蛋
伸手入去清籠會嗚嗚聲，仲突然衝埋黎想咬我隻手，又咬開廁所蓋搞到d墊料同便便周圍係/.\
後尾上網爬文，知道兔兔長大，開始會霸地盤，而且每個月發情期果時脾氣都會差d的@.@
之後我會喺兔兔放風時先清籠，有時要伸手入佢籠執便便時會一邊摸佢頭仔一邊細聲同佢講話“媽媽幫你執便便喇，阻你一陣啊“，一路執一同佢傾住計，咁佢就會乖乖瞓定定唔理我
其實我覺得多d摸兔兔同温柔咁同佢傾計係有幫助的，雖然佢未必聽得明你講乜，但佢會feel到你錫佢的^.^

作者: wesky 時間: 2013-7-5 08:44:03 PM

兔兔開始成年, 有地盤意識, 儘量係兔兔唔係籠既時候先執籠, 唔係好易被打

作者: crystal55445 時間: 2013-7-6 12:12:24 AM

同人一樣，越大越有個性，要接受！

作者: 啫喱仔 時間: 2013-7-6 01:27:08 PM

佢真係好有個性，唔知好嬲定好笑，幫佢加草摸佢頭仔就OK，一想幫佢拾地下/廁所既草就"咕咕"我，當正我係偷草賊

作者: 啫喱仔 時間: 2013-7-6 01:40:01 PM

sweet0122 發表於 2013-7-6 03:03 AM
我囡囡都係咁
初初我都好愕然，明明之前好乖嘛，某日開始成日搗蛋
伸手入去清籠會嗚嗚聲，仲突然衝埋黎想咬 ...

兔兔真係好搞笑，我而家都係用懷柔政策，一隻手摸佢頭仔、又或者用食物如草既花、A草引佢去籠既另一邊，另一隻手就拾佢D草...

好啦，我再努力試吓，同佢傾多D計，希望安撫到佢

作者: sweet0122 時間: 2013-7-6 07:10:27 PM

啫喱仔發表於 2013-7-6 01:40 PM
兔兔真係好搞笑，我而家都係用懷柔政策，一隻手摸佢頭仔、又或者用食物如草既花、A草引佢去籠既另一邊， ...

兔兔好為食，用佢地鐘意食既野分散主意力真係唔錯既方法@v@
不過佢地食緊果時千祈唔好搞佢d野食，佢地會唔鐘意的~.~"我試過想移開佢個碗仔執便便，佢即刻好惡咁bu bu我>.<
兔兔真係要用懷柔政策先得，一高壓佢會同你搞對抗，會bu人咬人更加曳曳=.="
我都學習緊做個好兔媽，一齊加油！^v^

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)