PetKD 寵物網 (寵物領養、資訊廣告、用品買賣及寵奴互動平台)
標題:
鬥魚常見之病
[打印本頁]
作者:
fishfish
時間:
2011-10-12 06:05:07 PM
標題:
鬥魚常見之病
鬥魚常見之病
鬥魚常見之病養乜嘢都好,最怕見到佢地病;輕則摺旗,重則則瓜柴~!!
然而鬥魚幾壯健都有病的一日...
以下幾種病都是鬥魚常見之病及治療方法: (只供參考,有問題請在討論區發表)
1)胡椒病
古名思意,條魚成身好似被人用胡椒粉"荼"過咁款.....成身都見啡啡灰灰咁,一點點、一達達,尤其頭頂位最易見到;
鬥魚最易中就是這個~!!
這種病是由寄生在身表面的鞭毛蟲"Uodinium spp"引起,成因是水質差,温度突變。所以時常發生响季節變換,或者
家中有開冷氣,但又冇加保温的魚缸中。
自然治療方法,換水一半左右,然後加"粗鹽"約一升水三克鹽左右就ok,再加酸葉(欖仁葉)一大片,保持27度水;
或者買藥,一般"甲基藍"這類類藥對這種病都很有效。
2)白點病/白班病
魚身滿佈白點,基本上熱帶魚時常見,反而鬥魚少D,雖然唔易死魚,但唔理佢呢,D白點傳染到了鰓部,可能會致命;白點病是由纖毛蟲"Ichthyophthirius multifiliis"它是寄生在魚表皮中,是魚兒免疫力下降的先兆,一般都因為水質差,
溫度突變,令魚緊張引起的。
這種病,自然療法都有效的。最好就盡早落藥,而市面有很多專治白點的藥,想效果更好便要升温至30度,在高温中
寄生蟲會削弱,很快便脫落。
3)爛尾病
通常魚兒有傷口,並被一種叫"Flexibacter columaris"的細菌類感染;罹患者,鰭會好似溶雪咁消失得無影無綜,可以好快就KO條魚!!!但即使救回都冇左忽.....所以一定要盡早治理!!
自然療法效果麻麻地.....要買適當的抗生素藥物盡早治療。
直接用水喉水去換水後見到D尾殘晒,叫"消尾"
4)立鱗病/松球病
古名思意,成條魚脹到咸個波咁,D鱗又竪起,睇落去成個松果咁款....
成因不明,相信是細菌感染!?但多發生於水質差的地方,冇乜傳染力,可以成缸魚都精神,得佢一條病!!
絕症......但可以試下自然療法,我自己試過救得到嘅,10次救到1次,但之後都翻發,最後.....唉~~!
5)腹水病
即是個肚脹到成粒波子咁.....又等死~!!
成因有兩種: 1)食左不潔食物被細菌感染內狀 2)被食物刺傷內狀做成感染。
冶療方法:又係"自然療法"......或落細菌感染的藥,並停止餵食幾日甚至更多日,希望佢自然好翻.....但十居其九都是拖住條命~!!
但偶已會好得翻嘅.....祝你好運~!!
6)真菌/發霉!?
會成朵花咁痴响身到......
成因是有傷口,又咁好彩遇著D真菌.......點解又係真菌!?不外乎水質差.....
而佢的危憸性在於它會深入體內,唔理佢可以拖好耐,又可以好快KO係魚,視乎佢生左响邊到。
治療方法是用水族專用的真菌藥並盡早冶療。
7)潰瘍/爛身
症狀是表皮充血腐爛,好似燒傷。
成因有3: 1,被寄生蟲入侵傷口,要隔離治理,用驅蟲藥按指示落便可,一般要花7至10日。
2,被細菌感染傷口,亦要用"自然療法"或抗茵的藥。
3,魚兒本身的孢子蟲入侵,魚兒長期緊張受壓,都會令魚的抵抗減弱,界時响魚身某部位會長了好似瘡仔咁嘅豆,繼而擴張再潰爛......and then bye bye~!!基本上冇得救,只可做好預防。
8)跌水症
即是魚鰾失調,一般在展鬥中常發生在幼魚發育時,由於長時間食得太飽令魚鰾生長受壓導致,令到魚兒不能正常游泳,常常沉在缸底,這個便不是病了。
及早發現便應減少餵食份量和次數,慢慢等佢自然發育便可。
基本上展鬥是強壯、易養,而且受藥性強的魚種。
只要水質不太差是不易病倒的;佢地之所以病不外乎水質溫度突變做成。
故此做好基本工作便是最好的預防了。
作者:
Insomniahk
時間:
2013-1-18 06:05:50 PM
咁詳盡!
歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)
Powered by Discuz! X2