旺角果間I Love Rabbit

想問聲,新養兔的(未買),我想問有冇人試過在旺角果間I Love Rabbit到買兔仔?我想知佢會唔會送埋個籠比你,咁樣方便take住兔兔?同埋I Love rabbit有冇咩會買左兔兔會比埋你果D?

原帖由 ovo_96 於 2009-9-24 07:10 PM 發表
請問兔協果個網D兔仔幾時會更新?

不定期更新,
你可以直接上去睇兔.
網d兔好多都唔係最update ga.

請問兔協果個網D兔仔幾時會更新?

我 隻 兔 兔 系 果 到 買 嫁 ;]
買 果 陣 都 好 健 康 .. 其 實 都 吾 系 全 部 有 病 既 ...
我 買 兔 兔 果 陣 冇 送 籠 嫁 ,
佢 用 一 個 紙 箱 袋 住 兔 兔 , 跟 住 要 另 外 買 籠 F0R 兔 兔 日 後 住 ...

希望您多上 mini house 爬文章..
而及蓄多幾個錢以備不時之需
唔希望咁多位有心既兔友同你講到明, 兔兔既生活同睇病開支唔平..
但第日依然有各種藉口話兔兔走咗..
亦祝福兔兔比你帶回家後, 從此會過住幸福既生活

我買左隻貓貓兔...$250
佢d日用品...籠呀...水樽呀,...總數500幾蚊

我隻朱古力仔是來自 I Love 的. 不過我買佢之前都觀察o左佢成兩個星期先決定買的~~
so far 都好健康~~#^64^#

佢問清楚姐:044:

我既兔兔係個到買嫁,帶佢去,好好彩地冇病既都,不過醫生話氣管唔太好,但係小問題唔洗食藥

講真，其實最基本既養兔資料、基本用品，
幾乎係呢個 forum 已經可以搵到8-9成，
而基本用品，我都已經花d時間綜合左資料係呢個 post
http://mini-house.info/thread-3225-1-1.html
maybe 價錢上未必係最 update，but 真係有用，
唔好令我覺得突登花時間、花心機去做既野白廢 ..
兔兔用品既野，未必一定要去買專 for 兔兔用既，通常都會比較貴，
自己 diy既反而仲平好多，不如留返d錢俾兔兔作用醫療費用。
兔兔既醫療費用係比人類貴。
人去睇醫生，最多咪180蚊，都有三日藥，
但係兔兔睇醫生，一次最平都$250，仲未計藥，
起碼都成400蚊先出到門口ga~

開 post 問之前，用下搜索呢個 function，
搵唔到或睇唔明，再開 post 問，我地全部都好樂意去為你解答。#^14^#

原帖由 免友 於 2009-9-21 06:13 PM 發表
你地唔好蝦人la:051:    人地係第一次樣
我知你地係講道理:059:

只係講個現實比佢知

有時唔係想做就做.想買就買

有幾多兔因主人無經濟能力令兔兔失救致死?

有時兔兔只係得到一個好小既病.但因為主人連幾百蚊都比唔起.令兔兔由輕病捱致重病

忠言一定係逆耳.但現實一定要面對

唔係蝦佢丫，大家咁認真咁講，係大家都明白箇中道理，每一隻兔仔，都係一個生命，而我亦相信，係呢度每一個朋友都當兔仔係自己屋企人一樣。
而別人的兔仔，我們亦會用愛心去愛護佢地。
買兔，係必須要有足夠的經濟能力，而我亦相信樓主仍是學生吧。
咁試問:
佢本人有沒有足夠的經濟能力去承擔一個生命呢?
佢又有沒有足夠時間去照顧一隻兔仔呢?
當兔仔生病時，所需要的醫療開支亦很大的，咁是否可以承擔呢?
仲有，而家未買兔，你只係考慮點拎兔返黎，你又有沒有細心去閱讀養兔嘅有關資料呢?
或者，我講嘅野唔係咁好聽啦，但，呢個世界始終都係 忠言逆耳 的。

你地唔好蝦人la:051:    人地係第一次樣
我知你地係講道理:059:

你不斷問既問題.兔友比既網頁你入面都有哂你要問既野

之後你再問.表示你本冇認真係睇d資料

唔好敷衍我地.你只需要向你自己同你的兔兔交代

兔兔唔係玩具.唔好睇小兔兔只係一隻小動物

養寵物既責任唔會比養一個人低.只係方式唔同

有心既.請你睇哂資料.睇哂所有文章.了解一下"什麼是養兔"

如果你評估過自己依然不會感到麻煩.經濟可以應付到的話.

就請你去養.歡迎你繼續發問

如果唔係.你而家可以做的.就係專心讀你既書.唔好諗養多隻野.阻住自己累左兔

係既..
其實兔友建議你去兔協除左佢的確唔洗領養費之外
最重要係因為佢會教你養兔既知識同埋幫到比人遺棄左既兔兔
而且兔協既兔兔都會比出面既健康好多
希望你係養兔兔之前會自己去增進下養兔既知識先
依個forum有好多基本既野比你學架
最好學完先去養 兔兔會健康同生活得開心好多
養兔最好都係有經濟backup 如果買個最基本既兔籠都無錢
唔好彩講句 兔兔有病個陣點算?
一定要儲定d錢先養兔 ..