不肯進食，已看醫生，怎辦?

我家辣椒兩歲，今朝(19/6)突然唔食野，T草、兔糧、草粉全不吃，只吃木瓜丸(給了他一粒)
上午十時許，帶他去了屯門DR GERRY睇，摸到個胃有少少脹，留左響診所照顧大半天，
姑娘話用針筒餵到草粉佢食，照左X光發現「冇」氣脹，最後開左兩隻藥，FOR腸蠕動的，
同叫我餵草粉。觀察多兩三日...

剛才回家(6點幾)，用針筒餵佢，食極少，約3ML，都唔主動食，菜心就食左一條半，
辣椒個樣好似諗好耐先食咁，同之前狂食差好遠，請問大家有什麼見解??

咦？我隻兔兔又係同你隻兔兔一樣，起果幾日唔飲水唔食草唔食糧呀，好彩佢肯食下菜，我地用食水浸住d菜等佢食菜時順便有水份。最後睇醫生，原來天氣熱，兔兔有毛蟎，所以心情差冇胃口呀。

兔兔唔食草粉,有無試過拿布包住佢,然後迫佢食???
我之前兔兔唔食野,我都係迫佢食草粉,醫生應該要教你點樣迫佢食,佢而家點AR(擔心)

penny922 發表於 2012-6-20 08:36 AM
有俾菜辣椒，只吃了數啖，一條都食唔晒。凌晨三點我餵他吃了一次草粉，份量不多。今早(06:00)看他，依舊沒 ...

而家兔兔敢既情況你一定要同佢再睇醫生, 你所講最大可能就係兔兔未完全消化既食糜, 同便便係腸到

建議你一定要同佢再睇醫生, 因為你兔兔既情況實在不容掉以輕心, 比較多兔友去睇既兔醫係DR. MA / DR. TIGER

草粉你一定要餵比佢, 佢而家無食欲, 你用匙羹餵佢佢5會想食, 你可以開稀d用針筒餵佢, 續少少餵佢, 用針筒係可以吸到, 我日日都係敢餵, 你嘗試將水同草粉比例為3:1, 5好心急, 越急越難

佢一次5肯食多, 你要分開餵多幾次

另外, 你要同佢按摩下腹部連續2個鐘以上

佢5飲水, 你要用針筒餵佢, 5係佢會身體脫水, 積係腸胃既食糜同便便就更加無法排出體外

如果一直滯留係腸入面, 會轉化為脹氣, 食糜一直係腸胃, 會令體內產生致死毒素, 嚴重會令肝臟負荷5到, 惡化為脂肪肝, 好大件事, 可以囉走兔兔條命仔

或許, 你有你既難處, 無可否認, 兔兔醫療費係一個5少既負擔, 但我深信你係愛錫兔兔, 為佢付出再多都會願意, 如果你見佢可以好返, 就一切都係值得

好好加油, 兔兔好需要你同佢一起努力作戰......

我都喺咁話！
兔兔可以喺短時間內病情轉差或死亡
到佢真喺大吉利是走咗先嚟後悔就太遲啦！
快啲去睇醫生啦！夜診仲貴呀！

錢冇左可以再搵
兔兔走左 就咩都救唔番!~

情況冇改善一定要快d再去睇醫生
可能要留院吊鹽水 / 打皮下水
而家仲可能有醫生睇, 半夜你想搵醫生就難上加難

錢冇左可以再搵
兔兔走左 就咩都救唔番!~

情況冇改善一定要快d再去睇醫生
可能要留院吊鹽水 / 打皮下水
而家仲可能有醫生睇, 半夜你想搵醫生就難上加難

不如你 book Dr Tiger 啦，再無好轉就要打點滴喇

penny922 發表於 2012-6-20 08:36 AM
有俾菜辣椒，只吃了數啖，一條都食唔晒。凌晨三點我餵他吃了一次草粉，份量不多。今早(06:00)看他，依舊沒 ...

可以救兔一命係無價嘅，不如你同佢轉醫生啦，立即打去dr.ma/dr.tiger睇下可唔可以睇下兔兔，加油呀，記得提爸爸開冷氣同餵佢飲水，食草粉!

有俾菜辣椒，只吃了數啖，一條都食唔晒。凌晨三點我餵他吃了一次草粉，份量不多。今早(06:00)看他，依舊沒飲水、沒食草，只痾了一篤尿，便便只有13粒細細的。
昨天照x-ray醫生話睇唔到佢有氣脹，但今早摸他肚仔，某位置(兔的右下方)較硬，有兔友知這位置是什麼嗎?
現在上班，要靠我爸爸照顧住辣椒，很擔心有沒有好好地餵他...
我應否再去看醫生呢? 以為$600-800埋單的我，昨天花了$1460 (做絕育都只是$1300)，最貴的竟是照x-ray ($600)

如果兔兔情況沒有改善, 請立即換醫生

腸既病 真係唔可以輕視
兔兔有冇扮雞坐? 如果扮雞坐可能係肚痛... 有冇止痛藥
如果兔兔有便便, 佢既情況已經好好了!~
加油!!!!!!!!!!!!!!!

penny922 發表於 2012-6-19 11:53 PM
由於我要湊BB同番工，好擔心聽日番工時間冇人貼身服侍佢。(今晚已經曠工...)
剛才晚上9點幾處理辣椒到11點 ...

唔好喊!要繼續加油!草粉吸唔到可試下加多啲水至吸會易啲，屋企有無菜?可以俾啲佢食，補充水份...如果仲無好轉，我諗可能你可能要帶佢睇dr.,你太唔開心，兔兔會感覺到，影響食欲架!
加油呀，兔媽媽!!

由於我要湊BB同番工，好擔心聽日番工時間冇人貼身服侍佢。(今晚已經曠工...)
剛才晚上9點幾處理辣椒到11點，主要是餵他吃草粉，之前佢病、絕育，點都會食菜同草粉，但而家好似咩興趣都冇晒咁。
都唔明診所點用針筒餵佢食草粉(我不嬲用匙羮餵，佢會舔)，根本吸唔入(塞住)，最多吸到1ML左右，而家佢唔肯舔，我焗住用針筒。一路餵，一路漏，因為佢有時唔吞咁...
我仲用毛巾儘量抹乾佢嘴巴附近，因怕佢潮濕生皮膚病，好煩、好擔心呀~~
補充︰便便方面，佢9點左右響廳到痾左30粒左右細細的，之後便沒有了，佢得兩歲多咋~頭兩年醫過皮膚、膿瘡，洗左好多錢，好彩醫得好，仲由初期食極唔肥，到養到而家大大隻隻，以為佢會健健康康，誰不知....百般滋味...(哭)

你有無開冷氣比佢，日頭好熱

辣椒點啊依家?