為芝麻設計健康餐單

睇左阿度個飲食需知, 我發現我唔可以再縱容芝麻喇!
有幾個問題想問問...
1. 兔兔幾大開始唔洗食糧?
2. 可以俾咩菜菜佢食?街市d菜一次要買好多?(我屋企唔煮飯-_-..我唔識呢d野..)
3. 一日可以食幾多菜菜??


我想幫芝麻設計番個健康餐單..
等佢長命d嘛XDD

佢而家真係食好多糧..食慣左..都減唔到.但係而家比之前少左喇-v-

現在:::
早上(9-12) - 2匙糧
晚上(5-7) - 2-3匙糧
草草無限~

咁即係佢一日食勁多勁多糧-.-.....

我想知如果轉做食菜係咪會健康d?
而家包糧淨番1/4到...我諗住食埋呢包糧就唔買喇~(如果兔兔3歲已經唔洗食糧)

各位幫下手@v@幫芝麻設計下營養餐單丫:054: :054:

:039: 個網站好有創意呵，餐單都OK

1. 兔兔幾大開始唔洗食糧?
個人建議最好都食返少少,如一日半匙
2. 可以俾咩菜菜佢食?街市d菜一次要買好多?(我屋企唔煮飯-_-..我唔識呢d野..)
好多, 如菜心, 開始要少少咁餵,一直加上去
3. 一日可以食幾多菜菜??
聽聞一隻成年兔一日可以食成斤菜...
不過個人建議最好唔好太多
因為兔仔主要食草好d

兔子可吃的蔬果 ∼＞　http://mini-house.info/viewthread.php?tid=45&extra=page%3D1

街市通常就最少買半斤，
或者可以到超市買一包一包裝既，
份量就沒固定，但包裝袋會有寫。

上次我帶短短去睇 dr yan 時候
佢話兔仔轉咗成仔之後可以唔洗食咁多糧
我話佢知我早晚比一平匙糧短短食, 匙係平時外買果d
呢個份量係兔協嘅人講我知
而果時短短啱啱轉做成兔
不過dr yan話比得太多糧
仲話糧其實可以唔洗比
每日比菜+無限草就最好
而我短短因為唔係太大個仔, 所以佢話比三至五片
等佢肚仔適應下
而糧就可以比少少地佢做副餐,
之後先慢慢加多少少菜

而我多數去supermarket 買3過幾四蚊一包包嘅菜
太多怕食唔晒, d 菜變得唔新鮮
浪費咗

唔該哂你地呀!!
我陣間落街買菜菜俾芝麻食先^0^...
我諗住將佢d糧慢慢減少..直至食哂就唔再俾一排..
睇下佢接唔接受到先-v-..
如果唔得就買多包..每日俾幾粒佢食..

短短媽答得太好了,糧的確真係唔駛比都得架
因為比糧都係為吸營養,而呢d營養係可以由菜吸收架
不過記住買多d唔同既菜比佢食呀~~

我岩岩買左一包...叫白菜心-0-..
佢地食唔食得嫁?

其實我覺得除左幼兔要食糧，大左就跟本都唔駛食...
反正成兔都係食t草，t 糧都無咩分別 ...
幼兔就話要多d營養姐 ....

我無去街市買菜 ga，不嬲都係去超級市場買，
一包包既可以慢慢揀，又有埋價錢。
有時有個姐姐係到既話就同佢要幾錢，佢就幫我磅囉，大約都係6-7蚊已經好夠。
不過就唔好一次買好多，因為菜都只係放2-3日，
細個既時候阿媽教d菜唔食就唔好洗，好易會爛。
而家 miffy 同妹妹都只係食過 菜心苗、大白菜、娃娃菜、白菜仔。
呢排落雨，d菜又唔令又貴 ...

另外想問...學斗仔 係唔係 即係白菜仔阿 ?
尋日係 supermarket 見到個樣，又好似白菜仔，但係又寫住學斗仔 @@

我頭先都係去超市買..
好多菜-_-我唔識揀....
最後揀左包白菜心....細細包都要9蚊-.-..
仲話至抵價!!:056:

係呀, 學斗仔即係白菜仔

今期落雨多, 菜價升左45% +

http://mini-house.info/viewthread.php?tid=575
獸醫診所小冊子..提供各種兔兔可吃蔬果資料..

搞錯...無啦啦寫學斗仔 ...
之前都寫白菜仔..

不過唔令 ....

我有時懶都費事比糧包包食ga.........

芝麻咁大個而家黎改變佢既飲食習慣會比較難，比心機丫!!

兔兔係好頑固ga~