兔兔近排勁咬人, 又挖地~

我明白兔兔一向都好鐘意咬野同挖地~
樣樣都咬一餐~
不過鬆餅一向唔會咬野,就算俾蘋果木俾都唔會咬架
但係呢2,3日 鬆餅突然不斷地咬野
連地下墊地既膠墊都咬爛哂,
又成日咬人wor, 包冰墊既毛巾又咬,
俾蘋果木俾佢, 佢竟然咬爛哂呀
又成日挖個冰墊, 同toilet d 紙粒
其實佢係咪有野唔開心或者唔滿意所以咁呢
好彩佢咬完唔會吞落肚咋

會唔會話你放少左佢出黎呀?
又或者好似細佬仔出牙仔個d..有一輪會好鍾意咬野同lam野架?
我以前個隻兔仔有一個月唔知點解咩都lam
我比隻手佢..佢可以由手指直lam上手臂度
坐個度方圓半米又會lam乾淨先
不過只係個個月..先後又回復正常 :057:

就係呢幾日先係咁~都有放佢出黎玩~
越鬧佢就越咬, 溫柔d 哄下佢, 佢會食下草先再咬過
其實同平時都差唔多, 冇咩特別點變~
會唔會係我轉左少少alfafa 草唔鐘意呢~

原來佢地仲會出牙仔架?? 佢4個幾月喇wor
不過佢個樣都似牙痕~:043:  點算好~
俾佢咬又唔係, 唔俾又唔係~

牙仔係一路會生嫁~唔關幾多個月大事..
所以佢地係要食草草黎磨牙!!
有d兔兔就係唔食草所以搞到牙仔過長..
可能佢牙仔痕..想咬野都唔定~
你可以買d大舊d既木俾佢咬下..睇下佢咬唔咬..
不過佢地好衰-.-鐘意咬d膠既野..

唔好意思..其實我唔係話佢宜家先生牙仔
我意思都係話佢係咪牙仔痕呀~
(好似d b b 咁會亂咬野)

我個隻唔止咬膠..仲會咬牆 :019:

咁可能真係牙痕再加上無聊得濟
唉~無端端又會牙痕既~
仲以為佢係難得一見唔咬野既兔兔tim :043:

其實都有俾蘋果木佢咬
但係一放佢出圍欄佢就咬膠墊喇
唯有買d吸引d既木俾佢咬啦~謝謝兩位~

我兔兔同你隻一樣, 又係差唔多大, 突然問狂咬嘢,
又挖又咬咁, 買舊木俾佢又唔咬:056:
淨係周圍咬d佢唔應該咬嘅嘢!
有時搞到我都唔想放佢出嚟
而家有時佢咬得西利, 我會分散佢注意力,
引佢入籠食草, or比d alfa 草佢食
其實都唔知點算
希望大個會好d la
佢咬完ｄ嘢仲會食落肚tim ga!!:056:

兔小孩開始大,進入青春反叛期羅,
對外面興趣越來越大,鍾意探險到處咬下感覺下係咩黎,
屋企要做好防護,電線收好,唔咬得的唔俾入既地方搵野擋住,
用方法令佢地接觸唔到有效過見一次鬧一次.
過一段時間佢地熟悉所有物件後情況會好d的.
可以試下用個紙箱裡面放草或紙俾佢玩轉移下目標.
有時咬人就要大聲叫痛同話下,一般會有改善的.
另外佢地成熟後有d兔兔會到處屎屎尿尿噴尿霸地盆
或增加攻擊既行為,就要考慮絕育手術羅,當然兔女就一定要做喇.
減少放出黎同打佢鬧佢只會令兔兔有更多的行為問題同對人冇信任呀.

seefun真係好專業:060:

哈哈~真的好詳盡~
尋晚咬得超勁呀~
可憐既kitty 就咁就毀容了:011:
買左咬咬木俾佢, 一啖都冇咬~只係要黎掉
仲好聰明地用舊木遮住個咀, 等我地以為佢係咬緊舊木
(佢係邊個地方咬都會帶埋舊木走)
草磚都俾左一舊佢~食哂
食完再咬:036:
地下唔墊野又唔得, 咬花左個地下仲衰~
唯有放返佢入籠先會定d呢~
唔通佢真係咁討厭hello kitty

.....

HELLO KITTY 俾人毀容 LA~~~~~~~~

以前我都有考慮買個 POON 既墊俾佢...好彩無買...