夾兔問題

我之前養開一隻兔仔,養到7個月大開始發情,會搞d公仔,咁之後我係兔協領養左一隻已經絕左育幾兔女返黎~因為我隻兔仔未絕,所以我一直都係分開放佢地出黎~但由前一個星期開始,因而我隻兔仔都絕埋育啦,所以我放佢地一齊玩~隻兔女好似唔多理佢咁,但兔仔就成日一黎就禽佢.....但兔女又無立即走,俾佢un兩下先走,但佢又無主動去同兔仔玩~點算??咁係唔係即係唔夾???
但只要兔仔唔禽佢,兔女又唔會走,企定定,但又唔睬佢喎:043:
兔仔幾時先會唔un佢呢~因為佢幾乎一出黎就un佢~但我只係兔佢幾時侯,佢就會訓係兔女個籠旁邊陪佢...咁點算啊~

um 唔止係交配，又或者係分邊個做大佬。

仔仔絕育完無耐，荷爾蒙或者未調節返好，所以仲想un囉。

我隻仔第一次個女既時候都 un，
跟住絕育完之後一個月再一齊玩，就無再 un 過。

只有無打交..其實都無咩問題~可以放埋一齊養~不過當然要睇定D睇實D~
2個禮拜都無打交就應該無問題架喇~

冇錯啦,,,我個2隻係咁打架TIM LA..

仔同女夾得易好多架~~之前胖胖呢個大少爺成日下佢個frd胖虎-________-

但小妹真係好似唔想理栗子咁喎....
仲好似覺得栗子好煩,成日都避栗子,但栗子又好似好鐘意小妹咁....成日去un佢~
有時可能佢見小妹無反應..竟然去抓佢個身...好似抓地下咁...點算...問題係小妹唔同佢玩啊~
栗子un佢個時,唔知點解會咬小妹頸個d毛啊.......一路un一路咬......係唔係有問題架??佢仲咬左一執出黎添啊:046:

另外想問下~小妹返黎個時一歲,已經絕左育,而栗子宜家7個月,岩岩絕左育2個星期左右.
想問下正確絕完育幾兔仔幾時先可以出籠玩~幾時可以同小妹玩啊~佢un小妹會唔會un到個袋袋發炎架????但我反轉睇佢個傷口又好似無事啦喎~
我都想佢地快d可以一齊住啊~但我個衰仔成日一見到小妹就un唔停,搞到小妹好似唔鐘意佢咁.....

我第一次夾兔,請各位大大幫下手!!!感激!!!!

[ 本帖最後由 vickicar 於 2008-8-25 12:50 PM 編輯 ]

仔仔岩絕左育2個星期, 體內仍可能有殘留精子同賀爾蒙, 所以仍然有un un 行為,
一般最好絕育1個月後先再同兔女放埋一齊, 不過你隻女都絕左就唔使太擔心

其他支配性質既un un 唔會對個袋袋有咩影響,
不過一定要留意被un 一方有沒有強烈反抗
尤其是被襟住個頭un, 可能會反咬受傷

我宜家好苦惱啊....小妹又無咩反抗..係俾佢un兩下就走囉~但我真係見到栗子咬左小妹執毛啊...點算啊~

分開一段時間吧
波波小丸有段時間都係咁