請大家唔好誤會一班你我都比不上的愛兔之人

頭先睇左"樂樂有事"呢篇post...有感而發...亦都好sad...
其實一隻兔兔實際有幾大,即使連專業有多年經驗醫生都唔會分得到....所以兔協會跟返棄養ge主人所報ge年齡而話俾大家聽佢地幾歲
另外就係...兔兔有無cancer好多時唔係靠表面睇得出...有時摸唔到架..兔協ge staff唔係專業醫生...
佢地亦唔會有儀器/資金同每一隻兔兔照x-ray...佢地會靠自己多年經驗去判斷兔兔係咪健康...
假如兔兔有咩唔同..其實佢地一定知...一定會帶去睇醫生...相反...如果一直以來觀察落都好正常...兔協真係唔會去特登照...
而且兔兔係短時間內有cancer都係正常事...返到屋企先有問題其實一d都唔出奇...
最後係話唔識去toilet....雖然兔協無講佢唔識去toilet..但係如果有留意多少少...識去toilet ge兔兔 ...兔協會註明話識去toilet..
兔協係唔會瞞d咩架...作為主人..其實心態係應該覺得兔兔識去係驚喜...唔識係正常...因為廁所係人加俾兔兔方便自己架咋...
所以話兔兔唔識去廁所對於兔協一班愛兔之人黎講係好正常...希望大家可以明白....清潔係主人本身ge責任..如果兔兔好易整到好邋遢...主人自己應多清潔
兔協一班愛兔之人儲左好多年錢先可以有旺角兔協呢一個地方..係佢地自己儲錢架~
你地肯唔肯拎10幾20萬甚至更多出黎買一個地方俾一班俾人遺棄ge兔兔呀....佢地愛兔之心可能你我都比唔上..所以希望大家唔好誤會兔協ge職員...

近排好多兔兔都唔肯食野...包括我雪兒...大家一定第一時間要帶佢地睇醫生...
因為呢d係我地ge責任...兔協將兔兔送左去一班好主人之後...基本責任已經完架喇...兔兔有事,大家怪都唔可以怪兔協...
而且大家有咩問題..其實兔協職員好樂意解答你地關於兔兔ge所有問題....

本人真係覺得兔協係一間好偉大ge機構...大家有錢可以去捐錢....

P.S. 我唔知呢個post應該post係邊...如果有錯...麻煩版主幫我移一移...thanks^^

[ 本帖最後由 chrisyan 於 2008-9-17 01:34 AM 編輯 ]

我講過我並唔係尊登/有心去講兔協既不是! 亦唔係話要怪佢地! 事實我亦都好敬佩佢地!
我只係將我既經歷講出黎,就係咁簡單! 大家都係愛兔之人,我並唔想嗌交!

至於我隻兔兔,我自問盡晒做主人既責任!
我無因為咁而厭棄佢,每日為佢清籠,陪佢玩,樣樣做足,
同樣亦好愛佢,好鍚佢,俾左好多心機同精神俾佢......
講真,我自細都已經好想成立一個動物團體去幫助被遺棄既動物,哩個係我既夢想,
如果我有能力,一定會去嘗試實淺,
我並唔係扮偉大,我自問我對兔兔既愛心絕對唔比兔協職員少。

如果哩度係唔歡迎我既,我可以離開或唔再發言,
我真係唔想嗌交,希望大家明白!!
如果有咩誤會,我晌哩度向大家道歉.....

原帖由 [小懶] 於 2008-9-17 02:09 AM 發表
我講過我並唔係尊登/有心去講兔協既不是! 亦唔係話要怪佢地! 事實我亦都好敬佩佢地!
我只係將我既經歷講出黎,就係咁簡單! 大家都係愛兔之人,我並唔想嗌交!

至於我隻兔兔,我自問盡晒做主人既責任!
我無因為咁而 ...

你誤會我了~~
我明白呀~~~
我明白你都係一個愛兔之人~只不過我唔想你咁諗兔協咋~~
因為我個人用字講野d用字係比較激動o個d...其實我唔係真係咁激動架~~你唔好誤會呀~~~
其實我真係唔係怪你...而我講到主人ge責任o個d唔係針對你黎講架...係因為我個時諗到有好多主人好懶,唔幫兔兔清籠o個d~~~

I pologize to you, so sorry for upset you...

只可說兔協唔係神仙
但佢地已儘左佢地既能力