9月18日 1時14分 雪兒的最後一口氣

親愛的雪兒

雪兒您支持左半個月,好叻~ 無問題架喇,您可以安心去繼續您ge路.
好好彩我可以陪您過最後一日,最後一個鐘,最後一分鐘,最後一秒..
媽媽會將朋友對我ge祝福分俾您,星星會帶住祝福陪您一齊...
臨走時雪兒您要同媽媽講ge野,媽媽聽唔明白
希望您今晚夢入面話俾媽媽聽啦
路上平安呀雪兒

愛您的媽媽字


各位兔友,雪兒的最後一面...

[ 本帖最後由 chrisyan 於 2009-9-1 01:38 PM 編輯 ]

嗚哇!!!!!!!!!!!!!!!!!!!!!
我真係忍唔住係公司度大喊..

雪兒~~一路好走啦~~
去到彩虹橋要開開心心呀~~
我地係呢邊會好掛住你呀~~~~~~~
嗚...................byebye la..

節哀順變
my tears burst out in the office too.
雪兒有媽媽陪住到最後一刻,都係一種幸福.在彩虹橋開開心心啊~

雪兒~~最後有你陪住，佢一定已經心滿意足la~

希望你去到彩虹橋都會快快樂樂咁生活，唔好再令媽媽，夢夢,胖胖擔心了~
其實姐姐都見過你幾面~雪兒你係個乖孩子

雪兒~~:051:
去到你唔會寂寞架喇......
我們會掛住你的

雪兒真係好叻, 可以支持到咁耐，佢去到彩虹橋一定會記得你呢個好媽咪架﹗

真係多謝大家......
係呀....我知道唔係每一隻兔兔都可以o係爸爸媽媽ge懷抱裡面去, 就係咁, 我先覺得自己好幸運可以陪住雪兒
見住雪兒最後ge掙扎...見住雪兒連想大叫都出唔到聲....情境真係令到我好心痛.....
我同雪兒講: 無問題架喇...無問題架喇....一面摸雪兒額頭.....雪兒最後個口張下張下咁....好似想講野咁....
之後連張大個口都無力喇...只係嘴唇再郁左一郁就去左....
抱住慢慢開始僵硬ge雪兒, 我摸住佢全身白雪雪ge毛...諗起當初第一眼o係兔協見到白雪雪ge雪兒...諗起o個陣我興奮ge樣同心情....諗起活潑ge雪兒....諗起naughty ge雪兒...諗起好乖好嗲我ge雪兒......

雪兒, 您知嗎? 您其實就係我由細到大夢想中ge兔兔呢....可以同您一齊生活3個半月我好開心....多謝您

我諗雪兒當時想同你講..
"多謝你呀媽咪..同你一齊生活ge呢段時間我都好幸福快樂呀..我要走啦~去彩虹橋度玩..你唔好太傷心啦~"

雪兒係你ge懷抱裡面去彩虹橋, 係好幸福快樂ge,
唔好太傷心啦, 仲有夢夢,胖胖都需要你ga

真係好傷感, 令我諗起5,6年前, 我第一隻兔兔死去果1日
我都係到最近先再鼓起勇氣再養返

希望樓主唔好傷心太耐, 因兔兔都唔想見到你咁架..你俾心機照顧其他兔兔, 佢會感到安慰

雪兒你乖乖,,去彩虹橋有好多朋友仔陪你嫁!唔會寂寞~
你可以o係彩虹橋度繼續睇住媽咪,夢夢同埋胖胖嫁!
christine你唔好咁傷心...雪兒呢個兔生有你呢位咁好既媽咪已經係好幸福!

雪兒唔想見到你唔開心, 你要堅強呀, 佢有你呢個主人一定覺得自己好幸福啫, 佢走之前口郁郁係想同你講佢多謝你 & 佢都愛你..... 相信一定係咁.....
你振作呀, 夢夢同胖胖呢段時間更需要你ga...
我希望大家d兔兔都健康 & 希望大家對兔兔嘅愛可以延續落去.....

chrisyan 你唔好傷心!!!....雪兒知道你一定仲好掛住佢...!!
但係雪兒都一定唔想你唔開心..!!!
雪兒
有你呢位mama 佢好幸福....!我相信佢一定可以係彩虹橋開開心心識到更多朋友仔!!

雪兒去到彩虹橋一定開開心心"你唔好唔開心LA

雪兒去到彩虹橋一定會同樣幸福架!放心喇!