[問]你地點樣令兩隻兔兔一齊住??(最新進展)

你地點令到一隻新黎GE兔兔可以同舊的兔兔一起住??OR令現有的兔兔接受新朋友同佢住??
現時我新養多左一隻兔兔去陪原有的兔兔玩(兩隻兔女一隻3個月大賓尼"忌廉"一隻個半至兩個月GE貓貓"吱喳"),當放佢地一齊出黎GE時間養開GE賓尼兔會去咬去撲新的兔兔!!=0=
但吱喳係唔會走開仲好似扮死咁叭左係度,有時走開左又會自己主動叭去忌廉的下巴底=0=",咁而家個情況算係點呢??而家忌廉GE動靜係冇咁激烈的(有少少覺得唔係好想理吱喳,自己周圍走)

[ 本帖最後由 賓妮 於 2008-9-24 09:39 AM 編輯 ]

只要佢地無咬走人地d毛,,或者打交~
又可以一齊玩...都算係夾到既@@
如果你在場,,就放佢地落一個籠度..睇下佢地有冇咩異狀..
每日都抽d時間放佢地一齊咁..
如果一個星期都無事發生..可以試下俾佢地一齊住喇!

暫時你要睇實先可以俾佢地二個一齊玩，
照你咁講，係 貓貓兔 接受左 bunny，但 bunny 唔多接受 貓貓兔 ....

你試下俾野食先俾 bunny 再俾 貓貓兔，
乜野都先俾 bunny 先，佢覺得你都係一樣咁錫佢既，可能會無事呢。
有時候兔兔都識得呷醋 ga。

如果貓貓兔塞個頭去bunny既下巴但bunny無反應既話，
你可以用手摸摸貓貓兔個頭，咁貓貓兔就會以為bunny幫佢整理d毛毛。
兔兔互相整理毛毛係表示友好 ga。

[ 本帖最後由 lingyan 於 2008-9-22 12:19 PM 編輯 ]

新進展係忌廉冇再去咬吱喳啦^^
兩個都各有各食下草,周圍走,互相用大家GE方法去突破我GE圍困,跳過我大脾OR"捐",哈哈:073:

你2隻兔兔仲細, 容易夾到可以試下一齊住...
但小心再大D 發情時會打交，始終未絕育...

最新進展---我見佢兩個一齊出黎玩時,忌廉已經沒有任何激烈GE動作,就試俾放佢兩個係同一個籠度觀察!!
情況係忌廉一如以往做大家姐唔理任何野...自己食草,吱喳就一樣係有D驚青但又要痴埋去忌廉度!!
忌廉初時有咬吱嗟的毛GE情況出現,但都係好慢咁一下咬,另一隻即時走開左/甩開左後,佢都冇追擊GE情況出現,所以我覺得冇危險性就由得佢,再咬都唔出手分開佢地,慢慢就冇咬,仲開始冇食野就互相痴住大家!!就係咁我決定琴晚我訓覺都俾佢地一齊係一個籠,而家我見佢地都好正常食草飲水!!咁係咪已經算係成功左呢??:050:

睇定ｄ吧∼，因為我睇第二個論壇
話有一次個主人因為無留意．
佢地起主人唔起度個陣打交，打到其中一隻骨折，好嚇人阿

仲有個 case 死左隻, 另一隻最後被主人遺棄左

唔好嚇我WOR!!...而家經過左一日,我唔係屋企,岩岩返黎,兩隻囡囡都冇問題,好乖,仲糖痴豆一路痴住周圍走:053:

都係果句: 兔兔依家仲細個, 要留意進入發情期既變化......
我其中2隻女細個時同你D一樣糖痴豆, 但大大下成日打交最終要分籠

[ 本帖最後由 hh0 於 2008-9-25 12:14 AM 編輯 ]

咁兔兔大約幾大會去到發情期呢?

約6個月大開始留意下啦, 直至絕左育之後
唔一定會出事, 只防萬一