雪兒死左, 唔見新電話, 芝麻死埋

9月18號, 雪兒離開我
9月22號, 新電話離開我
9月27號, 芝麻離開我

大家估下仲有咩等緊我....

P.S. 我ge鼠鼠叫芝麻....

好邪下w0:056:

冇架喇冇架喇~~
九月就快完~好快冇事...

八月兔爸離開我果陣,我都覺得...成個八月,全部野都同我作對..全部野都要離開我咁~
不過~你諗下,佢地其實冇離開你架~
佢地永遠係你個心入面~你都永遠係佢地個心入面~

唔好咁諗啦~~堅強D!唔好比壞情緒影響到你呀..
雪兒走左..你好唔開心..自自然就大頭蝦d~咪唔見電話囉..
好快就會冇事ga la~~

放心,好運嚟緊架啦!!Good Lucky ^^
兔兔安息...:054:

放心吧!衰運走哂,好運自然來..
多數都是這樣

唔洗擔心吧
芝麻只是提前去左陪雪兒,怕佢悶咋~:051:

唔洗擔心..........Good Lucky :048:

有個成語叫否極泰來
仲有丫,如果你樂觀D,世界一切都會美好D =)
如elyse所講, 芝麻真係悶雪兒會悶
所以佢地就一齊係彩虹橋等同你相遇

冇事冇事~ 你'仍'住有事就好似乜都關事ga la!

唔緊要, 有我陪你, 我8月3隻兔兔離開我~~ 9月公司出現風波, 前兩日"R"柴 (連續兩次)仲攪到要CALL白車, D人話一不離二, 二不離三, 但我認為唔應該咁諗, 我地要正面D面對, 加油呀~~ 一齊去面對啦~~

係呀．．振作ｄ呀．．
ｄ衰野好快冇事嫁啦．．
係記得唔好再成日諗ｄ唔開心既野啦．．．
佢地知你唔開心．．佢地都會擔心你嫁．．．
加油．．我地會撐你嫁．．

不要難過....要加油..面前的路還有很長很長:054:

唔好咁傷心...要努力向前啊!!
人生條路咁漫長..呢d只係我地生命入面既小插曲~
生老病死..每個人都會面對同經過...
可能係今次咁岩一次過發生咁多事令你好難受,好難過..
但係你都要振作!!咁樣先可以繼續另一個新開始~

多謝大家呀~^^ 我都會繼續努力照顧我d仔女架~
不過個電話真係係極無可能唔見ge情況下"消失"左.....

冇事嫁啦, 衰野黎完哂, 好ga野會接住黎嫁啦
你有我地支持你, 你要加油啊 :030: