兔仔鼻敏感

有無兔友o既寶貝都有鼻敏感?
我o既吉兔睇左兩次betty, 都係因為流鼻水，應該係鼻敏感
d鼻水透明同稀，但就無打乞嚏
食左藥之後無事，但久唔久有多番鼻水，食左藥水又好番，跟住又黎
你地o既兔兔會唔會好多鼻水? 如果會咁你地點處理?
我都唔想俾咁多抗生素佢食 :[

我既Toffee 就五月中到而家都一直有鼻水, 睇過二個醫生都係話無法處理,
(其中一個有開抗生素, 話只要情況無惡化就可以唔駛覆診)
我自己就試過換過晒Toffee 日常所有會接觸到既野(包括糧同草),
但情況無變, 不過你可以試下,
又或者用空氣清新機<~ 我無試過
但我留意到天氣涼d 時, 佢會少d鼻水, 跟住24 小時開冷氣俾佢, 情況明顯有改善,
但跑動後都會有少少鼻水, 多鼻水時就用化妝綿沾水幫佢抹, 一日抹十幾次 =.=
同埋長期都會俾草粉佢食(開頭一日二餐, 而家減少中)
我就諗住等佢過埋個冬天睇下會唔會好d

補充多樣, 二個醫生都係話鼻敏感無得醫,
能夠做到既只有搵出敏感源, 避免接觸得到,
雖然其中一位醫生話兔仔無汗線,
但我曾查找過資料, 兔子只有鼻和咀之間有少量汗線(唔知邊個真),
所以可以試下從氣溫著手試下先,
我之前Toffee 入房後開冷氣再隔一陣才關窗,
出房前就關冷氣隔一陣才開門窗, 避免溫差轉變突然太大(當時好熱 =.=")

長俾草粉就希望佢吸收多d 營養, 一般我係早晚六點換完草, 俾糧, 最後先俾草粉,
等佢唔會食只食糧或草粉, 而唔肯食牧草

我個隻都有鼻敏感，但唔係嚴重個隻，
輕微囉。

鼻敏感，醫生唔會開抗生素，只係開收鼻水藥，
個陣miffy食緊收鼻水藥，係無乜鼻水既，
但唔食又黎返，睇醫生話咁樣可以接受，
又唔會傳染 ... 咁我都係由佢吧 ..

係咪不停有鼻水?
唔知total有冇呢

佢又唔係不斷流鼻水wor，
係比較濕

我 lucky 會乞嚏到連地下都濕埋 :024:
去維多利睇左兩次都係開抗生素...
不過到依家都冇咩好轉呢....

我依家都係由佢
如果有一兩日好多鼻水就俾一次藥佢食
其實除左鼻水之外，佢非常生猛 =.=

原帖由 Cwk 於 2008-10-18 03:48 PM 發表
我依家都係由佢
如果有一兩日好多鼻水就俾一次藥佢食
其實除左鼻水之外，佢非常生猛 =.=

多鼻水o個一兩日...你俾既係抗生素?!
如果係既話, 呢個動作要停,
因為抗生素係要食一個療程,
間唔中食一次, 怕兔仔產生抗藥性,
日後遇到其他問題時要用到呢隻藥, 會變成無藥可用...

噢! 原來係咁!
我係俾兩隻收鼻水同一隻抗生素
醫生3隻藥一齊開，我諗住要食埋先有效tim
咁以後淨係俾收鼻水啦
thx花無缺

原帖由 Cwk 於 2008-10-18 07:08 PM 發表
噢! 原來係咁!
我係俾兩隻收鼻水同一隻抗生素
醫生3隻藥一齊開，我諗住要食埋先有效tim
咁以後淨係俾收鼻水啦
thx花無缺

不客氣, 不過我想問問醫生開左咩藥俾你?
等我日後有需要都有個參考, 謝謝 :002:

我認為只要保持每日室溫差別唔大
兔籠位置通風, 患鼻敏感機會就較微
特別係一d  日間無人在家, 晚上回家又勁開冷氣既最易中招
自己養左甘耐隻隻都無事...touch wood !

hi~我家coffee有鼻水和乞嚏,
醫生只開了收鼻水藥
佢話如果無鼻水就可以唔食
但我一停,佢個鼻有會濕濕地
同埋佢成日都會打乞嚏,每次打成十幾個,
我有唔想成日俾藥佢食,點算好:011:

你係邊度睇??

我係紅磡睇
:053: