戒糧問題

我宜家幫兔兔戒緊糧,因為聽人講兔糧對兔兔身體其實唔係太好亦冇必要一定要食..
我呢幾日放牠出來冇再比糧佢食,只係比菜菜~但係佢好似仲好肚餓甘四圍搵野食同埋明顯瘦左..
所以我有幾個問題:
甘既飲食會唔會有問題呢?
菜菜一日我都會比7-8塊佢食,會唔會太少?
佢比食糧時瘦左係咪營養不良食唔夠野?
(乾草只要佢要食都會無限量提供)

希望有兔友可以解答到,thank all~:061:

你隻兔兔有幾大呀?
你係咪一次過即刻停糧呀?
我都聽講過話食糧唔係咁好, 但我都係無幫我隻兔兔戒糧.
因為我覺得個個人俾佢隻兔兔食o既嘢都唔同, 食幾多又唔同.
但我始終覺得唔好一次過停晒d糧,因為兔兔會唔慣架!
一係俾少d佢食囉! 我都係每日兩餐, 每餐1匙多d.
乾草係一定要無限量提供架~

甘既飲食會唔會有問題呢?

咁既飲食正常黎講係無問題，佢有食草 ga ma，而且菜你都日日俾佢，
對於成兔黎講都已經好足夠。

我家大少 miffy，都係無糧食 (8個月大就開始戒糧)，
只係食草 (有時俾下果樹、燕麥)、菜、生果。
菜仲唔係日日有 tim，個 weight 都 keep 住係一個重量。
獸醫亦都讚佢 keep 得好。
不過自從無食糧之後，隊草隊得好勁，三個星期一箱 9 lbs~

我自己一直都跟住一個方法，
成兔就要食多d纖維同keep住個 weight ;
幼兔就要係正常便便既情況下盡量俾佢吸收營養同要個weight一直增加。

菜菜一日我都會比7-8塊佢食,會唔會太少?

菜菜唔知你俾乜野菜，所以 7-8 塊有幾多真係唔知。
我隻大少就不嬲食小白菜同菜心，
菜心會成棵俾佢，大約 5-8 棵 la，
而小白菜通常就一個普通飯碗一碗囉。

佢比食糧時瘦左係咪營養不良食唔夠野?

瘦左既定義好多 ..
如果佢不嬲都肥既，瘦左就會變成標準~
肥唔代表健康，瘦唔代表唔健康。
因為唔知你個隻係成兔定幼兔，
幼兔輕左唔係好事。
成兔無乜野特別營養要吸收，
主要都係纖維，重量理應無乜點變。

之前你好似講過你俾幾匙糧兔兔食，
如果突然間唔俾，瘦左都唔出奇 ga bor，
或者你慢慢 cut 佢 la，
例如你不嬲俾開3匙既，
就半匙半匙 cut，第一次俾二匙半，第二次俾二匙 ....
要佢食少d糧，食多d草。
得閒用個磅同佢磅下，
個重量 keep 住同便便又圓、硬、大，都無乜大問題既 ~

(乾草只要佢要食都會無限量提供)

體重方面   最好用定期同佢磅下重
咁就可以知道體重既具體變化

bubu有9個月喇~
真係唔該哂你地牙TuT尤其係板主~答得好詳盡牙:054: 我明白哂喇:}
我之前唔知真係比幾匙糧佢食/-\唔怪之得兔兔宜家一粒糧都冇就周身痕甘..睇到就忍唔住想比佢食/_\
我會用你地既方法去幫兔兔戒糧咖喇~希望可以好似miffy甘叻仔keep得甘好啦;}
同埋兔兔既便便宜家都好健康冇問題~菜菜既份量同板主你講既差唔多~
thank all^^

bubu已經成功戒左糧喇~
我宜家每日會比幾種唔同既菜佢食,體重同健康好正常牙^^

bubu好叻wor~
如果bubu乖既時候,可以用幾粒乾糧獎下佢既~
咁就可以唔駛晒左d糧啦~
我買左一包細既oxbow糧...食左1/8就開始幫total戒lu~
依家仲有勁多係度...都係當獎勵比佢食咋~:013:

我D糧都係用黎令佢地乖乖地俾我梳毛剪甲同獎勵用

食兔糧應該唔會有問題的...........
多多先生每日都食鬼咁多糧,咪一樣好健康,過多幾個月7歲ga la:057:

原帖由 光之天使 於 19-11-2008 06:33 PM 發表
bubu好叻wor~
如果bubu乖既時候,可以用幾粒乾糧獎下佢既~
咁就可以唔駛晒左d糧啦~
我買左一包細既oxbow糧...食左1/8就開始幫total戒lu~
依家仲有勁多係度...都係當獎勵比佢食咋~:013:

我而家仲有2樽糧係到，大大話話都放左5個月 ....