兔兔會唔會有自閉症??

如題...

是關我覺得波子好似有自閉症咁~
佢每日都係lee喺佢個籠入面間屋仔度, 隨咗食嘢同便便, 基本佢係好少離間屋仔嘅, 但佢食嘢, 飲水同便便都好正常, 我哋每日都會放佢出嚟玩, 但佢好少會自動出嚟, 通常都係我哋抱佢出嚟, 但無論係佢自願定非自願離開個籠, 佢都係出嚟唔到一分就會跳返入個籠度, 即使我哋刻意阻住唔俾佢入返籠, 想佢行下走下, 或者同佢玩, 佢最多都係遠離個籠最多三尺範圍, 通常都係坐喺度望住個籠, 個樣好可憐咁好想入返個籠度, 佢真係一啲好奇想出去走走嘅意欲都冇, 佢會唔會真係有自閉症??

係咪佢COOL JAR!?

我有隻兔女又係叫波子, 又係成日玩自閉, 成日唔理人, 有時比野佢食, 佢都唔自在, 慢條斯理咁去食, 成個大小姐咁!
不過有多隻兔仔陪佢後, 情況好左好多, 活潑左 (但要BOND足大半年先有呢個效果).

所以呢, 慢慢比你隻湯丸的活潑感化下波子丫, 可能會好好多!

波子好可愛呀.....:021:
其實波子黎左你屋企幾耐呀?
佢仲係好細~~可能佢仲未夠膽走得太遠/走出黎~
因為始終佢個籠係最安全既~

籠入面有野比兔兔住(有屋仔)
通常小兔都會慣性收埋自己係入面架~
total細個果陣用果個廁所有上蓋,佢就一日到黑都坐係入面...因為佢覺得安全

你地試下日日開左個籠既門,唔好理佢~
由得佢自己想出黎先出~唔想出就唔好抱佢喇~如果唔係佢可能會驚左出黎~
你地可以坐係遠d既地下,觀察佢會唔會好奇係門口度伸個頭仔出黎"偷望"下~
佢見無人理佢,自然會出黎探險,如果佢唔係走去d危險地方~都由得佢自己行,
唔好走去同佢玩住,等佢知道出面其實唔恐怖,佢就會出黎多d周圍走架喇~
佢大膽d之後,可能會走去你坐緊既地方搵你添~
同埋可以試下每日都係籠個門口餵下佢食野~

可能佢仲未行晒成間屋啊
試下抱佢去唔同地方, 等佢行下
行熟左就夠膽出黎架啦

#^53^# 我花花都唔敢周圍走~但佢會好好奇想去d陌生地方~
但係只要有人郁一郁~佢就好驚~閃返入屋仔~xDD

penny完全相反wor#^4_002^# #^4_002^#

慢慢等佢習慣下，可能有好多地方佢都未去過，陌生呢 #^30^#
佢慣左之後就可能變到你趕佢佢都唔肯入籠 ga la~

我家兔兔開頭到我屋企都唔敢週圍走，衣家慣咗，就倒返轉，佢唔喜歡入籠:041:

咁中意間屋仔呀...
我估波子都係比較中意自己一隻...食下野訓下教姐
你唔洗擔心

多謝大家嘅解答呀~~!!!!

呢兩日我都放多咗時間去照顧波子, 亦幫佢換咗個較容易出入嘅籠, 度門由朝開到晚, 但佢都係冇意欲出嚟, 見倒湯丸喺出面玩, 佢就"屹"高個頭睇下、聞下, 今日兔爸話不如試下引佢出嚟, 咁兔爸見佢又"踎"咗喺個廁所度, 咁就成個廁所拎出嚟, 佢開頭都唔郁, 但後嚟湯丸走埋去攪佢, 攪攪下佢就跟咗湯丸玩, 不過佢行路好似啲阿伯咁, 慢到呢!!!!! 湯丸一支前走咗佢, 佢永遠都唔會追, 不過湯丸令佢可以離開咗個籠好遠, 亦都冇諗過要返籠, 我同兔爸都好開心, 不過佢仲未係肯自願出嚟囉~~~ 但今晚都可算係一個大進步, 佢玩咗成個鐘, 直到我哋要佢返籠先返, 希望嚟緊佢會肯自己出入個籠啦~!!!!!!!

原帖由 波子 於 19/12/2008 15:11 發表
多謝大家嘅解答呀~~!!!!

呢兩日我都放多咗時間去照顧波子, 亦幫佢換咗個較容易出入嘅籠, 度門由朝開到晚, 但佢都係冇意欲出嚟, 見倒湯丸喺出面玩, 佢就"屹"高個頭睇下、聞下 ...

哩個已經係一個好好o既開始喇~
布甸細個嗰陣都唔敢出籠架~
依家.....一開籠就走出嚟喇,有時叫佢返去佢都唔肯呀!!
所以,遲d可能你想波子返入籠,佢都唔肯呀!!! #^64^#

我覺得會有!!
不過自閉兔會好悶!!