點先可以令兔兔唔怕人呢?

我係兔兔新手, 我隻兔兔來了我家一星期, 佢一直住在籠中(我怕佢年幼, 常放佢出來會好易病), 我每天亦最少抽一小時陪他玩, 但每次把他從籠中捉出來時, 他都很害怕..我摸他的頭,幫他梳毛, 他仍是很害怕似的, 怎麼辦?

要用時間慢慢培養的!
唔好經常抱佢出黎...你可以試下開左個寵門...係兔兔的好奇心之下佢會想出黎但又怕...
試多幾次..佢就會出黎...但佢出黎(你要扮冇野..當睇佢唔到)

嘩~ 你隻兔兔好細隻喎, 佢有幾大呀? 係咪貓貓兔嚟架? 佢叫咩名呀?
我諗係因為佢同你未熟, 同埋去到一個新地方, 所以會驚......
你試吓多d用手餵佢食嘢, 放佢出嚟玩o既時候,你打開個籠等佢自己出嚟,唔好捉佢出去,因為佢仲未熟悉人同環境,咁樣可能會嚇親佢,佢會驚驚架!

好想抱吓佢呀 #^67^#

一個星期姐，慢慢黎啦，
多d同佢講野、親手餵糧都得 ga。

我隻布甸係我屋企2個月都仲係怕怕地我 /_\

你加木康落去個兔仔寵度..對兔仔唔好嫁

我隻兔兔岩岩係旺角果間 i love rabbit 買架, 個sales 話佢兩個幾月大, 佢係貓貓兔來架, 叫"拖肥"..佢睇落好肥,但係摸落就瘦,佢而家甘細隻,天氣又凍, 我成日都怕佢會病......
我好想好想把佢養到肥肥白白,健健康康...

我而家睇左呢個mini-house網,知道木糠對佢地唔好, 現在冇用啦...張相係第一日影架...
我一定會對佢好好架...

依幾日天氣凍, 記住唔好冷親兔兔呀.
你要用時間慢慢培養出來, 兔兔只係見你一星期, 都唔會o甘快唔怕你.
而且你要用多d時間陪兔兔, 每日一小時唔夠架....
比多d時間耐性啦, 兔兔好快唔怕你架啦

你想佢唔怕你~你就要忍住手~~
你可以打開籠個門口,你坐係出面~遠遠咁睇住佢~
佢好奇就會出黎~
如果你次次都係用"捉",佢反而會愈來愈驚你架~

可能佢岩岩一出黎,有少少聲or你行埋少少佢就會跑返入去~
咁樣係因為佢未夠大膽,你唔好灰心,亦都唔好再去捉佢~
你試下坐係籠個門口餵下佢食野~摸摸佢~
佢大膽d就會慢慢走出黎架喇~

同兔仔相處, 要俾好多耐性, 佢唔一定會睬你, 唔一定會想同你玩,
但日子耐左, 佢都會知道你對佢好, 就自自然然會比較"痴" 人,

可以嘗試多用手餵糧給小兔吃, 多跟他對望, 輕聲跟他講話,
可以試試摸他, 但若他縮在一旁, 就不要勉強嚇怕他了, 讓他習慣了就沒問題,
然後試試跟他在一間不太大房一起相處, 可能開始時半~1小時他都只躲在角落,
如果他想玩, 會在你身上跳上跳落, 等到他習慣了你的氣味後,
記得要常抱他....不然長大後會不肯給人抱喔

----------------保暖-----------------------------
黎緊兩日會好凍, ""十二度"", 佢又咁細個
你要小心做好保暖措施
用毛巾包住個籠, 留返通風位
籠入面再鋪 vetbed 或毛巾係底
-----------------經驗------------------------------
我小丸都係買返黎既
頭幾日, 我都會用手餵佢食野
或者叫下佢個名先俾糧, 引佢行左行右
佢訓低既時候, 用手輕輕掃下佢既背, 摸幾下咁

過兩日, 同佢熟熟地啦, 再用糧引佢走出籠
唔駛強捉佢出黎, 咁唔好架, 應該由得佢自己走出黎
鋪張報紙係地下, 劃分一個細既範圍佢活動下 ( 一開始唔好俾太大自由 )
等佢熟習左之後, 就會探索下範圍外既地方
你會見到佢對腳係 "扇下扇下" 咁, 即係探索緊
等佢探索完,  就會走得好快架啦
所以呢.  佢地 "扇下扇下"既情況好快就無架啦