噚日帶布甸去兔協俾姐姐梳毛同剪甲~
帶佢出街, 簡直就好似同佢行刑咁.......幾經辛苦終於放到入袋, 點知佢喺咁咬個袋d網, 好似發咗癲咁, 唔知係咪因為個袋有第二種動物味, 所以佢勁唔鍾意.......唉! 唯有揾第二個袋袋住佢先, 跟住即刻飛的出金魚街買個ab袋囉!! 即買即用, 一放佢落新袋即刻定晒, 真係俾佢激死~ 阿囡阿媽揾錢好辛苦架~
終於去到兔協, 個衰囡平時一梳毛就逃走, 又咕我, 又出腳又出口, 點知去到俾姐姐梳, 無走, 只係好細聲咁咕咗一聲, 口腳都無出.....只會欺負我#^56^#
跟住姐姐問, 佢係咩兔, 我答佢係貓貓兔(買嗰陣個SALES講), 跟住.......姐姐話佢唔似貓貓兔, 佢係混種O既, 但偏向安哥拉多D~ 原來我一直都搞錯咗, 一直以為佢係貓貓兔, 點知一直都係錯架!! #^73^# 布甸, 媽媽真係失敗, 搞錯咗你O既品種添!!!!
[ 本帖最後由 hamster1013 於 2009-1-12 11:17 AM 編輯 ] |
|