想請問養緊白色兔仔既你們..

想請問正常你們的兔仔係咪鼻邊都是黃黃地色的???(但就甘睇個鼻,工型部位,應該是無鼻水的..)定真係個鼻邊會好白的??
Thanks!!

你岩岩養的嗎#^66^#

其實可能係兔兔食盲腸便整污糟左~
我家total都係咁樣~你可以每日用棉花棒濕少少水幫佢清潔下~
total成日keep住有好少好少濕~不過用紙巾印過又唔係黃色~
所以我都冇理佢~佢都好健康~

所以你唔駛太擔心~得閒幫佢清潔下就得架喇~
清潔既時候輕輕力就ok~

鼻邊黃黃地咁你就要留意一下，
你隻兔兔係咪新買返黎養既，如果係既， body check 左未 ?

miffy 佢好少會食盲腸便食到鼻都有。
如果係唔小心痴到既，都會係少少啡色。

正常既都係白色。

除左岩岩食左菜整綠色左個咀外, 正常唔應該有黃黃地,
雖然見唔到有鼻水, 但亦唔等於無分泌物
係唔係毛毛呀? 會唔會D菌復發?

多謝大家既回覆, 唔係新買架,養左2年了~~
hh0, 係呀,你好勁呢,為何你會認得我的??^_^你有上Rosy的forum??

其實我都知我不應質疑醫生既判斷力的,此終我睇的,都是全港數一數二,好好既兔醫生,無論人品,心地,醫術,診所既開店時間等等各樣...都十分之好....

但是,我兔兔真係有點奇怪...所以先想上來問一問...

無呀,其實我兔兔由回家個刻都不停甘病,都是同上呼吸道感染有關,即感冒喇~~
最近呢次病,仲側埋頭tim!!
本來睇左醫生,都好得7788,覆診左2次,醫生都話佢好番曬的,我本來都放心曬的,但唔知點解,第2次覆診回家後第2晚,佢比左pat鼻水我睇,仲要不是透明的,是白色的!!
用紙巾印,是濕的!!
弄到我又再驚過,但覆左2次診醫生都堅持話佢好番曬,不用再來睇,所以我真係唔敢某某然又打去問佢地...跟住去到醫生度又話無事..........

今次我都觀察左成個星期了(對上一次覆診就是上星期五)
佢真係如我所料,頭3日即使用紙巾抹走左,之後都會出番白色既鼻水,但近呢幾日就無白色鼻水了...(可能呢幾日Betty都會應診,佢驚要覆診所以收埋D鼻水...(講笑姐))

只是鼻邊黃黃地囉...

依舊係有fing頭抓耳的,都無咩分別...

我都唔知點做好,又唔知正唔正常,所以想上來問下囉,Thanks!!^^!!

係呀, 0係Rosy度知道momo的情況
之前知道醫好左也替你高興
但估唔到最近又有側頭，
唉...幫唔到d 咩, 大家同你打氣啦

呢度caca都試過側頭好番，你地可以交流下

佢其實側左唔係好多日,2日度,所以應該是上呼吸道感染引起側頭的機會多~~同Caca可能有小小唔同...

其實醫生話佢好番,但我奇怪只是為何佢仲會有白色鼻水,同埋個鼻邊仲係黃色的,所以就想上來問下其他兔仔係咪都是甘囉???

我曾經係有想過,可能是因我之前,在佢未側頭前,其實都有見到佢打黑痴的,但我聽說有機會是鼻敏感,所以沒有理會,可能就是因我拖耐左,所以上次先會搞到佢側頭的,聽說側過1次,好易有第2次,所以我真係好緊張...

其實你可以打返診所問，有奶白色鼻水係咪正常。

以前妹妹都有少少側頭既病徵，
就係當佢自己自我清潔既時候成日都向後跌，
我帶佢去 BETTY 到同佢講，
會唔會係唔小心先會跌到，
BETTY 話唔會，兔兔唔會咁樣而跌倒，
好大可能係側頭既病徵。
最後食左一個療程既抗生素，
就無再跌倒。

其實我就是打得去問太多了,又覆診過2次,佢地都話佢無事,無問題,所以我都唔敢再打去問了,所以選擇在呢度問...^^!!!

而且,佢的白色鼻水,係覆診回來後先出現的...
覆診時又無事喎..真是比兔玩死!!!