煩！教極都唔識用水樽飲水

因為兔兔未俾我哋帶返屋企前喺 Pet Shop一直都係用大水兜飲水，所以返到屋企佢唔識用水樽飲水。

咁我就拆咗佢個去街街手提箱個水兜俾佢用，另一方面亦都掛上水樽。但
我掛咗個水樽俾佢都已經成個幾月啦，佢仍然唔識用。

我見啲Guinea Pig都識用水樽,冇理由有三歲智商嘅兔兔唔識嘅！

有日我的起心肝唔係水兜加水逼佢試吓用水樽，點知佢忍住口渴等我加水喺水兜。雖說兔仔習慣咗某樣野係好難改變，不過我唔知佢係硬頸固執定係蠢蠢呢！？！唔通係個水樽嘅問題？(見下圖)

唔知有冇兔友嘅兔兔都係咁嘅呢？

有乜方法可以教識佢用水樽?

oreo你係幾多歲開始湊佢嫁?
如果聽你講佢係3歲既兔兔...我覺得可能比較難教到佢用水樽飲水喇...
因為始終兔兔已經養成左個習慣就係用水兜飲水...
就好似兔兔習慣左去廁所個道理係一樣姐...
其實會唔會兔兔唔知道個個係水樽/個水樽冇水出呀?
你會唔會嘗試下可以抱兔兔埋個水樽到之後用個咀仔對住個水樽...
唔知有冇用嫁呢#^34^#

哦，Oreo唔係三歲。係唔知睇邊到話兔兔有人類三歲智商。Oreo佢25個禮拜大，係半歲兔仔嚟嘅！

抱兔兔埋個水樽之後用個咀仔對住個水樽都試過啦，係用硼牙撞到個水樽出咗啲水佢先識舔！

真係一隻蠢兔兔嚟！#^13^#

原帖由 Bolin 於 2009-5-15 10:01 AM 發表
哦，Oreo唔係三歲。係唔知睇邊到話兔兔有人類三歲智商。Oreo佢25個禮拜大，係半歲兔仔嚟嘅！

抱兔兔埋個水樽之後用個咀仔對住個水樽都試過啦，係用硼牙撞到個水樽出咗啲水佢先識舔！

...

BOLIN...俾D耐性教佢啦...
話時話你係幾時開始放個水樽俾佢嫁?
佢一返到黎你屋企你就轉水樽俾佢!?

有冇試過比第2個水樽佢飲???
我岩岩開始養頭2日唔知仲以為兔仔係唔鐘意飲水
諗住換個水樽比佢試下la,
一試..............佢e+一日起碼ko 1樽500ml既水

會唔會係個水樽放得太低, 難出水?
佢應該要微微提高頭飲,咁就o岩喇

唔係一返到嚟屋企就轉水樽俾佢，係隔咗兩日等兔爸拎一日假特登開車去隔離區間Pet Shop買，順便買兔繩。（唉！莫非就係呢關鍵性嘅兩日? #^73^# ）

冇呀，屋企冇第二個水樽啦。

又要等禮拜六日同兔爸一齊出去買餸先有機會睇兔兔用品，尋日又已經買咗大廁所同其他嘢，兔爸就快扣我零用＄啦！

嘩! 你隻兔兔水怪嚟架，飲好多水喎，飲得仲多過我嘅, 叻叻！#^72^#

我都唔知呀，掛得都算高呱，或者再等我移動吓個位先。

你兔兔咁叻叻~ 一日可以飲咁多水?
有咩方法?

比d耐性~因為 "為食" 都係動物天性
佢口渴、肚餓...一定會四圍搵
你試下唔好比佢出籠2-3日, 應該比佢找到

有冇試下換果細d的水樽呢?
睇唔到果水樽的出水位,是否粗水管?
大型的水樽出水管粗,裡面裝的水又多,
兔兔要好大力至郁到粒珠,有d兔兔斯文d就推唔郁喇,
所以唔用.
兔兔好聰明的,好多時唔止三歲智商係架.:040:

原帖由 seefun 於 2009-5-15 12:45 PM 發表
有冇試下換果細d的水樽呢?
睇唔到果水樽的出水位,是否粗水管?
大型的水樽出水管粗,裡面裝的水又多,
兔兔要好大力至郁到粒珠,有d兔兔斯文d就推唔郁喇,
所以唔用.
兔兔好聰明的,好多時唔止三歲智商係架.:040:

完全同意佢哋有時真係好鬼精，唔似得三歲！
係呀，個水樽係粗水管呀，你又知嘅！？！原來係因為咁呀！？！

我都好想知，我隻兔兔一日飲唔到咁多，莫講話兔啦，我一日都未必飲到呀#^77^# 。

嘩，好呀，唔放佢出嚟搞搞震我做少好多嘢架！