兔兔廁所幾耐要更換?

已經差不多日日洗, 用埋清潔劑 "那", 但係都係有漬, 見到都唔太開胃... 其實廁所會唔會隔一排就要換?

Hill仔而家個廁所用左一年多D..
哈哈 係個底好樣衰 「那」到變晒色 :043:
我諗除非個網生晒銹先要換個新
如果唔係 我諗半年都要買一個新 哈哈

你可以用醋浸, 再刷洗
我平時用水沖乾淨, 再放木粒就算, 間中浸下醋, 晒下太陽~~

另一個方法係, 用膠袋包住個廁所, 每日換天個膠袋就ok~~但就無咁環保

用膠袋真係好方法, 要換墊料成袋抽起就 ok, 不過亞囡唔咬佢一定覺得對唔住自己....

我自己就每日用水沖洗~
半張尿墊+半個廁所紙砂~
不過其實都係吸唔晒d尿架~都係有d漬~but應該唔會叫好多囉

但係個鐵網真係無辦法~
差不多又係時間買過個~呢個都用左差唔多半年喇

用呢醋浸下..呢漬應該可以起到..試下

以前兔兔第一個廁所，真係用到好鬼污糟，
有D色食得太深，浸極白醋都無乜用，只係淡色少少，
之後趁特價，又買過個新  /_\

而家就好好保養個廁所啦 ……………

之前個廁所底就係用尿片墊底，
但慢慢覺得好麻煩，加上都幾唔環保，
所以而家就用左睇完既雜誌，
剪一剪個SIZE就墊底。

:020:  try boil water, might work

賓仔個廁所由11月用到宜家, 都係個底變左啡色
用醋都無用
佢實在飲太多水,太多尿尿
我一日要換兩次墊料呀

每次清廁所我都會先用d醋浸下再清洗,
冇蹟殘留又乾淨,而且果網係膠的可以浸洗埋,
所以果廁所都好耐用喎.

還有可以試下在廁所底先放一小塊保鮮紙,
再放墊料,咁d尿蹟就唔會蝕入果廁所底,
清潔時會方便d.

不過,如果廁所網是金屬的,使用一段時間後,
果網會被尿侵蝕生銹變色就要換新網喇.

我之前個個d漬都好勁...之後我阿媽用百潔布散過就冇左喇

珍珍果個用左大半年我都無諗過換...
用醋浸一浸D漬一抹就甩GA LA