話說幫total整左個涼涼窩之後...
用毛巾的話就會唔太涼~
一唔用毛巾會涼好多~但下面即使墊左4層格網都係滴水...
用過好多方法都係滴水...
所以今日把心一橫將間冷氣房改良一下~
step 1 : 首先將個籃拆落黎,改為掛係籠側
另外係底部舖毛巾(可以摺幾摺),用黎吸冰種既融水
step 2 : 之後放冰種喇~記得條毛巾可以包一包( u型咁樣包住個冰種既底部)
咁樣冰種融果陣d水無咁易滴入/流入個籠
step 3 : 之後用勾,勾住個籃~ 注意冰種盡量唔好貼實個籠,怕d水會流入去
另外因為我個籃係文件籃,佢本身個邊長d,
個底可以攝入籠邊,好籠陣
可以留意下個籃既底部係攝左入籠,另外留意下冰種既斜度,係無貼住個籠架
正面: 毛巾係包左上去,包住個底~
完成品就係咁喇~之後外加返籠罩,連埋個冷氣一齊罩住~
其實因為冷空氣係向下,呢個方法無掛係籠頂咁涼~
掛係籠頂唔墊毛巾(墊格網),放手係冰種下係超涼,
但係依家呢個方法,就咁放隻手埋去,只係有少許涼意~
不過~用埋籠罩之後,罩住d冷氣,籠入面唔會熱,
而且可能因為個冷種傳凍,掛冷氣既一邊鐵枝(籠既鐵枝)模落係涼冰冰既~
total今日就訓係個冷氣下面~貼住籠邊訓~
雖然話伸手埋去唔覺得有冷氣,
但係我下午摸total既耳仔,係涼架~少少熱都無~
當時total大約訓左3~4個鐘啦~ |
|