急問！ 唔食嘢啦又

前幾個星期放工返到家７點幾，發現我家短短唔食嘢唔飲水，成晚扮波
本來打算第二日請假帶佢去睇醫生
一路陪佢足足六個鐘唔肯食嘢。。。
不過陪到半夜兩點幾
佢又好似好返，成個精神返
仲對食物有返平時有嘅反應，
之後一路都冇事

但今日放工，佢又同嗰日一樣啦
究竟發生咩事呀？？？
係米心情唔好呢？
定係有咩身體問題呢？？？
但見佢啲cc　都正常喎

有冇人試過咁嘅情況呀？？？

會唔會係太熱~~~~

初初我都有咁諗，但開咗冷氣佢耳仔好凍。。。
嚇到我立即抱住佢初返暖

放工返去, 食草飲水唔多, 我就唔太擔心
如果訓醒都唔見佢有食, 就擔心D
呢個天氣, 日頭大部份時間都係訓覺, 只係間中食少少野

最緊要你聽朝起身, 見到佢有食過草

其實耳仔凍唔表示佢凍,而係"唔熱"...應該都可以放心

如果肚仔冇問題..大多數都係關天氣事

人都覺得辛苦...何況成身毛毛既兔兔

平時佢見到「糧」同菜都會發癲架，
加上平時８點幾九點我會餵菜比佢
佢不但冇反應，放係咀仔邊佢令轉頭。。。
以前都未試過。。。

好擔心佢係唔係肚仔唔舒服，定係毛球症

摸下個肚實唔實
我粒小吉又係星期6唔食野幾個鐘之後食返
今日睇完betty, 話佢腸停過同缺水
要吊水同打兩支針, 仲有一大包藥
小心觀察~

上次同今次都有留意肚仔實唔實
冇乜問題，冇漲冇實。。。

betty有冇話點解小吉會咁呢？

有毛塞住個胃
你可以試下摸肋骨以下,係胃的位置

total最近都訓得好多~
平時六點幾七點就會起身食野~之後就開始活潑~
但係呢幾日七點幾仲訓緊,
最多係七點幾起身落黎食幾條草,
之後出籠再訓......

可能真係天氣熱得濟~
所以佢地要再夜d涼d先食野

兔兔最適合生活的溫度是18-24度
你試下買一支溫度計掛係籠邊
看看你當時的室溫是否太熱
有需要用鐵盒加冰種比佢降溫

以我大、細妹的經驗, 只要室內空氣流通, 有微風, 溫度上限26度
兔兔都應該無問題, 去到晚上6-7時應該會起身食草和飲水

有呀，溫度計同冰種都有
可能天氣問題
開咗冷氣佢開始活躍返。。。終於鬆一口氣

多謝各位幫忙:001:

丁丁最近都係咁..食少左野.
但係對食物既反應都係大既.
我都懷疑係天氣太熱,夜晚返去開左冷氣佢就活潑番.
不過奇怪就係,小白就一切正常喎;佢地個竉係係附近.
我諗都係整個冰種俾丁丁,短短個冰種係點架?