我家矇仔病左好耐都未好

其實我養左矇仔有兩個幾月嚕...不過一返黎已經病,帶佢去睇九龍動物醫院,
種菌之後知道係巴德斯干菌,跟住醫生已經開左一隻專治療呢隻菌既抗生素比佢食。
食左個幾月,係好左少少,唔會連續打幾十個乞次,但仲係成日都打乞次,又流鼻水,
去復診既時候醫生話佢ok,因為佢都幾精靈,走圍跑跑跳跳,間中打乞次係正常。
依家藥已經食曬了,佢仲係咁,係咪真係正常?定係後遺症無得醫?或者係好似人既鼻敏感?
有冇兔兔都有咁既經驗??請解答我呢個超擔心的兔媽><

原帖由 為食仔 於 2009-7-19 10:50 PM 發表
其實我養左矇仔有兩個幾月嚕...不過一返黎已經病,帶佢去睇九龍動物醫院,
種菌之後知道係巴德斯干菌,跟住醫生已經開左一隻專治療呢隻菌既抗生素比佢食。
食左個幾月,係好左少少,唔會連續打幾十個乞次,但仲係成日都打 ...

唔需要太過擔心(以前我都同你一樣勁緊張)..我d情況同你一模一樣,,都係一返黎就病,,都係有巴德斯干菌
又係食左幾個月,,同一間醫院,,

我隻兔兔大大話話都食左4個月藥,,,一食就四五種藥(見到都心痛)
有一次覆診我問Dr. Betty,,
我:其實都睇左咁耐,,食左咁多次藥,,其實可唔可以斷尾
Dr. Betty:其實係冇咩可能可以斷到尾,,因為成個肺都係里d菌,,好難會清得晒
我:如果係咁樣既話,,我想停藥,,我唔想佢成日都食咁多藥,,見到都好心痛
Dr. Betty:其實只要停左藥,d鼻水唔會留到成面都係既話,,而你又可以接受佢d乞次的話,,都可以既
我:咁有冇d咩方法,,可以令佢氣管舒服,,食薄荷可唔可以幫到佢丫?
Dr. Betty:食薄荷都有一定既幫助

我隻兔兔停左藥差唔多一個月啦,,係間唔中有小小鼻水同乞次外都冇咩大問題
不過我唔知矇仔情況點樣,,不過都可以問下醫生睇下點樣啦

Anyway,,希望可以幫到你啦,,如果你有d咩想問可以pm 我 or call 我都得

我隻兔兔停左藥差唔多一個月啦,,係間唔中有小小鼻水同乞次外都冇咩大問題...

咁你家兔兔間中流鼻水同打乞次係點間中法??幾日先會咁定係日日都會???我矇仔係一個鐘大概打5,6個乞次,
最主要係成個身趴低係地上就一定會打,同埋d鼻水會搞到佢鼻仔附近d毛黏埋一齊,又黃黃地><我一日要幫佢抹
7,8次鼻仔....:056:

原帖由 為食仔 於 2009-7-20 12:26 AM 發表

咁你家兔兔間中流鼻水同打乞次係點間中法??幾日先會咁定係日日都會???我矇仔係一個鐘大概打5,6個乞次,
最主要係成個身趴低係地上就一定會打,同埋d鼻水會搞到佢鼻仔附近d毛黏埋一齊,又黃黃地>

日日都會架,,3~4個hour 就會有幾個乞次,,佢都會有鼻水架不過係白色,,好易抹