個心好唔舒服

我樓下街市有間賣金魚同盆栽既鋪頭, 又會好鬼"鼠"咁兼買倉鼠
係好耐之前..有次見到佢連籠將一隻雜色賓尼擺係門口賣..
嗰時以為佢係自己養到咁上下, 厭咗先拎來賣

到左上星期, 佢入左一批家兔BB~ 全部就咁放係一個大既玻璃魚缸裡面
缸面仲要擺滿其他貨, 鋪報紙比BB, 草都冇條仲要比菜菜佢地食
但過咗幾日, D BB 全部失蹤(可能比人買晒) 我問佢: [D 兔仔賣晒la? 咁你有冇草賣ka?]
佢話有~ 然後就拎左包 O 記既 T 草比我..
我即刻呆咗.. 唔係MA? 你賣既全部係BB, 叫人食 T 草?!

到哩幾日, 間野又拎咗隻淡黃色既貓貓兔來賣, 同樣既生活環境
DAY 1, 見到佢得糧食, D cc 勁細粒, 腳甲超長又黃又乾.. 我估兔兔生疥癬
DAY 2, 兔兔被收埋係鋪中一角, 返到屋企個心超唔舒服, 於是打去愛協問間鋪咁算唔算係虐畜~ 愛協要我提供鋪址, 佢就派人去睇。會check佢地有冇牌照、如果證實間鋪虐畜就會出warning, 但我同朋友都驚間鋪一定會掉左兔兔
今早, 又去睇兔兔..my god, 兔兔既手甲長到向上生...成對手掌甩晒毛...
到底佢以前過既係咩生活??
我問事頭婆隻兔點得來, 佢話係人地唔要佢就拎來..
仲sell我話隻兔買時要$380, 可以$280比我, 我個心掙扎左好耐..將唔將兔兔既情況話佢知? 又想帶走兔兔交比兔協, 但係間鋪無日無之咁做既話, 我又救得幾多隻?? 交比兔協既話, 又等於將個波拋咗比人, 萬一唔小心傳到比其他兔兔又點算呢???
後來我見到 d 街市管理員, 將成件事話比佢聽, 叫佢去 check 下間鋪
希望管理員有去勸下間鋪, 亦希望起到阻嚇作用..

點解E+ D 人為咗個錢字可以連心都冇埋

希望 SPCA 會去睇下啦...

買既話，救得一隻，救唔到第二隻，應該打電話去d機構去投訴佢，
等佢唔夠膽賣。

打去雜誌到投訴下....

打去蘋X日報、SPCA投訢佢哋

唉.......仲衰過.....金魚街d黑店.....................
希望d街市管理員會受理,幫到佢地啦................
所以我成日都同波丸講:「你地好幸福架,有兔爸兔媽,仲有兔嫲,兔爺,兔婆,兔姑姐,加埋其他不同兔姐姐,兔姨姨,兔哥哥兔叔叔等等......咁多人錫.....」

見到d寵物店...其實好多時覺得兔兔真係好可愛~
但係轉個頭又會諗...兔兔其實好慘...生活環境咁差....
好心up架

原帖由 光之天使 於 2009-9-3 11:22 PM 發表
見到d寵物店...其實好多時覺得兔兔真係好可愛~
但係轉個頭又會諗...兔兔其實好慘...生活環境咁差....
好心up架

係牙....
佢地真係好可憐咁...