BONDING 問題

參考左好多兔友既bonding 經驗
大約知道方法都係要兩隻兔兔要在中立地方見面, 同患難, 一齊share食物, 視乎情況慢慢加長時間等等

一直有一個疑問, 如果家中已經有一隻兔兔, 很多地方已經係地盤, 特別是睡房及床下底, 就算兔兔(仔)已絕育, 兔兔在床底的時候, 我用手在他面前擾擾攘攘, 他都會"吼"同撲 (不過就不會傷到我) !

如果想養多一隻, 就算兩隻兔兔在中立地方見面無出現打交情況, 甚至或者已經表示友好, 但當一起走到舊兔兔的領土範圍, 舊兔兔會否打新兔兔? or 出現打交情況??

而且舊兔兔一向都很會去廁所, 在房內的地顫不會隨便大小便, 如果一起在房內, 他一定會忍等我開門, 走出廳大小便 /  自己抓門示意要開門出去大小便!  新兔兔的來臨會不會令到舊兔兔不再乖乖去廁所?

舊兔兔性格較為粗魯, 小氣, 但又易tum, 有時又很嗲, 如果要給他一個伴的話, 應該選擇性格相似(臭味相投?), 還是選擇比較林善的? 如果兩隻都是同性別, 又相似性格的話, 會唔會難bond d?#^66^#

很多問題, 唔好意思呢...#^74^#

你既問題其實無一定答案
亦答唔到你會點
因為好視乎新兔兔既性格
2隻兔走埋一齊好似化學作用
後果係點真係拍埋一齊先知
有時D理論唔work ge
所以每次養多一隻之前都要預左bond 唔到

真係無答案，完全睇兔兔自己既反應。

就算性格一凸一凹，都唔一定夾得埋。
好似我隻MIFFY同阿芷 wesky 既波波，
一隻鐘意被舔、一隻鐘意舔人，但係都夾唔埋~

但唔知點解屋企之前個2隻兔兔，一拍即合，從未打過交，
性格仲係相反 tim。

加上，兔兔性格係你估佢唔到，
一定要有 bond 唔到既準備。
而且 bond 之前最好兩隻都 desex，
會增加成功率。

haha~~Lingyan你既例子用得得好好呀~~~
冇錯,波波同miffy第一次見果陣,黑白相剋,打交= =
第二次德福見,冇打交,但miffy唔中意波波,lam 一lam,就跳走左
所以呢~~每兔都有唔同既性格,
我地一定要有最壞打算,屋企乜野都要預多份,要多一個籠,廁所,草球,水樽.....等

提起波波..我又諗起果次BUNNY DAY 波波 LAM MOCHA.之後好似2公婆咁縮埋一齊

原帖由 elvisli 於 2009-9-11 11:36 AM 發表
提起波波..我又諗起果次BUNNY DAY 波波 LAM MOCHA.之後好似2公婆咁縮埋一齊

haha~~2公婆~~
你要唔要幫你個仔搵波波做女朋友呀~~~
不過,波波好多兔追架bor~~~

miffy 真係好鐘意被人摸頭仔 & 舔頭，
十分鐘意塞自己個頭去人地隻手到要摸摸 / 塞去其他兔仔既下巴等舔，
但又真係唔知點解就係唔鐘意波波舔 = =||| (遇到鐘意舔人既竟然唔鐘意 ??)
唔知係咪佢見唔習慣黑色/深色兔仔 ......
反而同雪糕、HACHI 又無事，可以一齊玩 ...

佢已經好係好"林" & 尚算聽話 & 任人魚肉都無乜大反抗個隻，
但都係一見就 ... 打 ....

(德福個次，返到屋企兔爸話 :  "你個仔專係痴埋D女到丫 =3=|||"
我反駁 : " 咁咪益左你囉 XD" )