換籠一問

我想幫什果啫喱換過大d既新籠，我出旺角睇過...Q兔有個籠擺係門口$328，都幾大可以間開3層,我覺得幾好...不過想問下大家意見，但依家我諗緊如果買個個籠既話,唔知可以去邊度買塊咁大既豬仔板，Q兔有隻底板係白色既,都係一格格，但係D膠係扁扁地闊闊地，依家佢地自己都用緊黎養兔兔，我想問個種比兔兔得唔得,驚唔驚會整到佢地隻腳有腳瘡?黎緊安排咗什果啫喱做絕育,我諗住可以擺返埋佢地一齊,我自己打理佢地都冇咁辛苦,希望大家可以比D意見^^

如果夠位放最好買個單層闊大D既
比較雙層果D安全, 唔使跳上跳落

我用緊Q兔果隻單層3尺籠
好闊清潔又易, 兔籠來說都幾大ga la

暫時缺點係度門向下拉, 出入易kick腳
不過包毛巾或者放斜板都可以解決

有冇相可以睇下?咁你塊底板用咩黎墊...你講個個籠個底應該係網底...依家你用咩黎墊?其實我想買個個d層板可以唔加上去...因為個籠都好大....應該都有3尺....好闊落...

個籠無底架, 唔係網底, 依家無用野墊, 有時會放尿片
睇左好耐先用呢個, 就係貪拒夠大個...3尺....好闊落...

影左相:
正面相, 前面同上面都可以打開


2隻攤係度訓都夠晒位


[ 本帖最後由 hh0 於 2009-9-13 01:26 PM 編輯 ]

都ok喎....但如果我墊野又唔得,雖然什果啫喱識去廁所,但有時都會疴出界 =.=''

係唔墊野唔得 (打漏咗添)

原帖由 vickymcchong425 於 2009-9-13 03:05 PM 發表
係唔墊野唔得 (打漏咗添)

你可以買carefresh紙屑/尿片/Aspen Shaving白楊木木糠 舖~~

原帖由 chrisyan 於 2009-9-13 03:11 PM 發表

你可以買carefresh紙屑/尿片/Aspen Shaving白楊木木糠 舖~~

但我驚佢地會食,同埋,我聽其他兔友post話唔好用木糠...你講個隻木糠係咪同普通木糠唔同d架?有冇相可以睇?我前幾日帶什果去body check時,醫生叫我去兔協睇下,佢話有d墊可以舖籠底,有冇人買過黎用?同埋好唔好用? Dr.ma 話個D墊類似綿質可以索到尿...但我驚依家依D天氣用個D墊咪好熱?同埋驚如果有尿"UP"住會臭...

vet 講既可能係vetbed
夏天用真係好熱架
墊籠行得舒服d, 生腳瘡好岩用
但唔索尿, 只係穿過張墊流入vetbed底
所以最perfect 係放尿片係vetbed下面索尿
但係有D兔中意咬就唔岩用

係呀係呀.....Dr.ma 係講vetbed呀...原來係咁...佢都係叫我買黎比兔兔墊住等預防唔好生腳瘡,咁冬天可以比兔兔用喎....但偏偏什果啫喱最鍾意咬野....:056: 不過買塊比佢地試下先...

如果兔兔會ALL出界，你可以放塊最細SIZE既尿片係廁所下面，
之後上面放個腳墊，先再放廁所上去壓住佢，
以前屋企個二隻兔都係成日尿出界，
都係用咁既方法，
兔兔又咬唔到，又有野可以吸尿兔仔又踩唔到。

原帖由 vickymcchong425 於 2009-9-13 03:47 PM 發表


但我驚佢地會食,同埋,我聽其他兔友post話唔好用木糠...你講個隻木糠係咪同普通木糠唔同d架?有冇相可以睇?我前幾日帶什果去body check時,醫生叫我去兔協睇下,佢話有d墊可以舖籠底,有冇人買過黎用?同埋好唔好用? D ...

係~ 白楊木木糠唔同普通木糠的~
你可以去r記木糠度睇睇, 叫Aspen Shaving, $250好多ga~~
兔協都係用緊呢隻架, 大大塊, 唔好買細包, 因為無咁大塊ge~~

兔友話唔好用木糠最主要係怕松木(影響腎臟) 同 鼻會打hutchi,
呢隻牌子即使用松木都無問題, 因為佢去除左影響腎臟ge物質架喇, 而大大塊唔會有木碎,
我都用緊白楊木木糠, 無試過令胖胖打hutchi,反而有時d草碎有,
另外我再用尿片墊底ge~~

Vetbed雖然可以防止腳瘡, 不過除非你屋企日日都開冷氣,24小時,再加冰種放則邊,
唔係天氣太熱, 兔兔會流鼻水, 唔舒服的~~

食呢方便呢你都唔使擔心ge~~d兔兔會食尿片, 不過無聽過會食紙屑,木糠,
有好多會咬野吞野落肚ge兔兔都無聽過食呢d,因都有其他兔友用緊ga~~

我所有兔籠都係q兔買, 好用呀. 下面有拉"poon", 方便清理, 又可以加高多層. 而家有兩隻兔, 所以我都加多層二樓分開養, 打算friend左之後把籠二合一, 加跳板, 可以一齊生活

原帖由 lingyan 於 2009-9-14 02:22 AM 發表
如果兔兔會ALL出界，你可以放塊最細SIZE既尿片係廁所下面，
之後上面放個腳墊，先再放廁所上去壓住佢，
以前屋企個二隻兔都係成日尿出界，
都係用咁既方法，
兔兔又咬唔到，又有野可以吸尿兔仔又踩唔到。

我想問一問..本身完全識去廁所.都唔會ALL出界..但呢排成日都ALL出界同埋唔係廁所ALL...其實係咩原因??