話說星期六放工即時返到屋企... 個天氣真係超熱!
好在我前一晚響實惠買左兩個冰種! 一大($23.9) 一小(15.9) 真係幾抵! 大的起碼四個鐘小的起碼兩個鐘(sale屎姐姐講的!)
因為太熱一次過放曬兩個冰種! 個袋剛剛好size! 個袋set好左之後就抱kuma入袋仔~ 不忘帶埋幾粒屎屎俾埋醫生睇下俾意見~ kuma好似好嘆咁係攤響個墊左冰種既毛巾上面~ 成三十幾度天氣我都想跳埋入袋一齊嘆冷氣!!! 之後就坐好漫長的一程巴士... 一程106竟然要坐成一個鐘頭九個字先到九龍動物醫院!
本來約左四點但成四點半先到... 等到五點左右就見dr. yen喇... 原來dr. yen係男人來的... 仲要肥肥地~ 不過講英文又有d國語又幾cute~ 我覺佢cute時佢就係咁話kuma好cute... 姑娘一听就知我地既kuma係解熊... 真厲害! 以下係睇醫生時所睇既~! 都幾長~ 消磨時間不錯的!!! 最緊要係有可能幫到你地!
1, 睇牙仔... kuma一俾人掂到個鼻就會臭脾氣... 搞到dr.yen話佢好有性格... 迫不得意之下令佢變身做春卷兔...(唔記得影相!) kuma無計可施之下用尿尿攻勢整濕左姑娘既衫~ 佩服姑娘仲一直抱住kuma令佢乖乖就範! 下排兩只牙比上排長左d~ 要俾更加多草佢食~ dr.yen俾左其他兔兔因牙長而發生問題既相我地睇... 真係好可怕呢!!! dr.yen話如果仲係冇乜改善先要考慮做牙術...
2, kuma有小小腳瘡問題~ 原來話個籠係唔洗用任何野放響個籠俾佢企! 只係就咁放d草響個籠佢就會好舒服~ 如果怕佢尿尿問題就放 vetbed or 吸水墊料就ok的~ 同埋最緊要係俾佢多d時間四處走~ 活動舒展下!!!!
3, 之後睇kuma生殖器官... 原來kuma發緊情... 所以佢會地盤性好強係咁分泌d液體響個籠度! 同番dr.yen講話kuma己為四兔之母... dr.yen話可以等kuma響我地屋企多一兩個月再考慮同佢做絕育手術... 因為只係黎左我度一個星期所以未係時候...
4, 屎屎細粒左~ 可能消化唔太好! dr.yen話唔洗日日都比木瓜丸佢食... 一切野其實好簡單! 只要響佢角度好諗~ 一隻野生的兔兔又點可能爬到上樹食木瓜呢? dr.yen仲要做埋個爬爬動作忍到我地發笑~ 真風趣! 比左d益生菌加水飲~
5, kuma的眼部紅紅地只因為佢本身皮膚色... 原來兔兔初初轉左環境係會因為壓力而影響抵抗力... 所以會多d眼屎~ 但過左一個星期後情況就正常返... 原來不是什麼問題...
6, 最緊張的問題係腳內側~ 同佢講我響呢個星期入面晚晚起碼用差不多一小時時間整理佢d毛同埋疏理吹乾的濕左的毛~ 所以佢長期腳仔都好乾爽! 加上佢識去廁所之後就冇乜呢個情況... 除左佢發我脾氣尿尿就會痾濕左響我腳上面... 我濕住都仲係會好好心咁幫佢吹乾仲要一直安撫佢話佢乖等佢冇咁緊張...(可憐的兔奴) 經dr.yen睇完之後就話情況不太嚴重~ 俾左支好似"奔肌"包裝既cream話響冇乜毛既位塗就ok!
7, 剪毛方面~ dr.yen話兔仔都好在乎自己既外表... 所以剪毛就唔好剪到同之前相差太遠~ 最好集中剪後腳部份就ok! 唔係既話兔兔會知道的... 同埋會唔開心(係真唔係啊- -""") 好在book左黎緊星期三去兔協剪毛毛~ 可令到kuma舒舒服服俾$200真係好抵!!!
8, 講左d關于momo既野比dr.yen听~ 佢話兔仔如果食量正常但體重有下降既話~ 就好可能係肝病... 好可惜未睇醫生momo就去左喇........ 不過我相信momo會令我有更加多動力去好好對待kuma的!
最後賣單~
$250診金~
$60藥膏~
$140益生菌~
$150草粉(一定要買~可以以備不時之需)
後話: 之後去埋蘇施黃話正既清真牛肉館食埋個牛內餅~ 真係幾好食bo!!! 之後就坐的士返家! 差唔多七點返家~ 估唔到的係~ 大果個冰種仲係有大大個冰塊響入面! 真強~ 大家記得買!!!
[ 本帖最後由 wavyxeion 於 2009-9-21 11:53 PM 編輯 ] |
|
分享
收藏
支持
反對
