TXB的小灰兔與BB們

今日終於收倒我舊同事嘅電話, 佢話俾我知依家仲有隻小灰兔拎咗出嚟拍賣冇人要, 唔知尋日定今日仲生咗四隻兔BB, 眼仍未開呢~ 佢問我冇人要咁我要唔要, 我隨即同佢講我要, 雖然我唔可以帶佢哋返屋企照顧, 但我也好想拎走佢哋送去兔協, 因為而家再有四隻兔BB嘅生命, 我聽罷叫我舊同事立刻幫我聯繫. 希望我能夠成功帶佢哋離開呢個地獄, 但一定要快, 我怕兔BB捱不住呢~!!

因為未知道拍賣費用係多少, 如果太貴的話, 我怕我未能負擔, 在此希望大家若果費用太貴可否每人夾一點呢?? 去幫助佢哋脫苦, 但若果費用係我可以負擔的話, 亦希望大家會為兔媽媽及兔BB送上祝福, 祈求佢哋平安無事, 繼續健康成長。

謝謝大家~!!

佢係邊度比人拍賣兔 B??
之前係第二度睇到 POST 係話嗰嗰人只係想收返 $50 買糧錢..

我願意幫忙湊錢~ 有需要請與我聯絡

TXB係喺公司內部做拍賣嘅, 係唔會對外開放, 所以我都係搵我舊同事幫我投兔兔。

多謝小米嘅幫忙, 有需要幫忙我一搵你咖~!!^^

我可以幫手照顧BB的!!!有錢既需要棋棋都一定會幫得上手的~

照顧兔bb我就未必得,但如果有需要夾錢既話就預我一份啦~

如果要夾$~預埋我丫....................................!

其實拍賣唔成應該都唔會好高價

我都可以夾錢架, 有需要隨時搵我!!!#^74^#

我都想過養多一隻倍不乖，但又怕應付不來，心大心細

#^79^#  如果唔係大數目 #^79^#
我都可以夾埋一份>v<

原帖由 lunar 於 2009-9-23 08:34 PM 發表
我都想過養多一隻倍不乖，但又怕應付不來，心大心細

你岩岩先開始養不乖.....
先學習好照顧不乖先....
遲D再決定...

我都可以幫下手既....
我都想幫下四隻兔BB....

多謝大家嘅幫忙, 聽日我會再打電話俾我舊同事跟進, 希望可以盡快成功救出兔兔, 如果有人想要兔BB嘅話, 我希望要係有一定養兔經驗嘅兔友, 因為畢竟都只係咁細嘅兔BB, 同埋加上喺嗰度嘅環境, 兔兔同BB嘅身體都一定唔會太健康, 我怕未有經驗嘅兔友未能應付, 再者.. 我反而希望係小灰兔會有人願意照顧(但未有小灰兔嘅詳細資料), 因為我怕兔協未必肯一次過收留咁多, 但我覺得兔BB佢哋應該唔會見死不救啩~ 所以我擔心兔協會拒絕要小灰兔, 但一切都有待我真係可以拎佢哋走先決定~
所以, 我會盡快聯絡我個舊同事, 有進一步消息會通知大家, 謝謝~!!

如果有需要, 夾錢我都可以幫手
不過照顧兔兔我就幫唔到

你可以先聯絡兔協
等佢地事先準備下

如果有需要我可以幫手夾錢呢！無問題！！
最重要係兔兔~~希望兔媽兔bb 入面既兔兔都可以平安..
真係好擔心呀...！！
有無聯絡過兔協個邊呀﹖