傷心.....長篇很亂..不知道明不明白

星期三.一朝早收到兔媽一個電話...話佢抱妹豬果時妹豬反抗..趺左落籠到..整傷左隻腳..我知道了害怕他整到骨就即刻早收工買個出街袋俾佢帶佢去睇醫生..
返到去想抱佢就係度對我惡...以前都未試過咁...
   之後帶佢去醫生..醫生話要照x光..留院..話照完x光告訴我妹豬的病情..
   等到佢打黎.我和兔媽都等到好心急..佢話係好消息..無傷到骨..只係甩<教>~...佢俾左兩個選擇我...第1個係等佢自己好返..唔可以放佢出黎玩..要係個籠到...但可能會有後遺症~..到遲d也可能要切左隻腳....第二..切左隻腳..
我諗了一諗..選了第1...試下先..唔得先選第2..
  第二日,,接返佢...佢好似好驚咁留左一晚院..返到屋企就肯食返野飲水..我們一直擔心佢食藥唔肯食..點知佢好喜歡飲..仲想繼續飲..叻女..但要餵埋佢飲水...發現到佢隻腳好似唔係自己咁...好似有3隻手咁...佢放左隻腳係前面..所以好似睇到有3隻手咁...
  今天帶佢出街開個籠俾妹豬妹豬就跳左出黎自己跳左個出街袋到..佢真係好想出街..以後我估一拎個袋出黎佢都會跳入去..搭巴士果時..佢係咁整個頭出黎..係度望風景...都唔知點解佢可以唔驚..第一次又係咁..直頭係個袋入面訓教...
  妹豬...兔媽兔爸都想你快d好返..我們會支持你的...會照顧你的....我們也愛你...鍚哂你一個..你也要俾心機...
  雖然有時你咬爛我d電線..周圍咬野..但亦都無怪過你...你始終係一個兔仔..唔知咩咬得咩唔咬得...前幾日一直痴住我..去到邊跟到邊..果時真係好開心..但唔知以後會唔會再好似之前咁呢...

  妹豬...俾心機喔...

加油呀
妹豬媽同兔爸!!
仲有艇仔都會支持你架!#^79^#
放一千萬個心啦
妹豬一定會好返ge!

謝謝喔...佢而家好返好多了..只係隻腳仲係咁..而家可以整下隻耳仔用隻腳...
之前醫生都話佢好後生好大機會好返,,,但有可能唔會好似以前咁樣跑得咁順..

抱既時候, 一旦兔兔反抗, 主人應立即mou低, 縮減兔兔與地面的距離, 否則兔兔好容易會受傷
祝日日康復~

點解甩骹 唔可以好似人咁放返岩位?!

原帖由 riva. 於 2009-10-17 07:07 PM 發表
點解甩骹 唔可以好似人咁放返岩位?!

兔兔既骨唔同人既骨...
兔兔既骨可以只有一支飲管咁粗..
同埋如果要放返岩個骹位..
我想醫生應該要幫兔兔全身麻醉..
之後先可以幫佢拉返直隻腳仔之後用野"估"定佢..

ANYWAY希望兔兔既骹位可以快D好返~

希望妹豬早日康復la~
有兔爸兔媽咁錫佢,佢一定會好努力加油架

意外真係好難估計既..
希望兔兔快d好返啦 =)
個個兔友都會支持你地架 #^9_003^#

其實你可以帶佢去大圍睇..DR LIM醫兔+骨科都OK的..

DR TIGER亦同ROSY講過.DR LIM手1術比她更清脆利落

甩左較甩左就係甩左..唔會自己好番...神經壞死後就一定要切

我都希望妹豬早日康復......妹豬爸媽依個時候要多d留意妹豬啦.....:051:
如果可以睇多個醫生...比多一個意見...咁就好啦....
我都唔想多一隻兔兔同糯米滋咁不幸......:050:

ELVISLI...我係係大圍到睇...,,星期三都要覆診
而家佢好返好多..一日俾一日好,,,而家睇下星期3醫生點講......
個個都好擔心佢有事"
謝謝大家

希望妹豬早日康復.....
希望唔會去到最壞打算....
妹豬要加油牙!!~#^27^#

希望妹豬快d好返啦~~
咁呢幾日都唔好放佢出嚟玩住啦,同埋要睇下佢會唔會痛到唔肯食野,有既話就要即刻帶佢去睇醫生啦

希望妹豬快D好返...
不過最緊要係你自己,兔兔有你既陪伴佢會好堅強,
不過佢未好得哂你帶佢出街怕唔怕嫁,你要小心一點!!!

佢好返好多啦...多謝大家關心..
其實唔係專登帶佢出街...係因為要帶佢出去睇醫生...之後返阿媽到食飯先帶埋佢去...
醫生話佢好叻....康復得好快.....唔駛再覆診.....但到下星期先可以放佢出黎~~~