今日上咗兔協

同兔爸商量咗好耐, 決定養多一隻兔兔, 說服了兔爸上兔協看看, 但係上到去 d 義工 / staff 真的很冷淡, 係冷淡到令我地覺得好不屑同我地講野,  好似我地黎乞隻兔仔返屋企咁... 我地唔係話要求好似 sales 咁, 但係我同兔爸好似被人當空氣咁... 最後, 我同兔爸都唔係太開心咁離開, 兔爸話 "唔再考慮兔協, 買隻兔 b 算了... 費事受氣..." 令我好無奈...

其實上得去領養, 都係希望幫到兔兔啫, 而家咁, 我都唔知點好了...

下...係米一場誤會牙...
我上十次十次佢地都無問題...仲有你地那一個時段上去睇...
係米佢地個陣忙緊...因為佢地忙緊個陣可能真係無時間應酬你地

而且個人覺得你真係希望幫到兔兔...
何必介懷佢地d職員既態度

有冇試下主動向職員提出來訪既意願...始終上面實在太多工作..太忙

我都想過在兔協領養白飯
一直心大心細

當時兔協得我同兔爸... 我個人覺得, 忙唔係大晒的, 有d 野係好 basic 的禮貌.... 同埋, 我有心想領養一隻兔兔, 只係問 D 關於佢 ge 情況, 都係人之常情啫, 點解要 ignore我地啫? 我冇理由上去望咗佢一眼, 就話領養佢gua?

anyway, 兔爸真的很不喜歡兔協, 睇下遲d 佢會唔會好d啦, 再唔得都仲有 SPCA...

咁不如我幾句...大家討論咁傾下

兔協都係服務兔既機構而不是服務人...  ignore你的話你咪主動問一問簡單既問題

例如手續等等...

始終佢地真係唔係做生意既地方...

講個例子...:你入到一間店舖..點解佢地咁以禮待客呢...因為佢要服務你..可以賺錢

我自己就反而好唔鐘意入到一d店舖..自己諗住睇下衫..但係個店員會全程跟到尾

反而令我想即走唔睇既念頭...

兔協某些工作員既態度可能較冷淡...而且我諗我知你講緊邊個tim...

但係我都試過主動提出問題..對方都是會肯解答的..希望某些不會影響兔兔既事而影響到你領養既念頭

[ 本帖最後由 elvisli 於 2009-10-31 12:58 AM 編輯 ]

或者你係網上揀，
之後send e-mail過去申請。

上過好多次兔協，
都係當我透明人，就算問佢野都唔係好願意答。
唯一一次上去，個義工幫兔兔梳緊毛，
我去問佢關於聞氣既事，佢好樂意答 T.T...

其實個人應為唔需要太介意她們的態度...她們冷淡都唔代表冇禮貌...你只要明白她們同你們一樣都係愛兔之人...咁你就唔會咁唔開心:055:
而且你只係想去領養兔兔...唔好因為一d少問題就放棄吧!!!

我次次去兔協都係完全冇人理..
我仲會覺得好似好左佢地做野咁= =

你唔好咁諗啦,兔協咁多棄兔要照顧,得果三兩丁人做野,我地養一隻己經咁辛苦,
何況佢地,我地去領養係幫兔仔,唔係要人服侍,希望你可以體諒下別人,
我地都好唔想你對兔協有咁既誤會~

我領養果次又冇問題WOR, 果時仲有好幾個人係度買緊野TIM

你有冇係去之前打電話問清楚哂D手續???
同埋我有打去同佢地講邊日邊個時間會上去睇(都要選個佢地得閒既時間)
同埋我一早就係網上睇左想領養邊隻, 咩資料都自己睇哂先, 費事去到好似冇準備過咁~~~
所以就冇預過你講既情況了

同埋我都覺得每人一日清理10幾20個籠真係人都癲, 我了解佢地點解會冇咩心情^^"

原帖由 大富翁 於 2009-10-31 03:33 AM 發表
我次次去兔協都係完全冇人理..
我仲會覺得好似好左佢地做野咁= =

我一入到去都冇人理嫁WOR~~~
到我自己出聲講要買咩野, 就會有人幫手嫁喇>_<"其實係唔係你講野細聲/講得唔清楚你來既目的先冇人理你??@_@

其實佢地都好辛苦,每日都係佢地數個人打理數十隻兔,我很理解他們的情況。若你曾上去做義工,你便知道工作有多繁重,仲要有的兔兔係有病,需要特別照顧。
我每次上去買野,都係搵唔到自己想要既野先問,佢地都好helpful。
個人認為,兔協義工既態度,唔可以作為領唔領養兔兔既原因。若你是真的愛被遺棄既兔兔,就更加唔應該咁諗。
你去買兔,變相會令的商人不停地繁殖兔兔,他們不理兔兔的死活...

我自己經常上去, 而且領養個時我都係親自上去.. 上到去佢地唔會好似sales咁跟住你, 係咁問你野(我鐘意咁樣, 我最怕俾人跟到實) 到你有問題要問佢地個時佢地都會答, 之但係你話佢地態度冷淡, 其實你係覺得因為你問一句佢先答你一句﹖
因為我自己當初睇中幾隻, 問佢地野個時都係咁, 但我始終覺得, 佢地態度唔係話差..
始終一個人清十幾廿個籠, 仲要加草等等, 真係會癲架, 同埋你咩野鐘數上去呀
你上得去多就自然知佢地有d時間雖然係好小人/無人係到, 但佢地先係最忙個段時間呢~
我反而自己會覺得上到去會阻住佢地做野..
同埋兔協始終都係服務兔兔..同埋佢地唔係hard sale既地方ma..所以我覺得如果你真係有心幫棄兔..唔應該因為呢d因素而唔係佢地到領養, 最重要係佢地真係對兔兔好有心呢

而且你出去買既話即係再助再d無良既商人..

有問題你主動問佢地, 佢地會答架,

嗯, 明白樓主的感受, 相信大部份人都有咁的經歷, 我曾經都有架, 但請真, 正如其他兔友所講, 她們的工作真係很忙, 所以如果就到的話, 可以等佢地忙完先上去, 其實她們都好樂意解答你的問題, 轉個角度去諗下啦, 你真的想幫助兔兔的話, 無必要因為呢d情形而改變你們的諗法, 又或者咁問下你, 你究竟係因為自己而想養多一隻兔兔, 定一或係想幫到兔兔而去養多一隻兔兔?